Doepatta

in Wikipedia, die vrye ensiklopedie
Jump to navigation Jump to search
Die Indiese aktrise Shriya Saran in ’n moderne doepatta wat om die nek gedrapeer is.

’n Doepatta (Hindi: दुपट्टा, Pandjabi: ਦੁਪੱਟਾ/ਚੁੰਨੀ, دوپٹا, Oerdoe: دوپٹا) is ’n lang, veeldoelige serp wat baie Suid-Asiatiese vroue dra en gewoonlik by die res van die kleredrag pas. Dit was oorspronklik ’n simbool van fatsoenlikheid.[1]

Gebruik[wysig | wysig bron]

Die doepatta word in verskeie streke van Suid-Asië gedra. Hoewel dit steeds ’n simbool van fatsoenlikheid is, dra baie vroue dit vandag bloot as ’n dekoratiewe bykomstigheid. Daar is geen enkele manier om dit te dra nie, en namate tyd verloop en die mode verander, wissel die styl van die doepatta.

Dit word gewoonlik oor albei skouers en om die kop gedra. Dit kan egter ook soos ’n mantel om die hele bolyf gedrapeer word. Soms word dit gedra met die middelste deel op die bors en die punte oor die skouers. In moderne tye word die doepatta dikwels oor die een skouer of net oor die arms gedrapeer. ’n Kort doepatta, wat meer soos ’n serp lyk, kan ook gedra word.

Wanneer vroue op die Indiese subkontinent ’n moskee, kerk of ander godsdiensgebou binnegaan, bedek hulle gewoonlik hul kop met die doepatta.[2]

Verwysings[wysig | wysig bron]

  1. Mark Magnier (23 Februarie 2010). “For Pakistani women, dupattas are more than a fashion statement”. Los Angeles Times.
  2. Goldman, Ann; Hain, Richard; Liben, Ann Goldman Richard Hain Stephen (2006). Ox Textbook Palliat Care Child Oxt:ncs C. Oxford University Press. p. 224. ISBN 9780198526537. Besoek op 13 November 2012. 

Eksterne skakels[wysig | wysig bron]