Bagdad

in Wikipedia, die vrye ensiklopedie
(Aangestuur vanaf Baghdad)
Jump to navigation Jump to search
Bagdad

بغداد
Stad
Baghdad collage.png
Bagdad is in Irak
Bagdad
Bagdad
Koördinate: 33°20′N 44°23′O / 33.333°N 44.383°O / 33.333; 44.383
LandVlag van Irak Irak
GoewernementBagdad
Stigting762
Regering
 • BurgemeesterZekra Alwach
Oppervlak
 • Totaal204,2 km2 (78,8 vk, m,)
Hoogte
34 m (112 ft)
Bevolking
 • Totaal9 028 636
TydsoneUTC+3 (AST)
Poskode
10001 tot 10090
Webwerfamanatbaghdad.gov.iq

Bagdad (Arabies: بغداد‎‎, Koerdies: Bexda‎) is die hoofstad en grootste stad van Irak. Bagdad is ook die tweede grootste stad in die Arabiese wêreld. Die stad het 'n bevolking van 9 028 636 in 2015 gehad en 'n oppervlakte van 204,2 km². Dit is aan die Tigrisrivier geleë en is in 762 deur kalief Al-Mansoer gestig. Dit het die hoofstad van die Abbasidiese Kalifaat geword.

Binne 'n kort tydjie vanaf die ontstaan daarvan het Bagdad ontwikkel tot 'n beduidende kulturele, kommersiële en intellektuele sentrum van die Moslem-wêreld. Bykomend tot die huisvesting van verskeie belangrike akademiese instellings, waaronder die Huis van Wysheid, sowel as die aanbied van 'n multietniese en multigodsdienstige omgewing, het die stad 'n wêreldwye reputasie as die 'Sentrum van Geleertheid' verkry.

Bagdad was gedurende die Islamitiese Goue Tydperk die grootste stad ter wêreld vir 'n groot deel van die Abbasidiese-era, en bereik 'n bevolking van meer as 'n miljoen.[1] Die stad is in 1258 grootliks verwoes aan die hand van die Mongoolse Ryk, wat gelei het tot 'n agteruitgang wat deur baie eeue sou voortduur as gevolg van gereelde plae en verskeie opeenvolgende ryke. Met die erkenning van Irak as 'n onafhanklike staat (voorheen die Britse mandaat van Mesopotamië) in 1932, het Bagdad geleidelik 'n paar van sy eertydse prominensie herwin as 'n belangrike sentrum van die Arabiese kultuur.

In die hedendaagse tyd het die stad dikwels ernstige infrastruktuurskade ondervind, meestal as gevolg van die Amerikaanse geleide inval in Irak in 2003, en die daaropvolgende Irak-oorlog wat tot Desember 2011 geduur het. In onglangse jare het die stad gereeld insurgensie aanvalle beleef. Die oorlog het ook gelei tot 'n aansienlike verlies aan kulturele erfenis en historiese artefakte. Vanaf 2018 is Bagdad gelys as een van die minste gasvrye plekke in die wêreld, en word deur Mercer beskou as die slegste stad vir lewensgehalte in die wêreld.[2]

Geografie[wysig | wysig bron]

Die stad is geleë op 'n uitgestrekte vlakte wat deur die Tigrisrivier verdeel word. Die Tigris verdeel Bagdad in die helfte, met die oostelike helfte Al-Rusafa en die Westerse helfte bekend as Karkh. Die land waarop die stad gebou is, is byna heeltemal plat en laagliggende, van alluviale oorsprong as gevolg van die periodieke groot oorstromings wat weens die rivier plaasgevind het.

Panoramiese uitsig van die Tigris soos dit deur Bagdad vloei
Panoramiese uitsig van die Tigris soos dit deur Bagdad vloei

Verwysings[wysig | wysig bron]

  1. "Largest Cities Through History" (in Engels). Geography.about.com. 6 April 2011. Geargiveer vanaf die oorspronklike op 18 Augustus 2016. Besoek op 19 Junie 2011.
  2. Vienna unbeatable as world's most liveable city, Baghdad still worst. Reuters. Retrieved 14 Februarie 2019.

Eksterne skakels[wysig | wysig bron]