Sweetpakbroek

in Wikipedia, die vrye ensiklopedie
Jump to navigation Jump to search
Sweetpak
Track suit trousers.tif
'n Soortsportdrag, BroekWysig
Drie jong manne met grys sweetpakbroeke.

'n Sweetpakbroek is 'n gemaklike en sagte soort langbroek. Dit word gewoonlik as sportdrag of vir die gemak daarvan as informele drag gedra. Die bypassende bostuk word 'n sweetpakbaadjie genoem. Sweetpakbroeke kom in verskillende snitte, kleure en modestyle voor. Dit word algemeen deur veral jonger persone in plaas van 'n denimbroek of ander soorte broeke gedra.

Sweetpakbroeke word gewoonlik van katoen of poliëster vervaardig. Hulle word van ander langbroeke onderskei deur 'n kenmerkende elastiese band om die heupe. Die broeke word dus sonder 'n gordel gedra. Hulle is ontwerp om nie beweging te belemmer nie en ook nie hitte vas te vang nie. Meeste sweetpakbroeke is daarom nie geskik vir koue toestande nie.

Variasies van die sweetpakbroek sluit in:

  • Die windbreker, wat koue wind uithou eerder as om teen koue te isoleer.
  • Wegskeur-sweetpakke, wat maklik en vinnig verwyder kan word, sonder om tyd te mors voor die aktiwiteit begin word.