Hofskoen

in Wikipedia, die vrye ensiklopedie
20ste eeuse hofskoene

'n Hofskoen (Brits-engels), of pomp (Amerikaanse Engels), is 'n skoen met 'n lae snit aan die voorkant, sonder 'n vasmaakband. Hulle word gewoonlik deur vroue gedra, maar bly steeds tradisionele mansdrag in sommige formele situasies, waar hierdie styl soms 'n operaslipper of patentpomp genoem word. Pompe met 'n bandjie oor die wreef word Maria Janes genoem. Pompe mag soms 'n enkelband hê.

Damesdrag[wysig | wysig bron]

'n Paar hofskoene uit die 20ste eeu

Pompe vir vroue het gewoonlik hakke. In die Verenigde Koninkryk, word 'n toe toon en wye (nie-stilet) hakke gedra deur die mode-bewustes, maar die meeste dames dra hofskoene met hoë hakke (stiletto's) van lae tot mediumhoogte.

Hofskoene kan van enige materiaal gemaak wees, maar die tradisionele blinkleer is meesgewild. Pompe word meestal met 'n werkspak of 'n uniform gedra, maar ook met formele en informele rokke, rompe, langbroeke en selfs jeans. Hoë wit stilet-hakskoene vorm die standaardskoene by swemdrag in skoonheidskompetisies.

Pompe is ook deel van 'n baldanser se kostuum. Hulle word van satyn gemaak, gewoonlik taankleur, maar ook in al die ander kleure, en gedra in kompetisies en ook tydens oefeninge.

Mansdrag[wysig | wysig bron]

Men's Court Shoe
'n Manshofskoen (of operapomp), in blinkeer, gedra met witdas of swartdas klere.

Tydens die Regency-tydperk, het edelklashere in Wes-Europa gewone skoene of stewels in die dag gedra en pompe in die aand, saam met sy knie-hoë kouse en midibroek. Die skoene het oorspronklik silwer sny-staal gespes gehad, maar dit is verwyder onder invloed van Brummell,[1] en'n vierkantige materiaalboog is bygevoeg. In die Victoriaanse tyd, was aandskoene pompe wanneer daar gedans of musiek sou wees (vandaar die naam operaslipper), andersins blinkleer formele stewels. Pompe het die standaard gebly met formele aanddrag tot in die 1930's.[2]

Konstruksie[wysig | wysig bron]

Die konstruksie van hofskoene is eenvoudig, met behulp van'n geheel-sny leer top met 'n lae skoen, gevoer met óf gewatteerd sy of gewone leer, afgewerk met vlegsel by die opening. Die volle leerdeel word aan die bodem vasgegom, algemeen op goedkoper style, of deur stikwerk vasgewerk by duurder style. Die sole is tradisioneel verskeie lae leer aanmekaar geheg. Die boog, indien enige, word gemaak van kruisgrein sy of rayon, in 'n saamgeknypte of plat vorm.

Verwysings[wysig | wysig bron]

  1. Antongiavanni (2006). p. 143
  2. Flusser (2002). p. 251

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.