Kerberos (mitologie)

in Wikipedia, die vrye ensiklopedie
Kerberos buite die ingang van die Koninklike Instituut van Tegnologie in Stockholm.

Kerberos of Cerberus[1] (Grieks: Κέρβερος) was in die Griekse en Romeinse mitologie ’n veelkoppige hond wat die ingang na die onderwêreld bewaak het om te voorkom dat die dooies ontsnap en die lewendes inkom. Hy word in baie Griekse en Romeinse letterkundige werke en kuns uitgebeeld, hoewel die uitbeeldings grootliks verskil. Die belangrikste verskil is sy getal koppe: die meeste bronne beskryf hom of beeld hom uit met drie koppe, maar daar is ook weergawes met twee, een of meer koppe, selfs tot 50 of 100.

In mites[wysig | wysig bron]

’n Antieke vaas wat Herakles uitbeeld waar hy Kerberos aan Eurystheus aanbied.

Kerberos is die kind van Echidna, ’n halfvrou en halfslang, en Typhon, ’n groot monster vir wie selfs die Griekse gode bang was. Sy sibbes was die Hidra van Lerna, Orthrus, ’n tweekoppige hond, en die Chimera, ’n driekoppige monster.[2]

Kerneros word algemeen in die Griekse mitologie uitgebeeld as ’n hond met drie koppe: om die verlede, hede en toekoms te sien, of volgens ander bronne geboorte, jeug en ouderdom.[3] Hy was Hades se getroue waghond en het die poorte van die onderwêreld bewaak.[4] Sy koppe het glo net van vars vleis gehou en het dus die siele van afgestorwenes toegelaat om die onderwêreld te betree, maar niemand toegelaat om dit te verlaat nie.[5]

Die Twaalf Take van Herakles[wysig | wysig bron]

Om Kerberos te vang was een van die twaalf take van Herakles deur koning Eurystheus[6] nadat Hera hom waansinnig gemaak het. Herakles het Kerberos oorrompel en na Eurystheus gebring. Daarna het Kerberos ontsnap en teruggekeer na die onderwêreld om dit te bewaak.

Sterrekunde[wysig | wysig bron]

Kerberos, een van die mane van die dwergplaneet Pluto, is na Kerberos genoem.

Verwysings[wysig | wysig bron]

  1. "Cerberus". Merriam-Webster Online Dictionary (in Engels). Merriam-Webster. Geargiveer vanaf die oorspronklike op 13 Augustus 2019. Besoek op 16 Julie 2009.
  2. "Hercules' Twelfth Labor: Cerberus" (in Engels). Perseus Project. Geargiveer vanaf die oorspronklike op 20 Oktober 2019. Besoek op 21 Oktober 2008.
  3. Bloomfield, Maurice (2003). Cerberus the Dog of Hades. Kessinger Publishing. p. 8. ISBN 0-7661-3020-7.
  4. Guerber, Helene (2003). Myths of Greece and Rome. Kessinger Publishing. ISBN 0-7661-4856-4.
  5. Allardice, Pamela (1991). Myths, Gods & Fantasy. ABC-CLIO. p. 52. ISBN 0-87436-660-7.
  6. Pseudo-Apollodorus, Bibliotheca 2.5.12

Eksterne skakels[wysig | wysig bron]