Witjas

in Wikipedia, die vrye ensiklopedie
'n Netjiese witjas

'n Witjas of laboratoriumjas (dikwels afgekort tot labjas) is 'n knie-lengte jas gedra deur professionele mense in die mediese veld of deur diegene wat betrokke is in laboratoriumwerk. Die jas beskerm hul gewone klere en dien ook as 'n eenvoudige uniform.

Kleur[wysig | wysig bron]

Die kledingstuk word van wit of liggekleurde katoen, linne of 'n katoen-poliëstermengsel gemaak, sodat dit teen 'n hoë temperatuur gewas kan word, en ook maklik gesien kan word of dit skoon is. Tydens langdurige / veelvuldig gebruik kan dit gebeur dat die wit labjas steeds minder wit word. By sommige opleidingsinstansies word 'n vuil jas gesien as 'n teken dat die draer baie ure in die laboratorium deurgebring het, en dus baie ervaring in laboratoriumwerk het. Buite die opleidingsplek verkies gebruikers eerder 'n wit, skoon jas vir higiëne.

Mediese gebruik[wysig | wysig bron]

Wit jasse word gesien as 'n kenmerk van beide dokters en chirurge, wat dit al vir meer as 100 jaar lank dra.[1] In die negentiende eeu, was respek vir die sekerheid van die wetenskap in skrille kontras met die "kwaksalwery" en mistiek van die negentiende eeuse medisyne. Om die oorgang na 'n meer wetenskaplike benadering tot moderne medisyne te toon, het dokters gepoog om hulself as wetenskaplikes te laat geld deur die mees herkenbare simbool van die wetenskaplike, die wit laboratoriumjas, te begin dra.[2]

Witjasseremonies[wysig | wysig bron]

Onlangs het witjasseremonies gewild geword onder diegene wat pas by 'n mediese skool ingeskryf het. 'n Wit jas word seremonieel om die nuwe student se skouers gehang tydens 'n spesiale funksie.

'n Laboratoriumjas

Omstredenheid oor infeksie-oordrag[wysig | wysig bron]

Studies het getoon dat doktersjasse wat in hospitale gedra word, aansteeklike kieme kan huisves, insluitend metisillien-weerstandige Staphylococcus aureus.[3] In 2007 het die Britse National Health Service 'n verbod op die dra van langmoujasse geplaas. In 2009 het die Amerikaanse Mediese Vereniging ook ondersoek ingestel na jasse met lang moue, om pasiënte te beskerm, maar het toe nie 'n verbod ingestel nie.[4]

In 'n poging om besmetting deur gesondheidsorguniforms te verminder, het ASTM International begin om standaarde te ontwikkel om spesifiek vloeistofpenetrasieweerstand, vloeistofweerstand, bakteriële dekontaminasie (reiniging), en antimikrobiese eienskappe van sodanige uniforms aan te spreek.[5]

Gebruik as 'n skooluniform[wysig | wysig bron]

Die alomteenwoordige wit uniform van Argentynse skoolkinders is 'n nasionale simbool van hul leerders. Wit oorjasse (wat soos labjasse lyk) word deur studente en onderwysers van die meeste openbare primêre skole as 'n daaglikse uniform gedra in lande soos Argentinië, Uruguay, Spanje, Bolivië en Marokko, en voorheen ook in Paraguay en Chili.

Verwysings[wysig | wysig bron]

  1. Hardy, Susan and Corones, Anthony, "Dressed to Heal: The Changing Semiotics of Surgical Dress", Fashion Theory, (2015), pp.1-23. doi=10.1080/1362704X.2015.1077653
  2. Jones VA; Jones VA (1999). "The White Coat: Why not Follow Suit?". JAMA. 281. doi:10.1001/jama.281.5.478-jms0203-5-1.
  3. Treakle, Amy (Maart 2009). "Bacterial contamination of health care workers' white coats". American Journal of Infection Control. 37 (2): 101–105. doi:10.1016/j.ajic.2008.03.009. PMC 2892863. PMID 18834751.
  4. Yao, Laura. "AMA: White Coats Need More Study". The Wall Street Journal (in Engels). The Wall Street Journal. Geargiveer vanaf die oorspronklike op 13 Maart 2019. Besoek op 5 Desember 2014.
  5. Subcommittee: F23.40. "New Specification for Healthcare Worker Protective Uniforms". ASTM International (in Engels). ASTM International. Geargiveer vanaf die oorspronklike op 28 September 2015. Besoek op 5 Desember 2014.