Cabinda (stad)

in Wikipedia, die vrye ensiklopedie
Jump to navigation Jump to search

Cabinda
Tchowa • Tchiowa • Tsiowa

Kaart Vlag
AO-Cabinda.png
Flag of None.svg
Wapen
Cabinda.thumb.jpg
 Land Vlag van Angola Angola
 Distrik Cabinda
 Koördinate 05°33′S 12°12′O / 5.550°S 12.200°O / -5.550; 12.200
 Gestig op 1 Februarie 1885
 Oppervlakte:  
 - Totaal 1 823 vk km
 Hoogte bo seevlak 24 m
 Bevolking:  
 - Totaal (2006) 185 924
 - Bevolkingsdigtheid 102 vk/km
 Tydsone UTC +01:00
 Amptelike webwerf ibinda.com

Cabinda (ook Tchowa, Tchiowa of Tsiowa) is die hoofstad en grootste stad van die provinsie Cabinda, 'n eksklawe van Angola tussen die Republiek van die Kongo een die Demokratiese Republiek van die Kongo. Die stad het 'n bevolking van sowat 186 000 in 2006 gehad en het 'n oppervlakte van 1 823 km². Die stad is op 1 Februarie 1885 deur Portugese as hawe vir die verskeping van slawe gestig.

Ligging[wysig | wysig bron]

Die stad as 'n noordelike eksklawe word omring deur die Demokratiese Republiek van die Kongo en die Republiek van die Kongo en lê aan die weskus die Atlantiese Oseaan. Die afstand na die Kongorivier, wat die grens met die res van Angola vorm, is 70 km. Daar is 'n tropiese savanne klimaat. Die gemiddelde maksimum dagtemperatuur wissel van 26° C in Julie en Augustus tot 31° C in Februarie en Maart. Die gemiddelde reënval is 670 mm per jaar, met feitlik geen reën in die maande Junie tot September nie. [1]

Geskiedenis[wysig | wysig bron]

Die Portugese seevaarder Diogo Cão het hierheen gekom as die eerste Europese amptenaar in sy tweede reis (1485–1486). Met behulp van verdrae met regeerders van die Koninkryk van die Kongo kon Portugal die beslaglegging deur ander Europese lande voorkom.

Van die 1850's tot die 1880's het walvisjagters uit die Verenigde State gereeld die Cabinda-baai besoek, waar hulle tussen Augustus en Oktober hoofsaaklik bultrugwalvisse gejag het. Afrika handelaars het voorrade en brandhout aan hulle verkoop. Na die beëindiging van die slawehandel rondom 1863 het inwoners van die baai werk gesoek in die walvisjag-bedryf.

Die stad Cabinda is deur die Portugese gestig, hoofsaaklik vir die versending van slawe. Die koninkryk Ngoyo het hoofsaaklik op die slawehandel met Portugal staatgemaak. Die verval van die Ryk het gelei tot die Verdrag van Simulambuco (1885), waarin Ngoyo hom aan Portugal onderwerp het vir beskerming. Dit het verhoed dat hulle deur België opgeneem en in die Belgiese Kongo opgeneem is. België kon toegang tot die Atlantiese Oseaan langs die Kongorivier afdwing en het daardeur Cabinda van Angola te skei.

In Mei 1956 word Cabinda opgegradeer van die klein stad (Vila) na die stad (Cidade).

Verwysings[wysig | wysig bron]

  1. Klimaatgegevens weatherbase.com Geraadpleeg 12 Maart 2019

Eksterne skakels[wysig | wysig bron]