Minotaurus

in Wikipedia, die vrye ensiklopedie
(Aangestuur vanaf Minotourus)
Jump to navigation Jump to search
Theseus aan die veg met die Minotaurus, bronsbeeld deur Antoine-Louis Barye (Louvre).

Die Minotaurus of Minotourus (Grieks: Μῑνώταυρος; Minotauros) was in die Griekse mitologie ’n kreatuur met die kop van ’n bul en die lyf van ’n man,[1] of soos deur Ovidius beskryf, "half man; half bul".[2] Hy is aangehou in die Kretensiese Labirint, ’n soort doolhof [3] wat vir dié doel vir koning Minos van Kreta gebou is. Dit is uiteindelik deur Theseus, die seun van Aigeas, doodgemaak.

Geboorte en voorkoms[wysig | wysig bron]

Nadat hy die troon van Kreta bestyg het, het Minos met sy broers gestry oor die reg om te regeer. Minos het vir Poseidon gevra om vir hom ’n sneeuwit bul te stuur as ’n teken van sy goedkeuring. Hy moes die bul aan Poseidon offer, maar het besluit om dit eerder te hou omdat dit so mooi was. Om hom te straf het Poseidon Pasiphaë, Minos se vrou, laat verlief raak op die bul van die see, die Kretensiese Bul. Sy het die argitek Daidalos gevra om vir haar ’n houtkoei te maak, waarin sy toe geklim het om met die bul te paar. Hul kind was ’n monster, die Minotaurus. Hy het later wild en boosaardig geword en Minos het die labirint laat bou om hom binne te hou.

In die klassieke kuns word die Minotaurus gewoonlik uitgebeeld met die lyf van ’n man en die kop en stert van ’n bul. Later is hy ook soms uitgebeeld met die lyf van ’n bul en die kop van ’n man. Dié voorstelling word soms steeds aangetref, soos in Steele Savage se illustrasies vir Edith Hamilton se Mythology (1942).

Theseus[wysig | wysig bron]

Minos se seun is later deur die inwoners van Athene doodgemaak (of deur die Kretensiese Bul wat koning Aigeus van Athene hom gevra het om dood te maak). Minos het oorlog teen die Atheners gevoer om sy seun se dood te wreek en het gewen. Om ’n einde te bring aan die offerande van jong Atheners aan die Minotaurus het Aigeus sy seun, Theseus, gestuur om die Minotaurus dood te maak.

In Kreta het Ariadne, Minos se dogter, op Theseus verlief geraak en hom deur die labirint gelei, waar hy die Minotaurus doodgemaak het.

Verwysings[wysig | wysig bron]

Hierdie artikel is merendeels vertaal vanaf die Engelse Wikipedia-artikel en:Minotaur
  1. "Minotaur" by dictionary.reference.com
  2. semibovumque virem; semivirumque bovem, volgens Ovidius, Ars Amatoria 2.24
  3. Labirinte het nie doodloopgangetjies soos ’n doolhof nie, maar ’n enkele paadjie wat met draaie na die middel lei. Sien Kern, Through the Labyrinth, Prestel, 2000, hoofstuk 1, en Doob, The Idea of the Labyrinth, Cornell University Press, 1990, hoofstuk 2.

Eksterne skakels[wysig | wysig bron]

Gode, helde en ander wesens in die Griekse mitologie
Oergode  AitherChaosChronosErebosGaiaHemeraNyxPontosTartarosUranos
Titane  Eerste geslag:  HyperionIapetosKoiosKriosKronosMnemosyneOkeanosPhoibeRheaTethysTheiaThemis Tweede geslag:  AsteriaAtlasEosEpimetheusHeliosLetoMenoitiosPrometheusSelene
Olimpiese gode  AfroditeApolloAthenaAresArtemisDemeterDionisosHephaistosHeraHermesPoseidonZeus • (Hestia)
Ander gode  AdonisAlpheiosAsklepiosErosHadesHebeHeraklesPanPersephonePlouton
Halfgode & helde  AchillesAntiopeDaidalosGanymedesIkarosJasonOidipusOrionOrpheusPeleusPenelopePerseusSisyphosTantalosTheseus
Ander wesens  AmasonesCharonChtoniese godeEriniërsGiganteGorgoneGrasieëHonderdhandigesHydraKerberosMinotourusMusesNimfeSatersSentoureSiklopeSkikgodinneStyx