Kemerowo-oblast

in Wikipedia, die vrye ensiklopedie
Kemerowo-oblast
Кемеровская область
Die ligging van Kemerowo-oblast in Rusland.
Die ligging van Kemerowo-oblast in Rusland.
Politieke status
Land Russiese Federasie
Federale distrik Siberiese
Ekonomiese streek Wes-Siberiese
Stigting 26 Januarie 1943
Regering
Hoofstad Kemerowo
Leier Aman Toelejef[1]
Amp Goewerneur
Wetgewer Raad van Volksafgevaardigdes
Bevolking
Sensus 2010
Totaal 2 763 135
Volgorde 15de
Digtheid 28,93/km2
Stedelik 85,4%
Plattelands 14,6%
Statistiek
Oppervlakte 95 500 km2
Volgorde 34ste
Tydsone UTC+07:00
Registrasienommer 42
Amptelike tale Russies
Webtuiste http://www.ako.ru/
Wapen en vlag

Portaal  Portaalicoon   Rusland

Kemerowo-oblast (Russies: Ке́меровская о́бласть, Kemerofskaja oblast) is ’n deelgebied van Rusland. Dit lê in die Siberiese Federale Distrik en die hoofstad is Kemerowo.

Die oblast, wat ’n gebied van 95 500 km2 beslaan,[2] grens aan Tomsk-oblast in die noorde, Krasnojarsk-krai en Chakassië in die ooste, die Republiek Altai in die suide en Nowosibirsk-oblast en Altai-krai in die weste. Hoewel Kemerowo die hoofstad is, is Nowokoeznetsk die oblast se grootste stad. Kemerowo-oblast is een van Rusland se mees verstedelikte streke, met meer as 70% van die bevolking wat in sy nege grootste stede woon. Die bewoners is hoofsaaklik Russies, maar Oekraïners, Tatare en Tsjoewasjiërs kom ook voor.

Geskiedenis[wysig | wysig bron]

Die oblast is op 26 Januarie 1943 gestig,[3] maar is lank voor dit bewoon. Die oudste stad in die streek is Nowokoeznetsk, wat in 1618 gestig is, kort nadat die Kosak-ataman Jermak in Siberië aangeland het.

Die gebied wat die moderne Kemerowo-oblast beslaan, is verskeie duisende jare lank bewoon. In 1618 is die Koeznetsk-fort in die suide van die streek opgerig om dit teen Russiese en Mongoolse invalle te beskerm.

Sowjet-tydperk[wysig | wysig bron]

Ná die Oktober-rewolusie het die streek deel van die Wes-Siberiese Krai geword, en daarna van die Nowosibirsk-oblast. Tydens die Tweede Wêreldoorlog het die streek ’n groot verskaffer van steenkool en metaal geword.

Op 26 Januarie 1943 is die Kemerowo-oblast gestig met Kemerowo as hoofstad. Dit het 17,5% van die Nowosibirsk-oblast ingesluit.

Klimaat[wysig | wysig bron]

Die klimaat van die oblast is kontinentaal: die winters is lank en koud en die somers kort en warm. Die gemiddelde temperatuur in Januarie is -17 tot -20 ºC, en in Julie 17 tot 18 ºC.

Die gemiddelde jaarlikse reënval wissel tussen 300 mm op die vlaktes en voetheuwels tot 1 000 mm of meer in berggebiede.

Kleinplaneet[wysig | wysig bron]

’n Kleinplaneet, 2140 Kemerovo, wat in 1970 deur die Sowjet-sterrekundige Tamara Smirnowa ontdek is, is na die Kemerowo-oblast genoem.[4]

Etniese samestelling[wysig | wysig bron]

Die etniese samestelling is:

Verwysings[wysig | wysig bron]

Hierdie artikel is vertaal uit die Engelse Wikipedia
  1. Amptelike webtuiste van die administrasie van Kemerowo-oblast. Aman Toelejef Geargiveer 10 April 2012 op Wayback Machine (ru)
  2. (ru) Федеральная служба государственной статистики (Federale Staatstatistiekdiens) (2004-05-21). "Территория, число районов, населённых пунктов и сельских администраций по субъектам Российской Федерации (Territory, Number of Districts, Inhabited Localities, and Rural Administration by Federal Subjects of the Russian Federation)". Всероссийская перепись населения 2002 года (All-Russia Population Census of 2002). URL besoek op 2011-11-01
  3. Charter of Kemerovo Oblast, Article 2
  4. Schmadel, Lutz D. (2003). Dictionary of Minor Planet Names (5th uitg.). New York: Springer Verlag. p. 173. ISBN 3-540-00238-3.
  5. Перепись-2010: русских становится больше Geargiveer 25 Desember 2018 op Wayback Machine. Perepis-2010.ru (2011-12-19). URL besoek op 2013-08-20.

Koördinate: 54°56′N 87°14′O / 54.933°N 87.233°O / 54.933; 87.233