Baret

in Wikipedia, die vrye ensiklopedie
Jump to navigation Jump to search
'n Damessoldaat van die Italiaanse Folgore Brigade dra 'n baret.
Russiese valskermsoldate dra barette in 2005 tydens 'n militêre parade
Rastafariër met 'n baret

'n Baret is 'n sagte, ronde, plat-gekroonde hoed, gewoonlik gemaak van geweefde, handgebreide wol, gehekelde katoen, vilt,[1] of akrielvesel.

Massaproduksie het in die 19de-eeuse Frankryk en Spanje begin, lande waarmee dit steeds noue bande behou. Barette word gedra as deel van die uniform van baie militêre en polisie-eenhede wêreldwyd, sowel as deur lede van sommige politieke organisasies.[2]

Geskiedenis[wysig | wysig bron]

Die Baskiese-styl baret was die tradisionele hoofbedekking van skaapherders in die Pireneë,[3] 'n bergreeks wat die suide van Frankryk en die noorde van Spanje verdeel. Die kommersiële produksie van Baskiese-styl barette begin in die 17de eeu in die Oloron-Sainte-Marie gebied van die suide van Frankryk. Teen die 1920's word barette verbind met die werkersklas in 'n deel van Frankryk en Spanje en teen 1928 vervaardig meer as 20 Franse fabrieke reeds miljoene barette.

Verwysings[wysig | wysig bron]

  1. Chico, Beverly (2005). "Beret". In Steele, Valerie (red.). Encyclopedia of Clothing and Fashion. 1. Thomson Gale. pp. 149–150. ISBN 0-684-31394-4.
  2. Kilgour, Ruth Edwards. A Pageant of Hats Ancient and Modern. R. M. McBride Company, 1958.
  3. AMIGOS DE LA BOINA DE CALATORAO ( ZARAGOZA ). calatorao.com. URL besoek op 27 Augustus 2018.
Hierdie artikel is in sy geheel of gedeeltelik vanuit die Engelse Wikipedia vertaal.