Balaklawa

in Wikipedia, die vrye ensiklopedie
Jump to navigation Jump to search
Verskillende maniere vir die dra van 'n balaklawa.

'n Balaklawa, ook bekend as 'n balaklawahelm of skimasker, is 'n vorm van hoofbedekking wat ontwerp is om die grootse deel van die gesig en kop te bedek. Afhangende van die styl en hoe dit gedra word, kan net die oë, mond en neus, of net die voorkant van die gesig onbeskermd wees. Weergawes met 'n volle opening kan in 'n hoed opgerol word om die kroon van die kop te bedek, of platgeslaan word vir 'n kraag om die nek.

'n Rib-gebreide drie-gat balaklawa

Die naam kom van hul gebruik tydens die Slag van Balaclava gedurende die Krimoorlog, met verwysing na die dorp naby Sewastopol in die Krim,[1] toe die Britse troepe daar gebreide hoofbedekkings gedra het om warm te bly.[2]

Colin Skinner tydens 'n sneeustorm in Noord-Dakota in 2009
Gebruike

Warmte[wysig | wysig bron]

Moderne balaklawas word in wintersport soos ski, sneeuplankry, en sneeuwskoeters gebruik om die gesig te beskerm teen die wind en warmte te verskaf. Hulle is ook baie gewild onder motorfietsryers en fietsryers. Dit is veral nuttig vir balaclavas om te kan "asemhaal" wanneer dit gebruik word vir buitelugsport om te verhoed dat brille opwasem.

Veiligheid[wysig | wysig bron]

'n Sweedse polisiebeampte dra 'n balaklawa om sy identiteit te verberg.

Brandweermanne dra 'n vuurvaste weergawe gemaak van Nomex met 'n gesigsopening wat bedek word deur hul selfversorgde asemhalingsapparaat.

Elektriese werkers dra dikwels 'n boogflits-gegradeerde weergawe saam met 'n gesigmasker en ander persoonlike beskermende toerusting (PPE), terwyl hulle aan hoëspanningstoerusting werk.

Renjaers in alle FIA-wedrenne moet balaklawas gemaak van brandvertragende materiaal onder hul valhelms dra. In die wedrenne, bergklimme en tydrenne op die internasionale sportkalender, moet alle bestuurders en medebestuurders oorpakke dra, sowel as handskoene, lang onderklere, 'n balaklawa, sokkies en skoene gehomologiseer tot die FIA 8856-2000 standaard.[3]

Militêre magte en polisie[wysig | wysig bron]

Die Britse Special Air Service (SAS) se soldate het balaklawas gedra tydens die bestorming van die Iranse Ambassade in Londen (Operasie Nimrod) in 1980. Die balaklawas was gedra om die identiteit van die SAS-lede te verberg.

Verberging[wysig | wysig bron]

'n Balaklawa kan deur personeellede van sekuriteitsberoepe gedra word, bv. SWAT en die spesiale taakmagte, of deur misdadigers om hul identiteite te verberg. In Ierland het die balaklawa 'n lang geskiedenis van gebruik deur paramilitêre groepe, wat terugdateer na die Ierse Oorlog vir Onafhanklikheid. 

Verwysings[wysig | wysig bron]

  1. Games, Alex (2007). Balderdash & piffle : one sandwich short of a dog's dinner. London: BBC. ISBN 978-1-84607-235-2. 
  2. Hartston, William. Top 10 facts about the Crimean War. Express Newspaper. URL besoek op 31 Augustus 2018.
  3. Archived copy. URL besoek op 2009-06-24.
Hierdie artikel is in sy geheel of gedeeltelik vanuit die Engelse Wikipedia vertaal.