Kabney
.jpg)
’n Kabney (Dzongkha: བཀབ་ནེ་; Wylie: bkab-ne) is ’n syserp wat in Bhoetan gedra word as deel van die tradisionele manlike kostuum, die gho.[1] Dit is van rou sy, gewoonlik 90 x 300 cm groot. Dit word gedra oor die tradisionele kleed, van die linkerskouer tot die regterheup, tydens spesiale geleenthede of op besoek aan ’n dzong. ’n Kabney word ook ’n bura genoem, wat sy beteken.
Die kabney en gho word gedra as deel van die driglam namzha (of driklam namzhak), die amptelike gedrags-en-klerekode van Bhoetan. Die gho is verpligtend vir skoolseuns en regeringsamptenare.[1][2] Vroue se tradisionele rok word die kira genoem. ’n Rachu word oor die kira gedra.[1][3]
Die rang van die persoon wat die kabney dra, bepaal watter kleur die serp is:[4][2][5][6]
- Saffraangeel vir die Druk Gyalpo (koning) en die Je Khenpo (hoof-ab).
- Oranje vir ministers en ander lede van die regering.[2]
- Rooi vir manlike lede van die Huis van Wangchuck en vir hoër amptenare.[2]
- Groen vir regters.
- Blou vir lede van die nasionale vergadering en parlement.[7]
- Wit vir gewone burgers.[8]
Verwysings[wysig | wysig bron]
- ↑ 1,0 1,1 1,2 Gyurme Dorje. Footprint Bhutan. Footprint, [2004]. ISBN 1-903471-32-X. Section "National dress", p 261
- ↑ 2,0 2,1 2,2 2,3 Kabney & Patang; from the blog "Bhutan Land Of The Thunder Dragon" by Yeshey Dorji
- ↑ Bhutan Majestic Travel Geargiveer 8 Oktober 2016 op Wayback Machine
- ↑ Kabney colour mania Geargiveer 13 Julie 2017 op Wayback Machine; bhutanobserver.bt, August 19, 2011
- ↑ The Symbolism of Kabney and Rachu in Bhutan; blog "Asian University For Women Academic Reading/Writing 2011"
- ↑ Bhutanese Society and Dress Geargiveer 8 Oktober 2018 op Wayback Machine; Bhutan Life Exposure Tours & Treks
- ↑ Blue Kabney (Scarf) for members of parliament Geargiveer 17 Junie 2016 op Wayback Machine; bhutanmajestictravel.com
- ↑ Time for the white kabney Geargiveer 25 Augustus 2015 op Wayback Machine; bhutanobserver.bt, 3 Mei 2013
Eksterne skakels[wysig | wysig bron]
Hierdie artikel is vertaal uit die Engelse Wikipedia
