Hoya

in Wikipedia, die vrye ensiklopedie
Jump to navigation Jump to search

Hoya
Hoyabella 092005.jpg
Hoya lanceolata ssp. bella
Wetenskaplike klassifikasie e
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Klade: Asterids
Orde: Gentianales
Familie: Apocynaceae
Subfamilie: Asclepiadoideae
Tribus: Marsdenieae
Genus: Hoya
R.Br.
Spesies

Sien teks

Sinonieme

Madangia
Micholitzia

Hoya is 'n plantgenus in die oleander-familie (Apocynaceae). Dit is voorheen beskou as 'n lid van die aasblomfamilie (Asclepiadaceae), voordat die hele Asclepiadaceae ingelyf is by die oleander-familie. Hoyas kom oorspronklik van Suidoos-Asië, Australië en Nieu-Guinee. The World Checklist of Selected Plant Families erken meer as 520 verskillende soorte.[1]

Hoyas staan algemeen beken as porseleinblomme of wasplante. Die genus is vernoem deur die botanis Robert Brown, ter ere van sy vriend, die botanis Thomas Hoy.[2]

Die spesies is gewoonlik meerjarige klimplante of soms struike met melksap. Sommige spesies klim uit die grond opwaarts teen bome of heuwels, maar die meeste is epifiete. Hulle klim deur hulself te vleg om boomstompe en met die hulp van lugwortels. Die sukkulente blare is teenstandig, maar die vorm, hoeveelheid hare, dikte, bearing en kleur van die melksap wissel baie.

Die blomme sit in 'n skerm op 'n steel vanuit die bladoksel. Hul is vyfpuntig met saamgesmelte blomblare en 'n komplekse morfologie. Nektar word geproduseer in 'n blombekleedsel. Meeldrade en stempels is ineengegroei in 'n gynostegium. Stuifmeel is versamel in twee pollinia op elke meeldraad en word as 'n geheel oorgedra deur bestuiwers na die volgende blom. Daar bestaan nie baie navorsing op Hoya bestuiwing nie, maar ratsvlieërskoenlappers en pylstertmotte is bepaal as bestuiwers vir sommige spesies.

Die vrug is 'n smal, silindriese kokervrug met talle harige sade. Die kapsules sit individueel en nie in pare soos dit normaalweg in die subfamilie Asclepiadoideae verskyn nie.

Byna 600 variëteite is al beskryf in die genus Hoya, maar ietwat meer as 300 tipes is 'n meer realistiese getal. Hulle groei in hul verskeie vorms in die tropiese en subtropiese woude van Indië, China en Japan tot Australië en die Stille Oseaan-eilande. Verskeie spesies word gekweek as huisplante, insluitend die algemene wasblom (Hoya carnosa) en die dwergwasblom (Hoya lanceolata subsp. bella).

Geselekteerde spesies[wysig | wysig bron]

Die volgende spesies verskyn in Albers & Meve (2002), en word aanvaar deur beide The Plant List en Tropicos.

  • Hoya australis ssp. australis – Australië (Queensland, New South Wales), Samoa, Vanuatu
  • Hoya australis ssp. oramicola – Australië (Northern Territory)
  • Hoya australis ssp. rupicola – Australië (Western Australia, Northern Territory)
  • Hoya australis ssp. sanae Australië (Queensland)
  • Hoya australis ssp. tenuipes – Australië (Queensland), Fiji, Indonesië (Irian Jaya), Nieu-Guinee, Salomonseilande, Tonga
  • Hoya calycina ssp. calycina Indonesië (Irian Jaya), Nieu-Guinee
  • Hoya calycina ssp. glabrifolia – Indonesië (Irian Jaya), Nieu-Guinee
  • Hoya lanceolata ssp. bella – Indië, Nepal, S. Myanmar
  • Hoya lanceolata ssp. lanceolataBhoetan, Indië, Myanmar, Nepal

Verwysings[wysig | wysig bron]

  1. World Checklist of Selected Plant Families
  2. Robert Brown (1810). Prodromus florae Novae Hollandiae et Insulae Van-Diemen, exhibens characteres plantarum quas annis 1802-1805 per oras utriusque insulae collegit et descripsit Robertus Brown; insertis passim aliis speciebus auctori hucusque cognitis, seu evulgatis, seu ineditis, praaesertim Banksianis, in primo itinere navarchi Cook detectis. 1. London: Richard Taylor and Biodiversity Heritage Library. p. 459.

Literatuur[wysig | wysig bron]

Eksterne skakels[wysig | wysig bron]

Hoya pubicalyx
Wikispecies
Wikispecies het meer inligting oor: Hoya


Hierdie artikel is in sy geheel of gedeeltelik vanuit die Wikipedia vertaal.