Jaroslawl-oblast

in Wikipedia, die vrye ensiklopedie
Spring na: navigasie, soek
Jaroslawl-oblast
Ярославская область
Die ligging van Jaroslawl-oblast in Rusland.
Die ligging van Jaroslawl-oblast in Rusland.
Politieke status
Land Flag of Russia.svg Russiese Federasie
Federale distrik Sentrale
Ekonomiese streek Sentrale
Stigting 11 Maart 1936
Regering
Hoofstad Jaroslawl
Leier Sergei Wachroekof[1]
Amp Goewerneur
Wetgewer Oblast-doema
Bevolking
Sensus 2010
Totaal 1 272 468
Volgorde 39ste
Digtheid 34,96/km2
Stedelik 82,2%
Plattelands 17,8%
Statistiek
Oppervlakte 36 400 km2
Volgorde 60ste
Tydsone UTC+04:00
Registrasienommer 76
Amptelike tale Russies
Webtuiste http://www.adm.yar.ru
Wapen en vlag
Coat of Arms of Yaroslavl Oblast (2011) full.svg

Flag of Yaroslavl Oblast.svg
Portaal  Portaalicoon   Rusland


Jaroslawl-oblast (Russies: Яросла́вская о́бласть, Jaroslafskaja oblast) is ’n deelgebied van Rusland. Dit lê in die Sentrale Federale Distrik en die hoofstad is Jaroslawl. Dit is redelik naby aan beide Moskou en Sint Petersburg geleë en die hoofstad is op die roete van talle paaie, spoorlyne en waterweë.

Die bevolking in 2010 was 1 272 468.[2]

Geskiedenis[wysig | wysig bron]

Die eerste mense het in die Paleolitikum aan die einde van die laaste glasiale tyd hier gewoon. Die eerste bekende inwoners was die Wolga-Finse Merja-volk, wat eindelik saam met ander inwoners van Kiëf-Roes saamgesmelt het om een kultuurgemeenskap te vorm.

In die Middeleeue het dit tot die kern van die Russiese gebied behoort. Die oudste stad, Rostof, is in 862 die eerste keer genoem. Dit het gou die politieke en godsdienshoofstad van Noordoos-Kiëf-Roes geword. Vroeg in die 12de eeu het die stad sy eie prins, Joeri Dolgoroeki, gekry. Dié het sy hoofstad in 1125 na Soezdal geskuif en so Rostof se invloed verminder. Sy seun en opvolger, Andrei Bogoljoebski, het homself tot grootprins verklaar en sy hoofstad na Wladimir geskuif; dit was die begin van die Prinsdom Wladimir-Soezdal.

In 1238 is Noordoos-Rusland deur die Mongoolse Ryk binnegeval en hulle het Rostof moeiteloos verower. In die 13de en 14de eeu het Rostof en Jaroslawl verswak en dit het hulle ’n maklike teiken gemaak vir ander magtige prinse, veral dié van die Huis van Moskou. Eindelik, in 1474, het die stede deel van Moskou geword.

In die 16de eeu het Jaroslawl ’n belangrikste sentrum van Sentraal-Rusland geword wat die gebied met ander handelstede verbind het, en in die 17de eeu het die stad nog belangriker geword vanweë aktiewe kommersiële groei. Teen die middel van dié eeu was dit die tweede grootste Russiese stad met ’n inwonertal van 15 000.

Ná die stigting van Sint Petersburg en die afname in die belangrikheid van die noordelike handelsroetes, het Jaroslawl ’n groot deel van sy status verloor. Dit het egter steeds gedy aan die begin van die streek se industrialisasie. In 1777 is ’n afsonderlike Jaroslawl-goewernement gestig, met onder meer Jaroslawl, Rostof en Oeglitsj.

Van 1921 tot 1923, in die Sowjet-tyd, het die noordelike deel van die goewernement die afsonderlike Ribinsk-goewernement geword, maar dit is later weer by Jaroslawl ingelyf. In 1929 is die streek weer eens verdeel tussen die okroegs Jaroslawl en Ribinsk, wat deel van die nuwe Iwanowo-nywerheidsoblast geword het. Jaroslawl-oblast is op 11 Maart 1936 gestig met ’n groot deel van die voormalige Kostroma-goewernement ingesluit. Die oblast het sy huidige grense in 1944 gekry toe Kostroma-oblast ’n aparte deelgebied geword het.

Geografie[wysig | wysig bron]

Jaroslawl-oblast is naby aan Moskou en Sint Petersburg geleë en grens aan Twer-, Moskou-, Iwanowo-, Wladimir-, Kostroma- en Wologda-oblast.

Die klimaat is gematig-kontinentaal, met lang en koue winters vol sneeu en kort en warm somers. Die gemiddelde temperatuur in Januarie is sowat -12 ºC en in Julie 18 ºC. Feitlik die hele gebied was voorheen bedek met woude met keëldraende bome, maar ’n groot deel daarvan is nou vervang met berke- en espewoude en gewasse. Moerasse kom ook voor.

Die Wolgarivier vloei deur die oblast, wat twee groot damme het: by Oeglitsj en Ribinsk. Die Ribinsk-reservoir, wat in die 1940's tot stand gekom het, is een van die grootstes in Europa. Toe dit met water gevul is, is die dorp Mologa oorstroom en verskeie honderde inwoners is na Jaroslawl-, Wologda- en Twer-oblast geskuif.

Mineralebronne is beperk tot boumateriaal soos sand, gruis, klei en veen. Daar is ook mineraalwaterbronne.

Demografie[wysig | wysig bron]

Bevolking: 1 272 468[2]

Etniese samestelling:[2]

  • Russe 96%
  • Oekraïners 0,8%
  • Armeniërs 0,6%
  • Azeri's 0,4%
  • Tatare 0,4%
  • Ezids 0,3%
  • Belarusse 0,2%
  • Ander 1,3%

Ekonomie[wysig | wysig bron]

Die ingenieurs- en die metaalwerkbedryf is die streek se belangrikste nywerheidsektore. Landbougewasse is hoofsaaklik aartappels, groente en vlas. Vee is beeste, varke en skape. By die Ribinsk-reservoir word ook gehengel.

Die oblast se belangrikste natuurlike bronne is hout en water. Jaroslawl het 4 327 riviere met ’n totale lengte van byna 20 000 km. Daar is 83 mere met ’n gesamentlike oppervlakte van byna 5 000 km2. Die grootste mere is die Nero en Plesjtsjejewo. Die belangrikste mineralebronne is klei, gruis en ’n sand-gruismengsel, veen en sapropel (donkerkleurige sediment ryk aan organiese materiaal).[3]

Verwysings[wysig | wysig bron]

  1. Amptelike webtuiste van Jaroslawl-oblast. Biografie van Sergei Wachroekof (ru)
  2. 2,0 2,1 2,2 (ru) Russiese Staatstatistiekdiens (2011). “Всероссийская перепись населения 2010 года. Том 1; Russiese Bevolkingsensus 2010, Vol. 1”. URL besoek op 29 Junie 2012.
  3. Jaroslawl-streek, Kommersant

Eksterne skakels[wysig | wysig bron]

Koördinate: 57°52′N 39°12′O

Flag of Russia.svg Deelgebiede van die Russiese Federasie
             Republieke  AdigeaAltaiBasjkortostan (Basjkirië)BoerjatiëChakassiëDagestanIngoesjetiëJakoetiëKabardino-BalkariëKalmikiëKaratsjai-TsjerkessiëKareliëKomiKrimMari ElMordowiëNoord-Ossetië-AlaniëOedmoertiëTartarstanTsjetsjniëTsjoewasjiëTiwa
Krais  AltaiChabarofskKamtsjatkaKrasnodarKrasnojarskPermPrimorskiStawropolZabaikalski
Oblaste  AmoerArchangelskAstrachanBelgorodBrjanskIrkoetskIwanowoJaroslawlKaliningradKaloegaKemerowoKirofKoerganKoerskKostromaLeningradLipetskMagadanMoermanskMoskouNizjni NowgorodNowgorodNowosibirskOeljanofskOmskOrenburgOrjolPenzaPskofRjazanRostofSachalinSamaraSaratofSmolenskSwerdlofskTambofTjoemenToelaTomskTsjeljabinskTwerWladimirWologdaWoronezjWolgograd  
 Outonome oblast  Joodse
 Outonome okroegs  Chanto-MansiëJamalo-NenetsiëNenetsiëTsjoekotka
Federale stede  MoskouSewastopolSint Petersburg