Bermudabroek

in Wikipedia, die vrye ensiklopedie
Jump to navigation Jump to search
Bermudabroeke op die strand
Britse militêre bevelvoerders Brooke-Popham en Wavell dra bermudabroeke in die 2de Wêreldoorlog

Bermudabroek, ook bekend as 'n stapkortbroek, is 'n spesifieke tipe van kortbroek, gedra as semi-gemaklike drag deur beide mans en vroue. Die soom, wat omgesoom kan wees of nie, is ongeveer 2,5 cm bo die knie.

Hulle word so genoem as gevolg van hul gewildheid in Bermuda, 'n Britse oorsese gebied, waar hulle beskou word as toepaslike sakedrag vir mans wanneer dit van pas is - en gedra met knie-lengte kouse, 'n kraaghemp, das en baadjie.

Hulle word beskou as meer gepas in warm subtropiese en tropiese klimate as die tipiese swaarder klere wat in Europa gewild is. Baie besighede in die Weste laat deesdae hierdie soort klere in die warmer seisoene as amptelike drag toe, veral in die Verenigde State van Amerika en Australië. Hulle is beskikbaar in 'n verskeidenheid van kleure, insluitend pastelskakerings sowel as die donkerder skakerings.

Hierdie artikel is in sy geheel of gedeeltelik vanuit die Engelse Wikipedia vertaal.