Kronos

in Wikipedia, die vrye ensiklopedie
Spring na: navigasie, soek
Kronos
Eertydse koning van die gode
Kronos sluk sy kind Poseidon in, Rubens.
Kronos sluk sy kind Poseidon in, Rubens.
Naam Kronos
God van Landbou; eertydse koning van die gode
Blyplek Aarde
Simbool Sekel
Vrou Rhea
Ouers Uranos en Gaia
Broers, susters Rhea, Okeanos, Hyperion, Coeus, Phoibe
Kinders Zeus, Hera, Poseidon, Hades, Hestia, Demeter, Chiron, Kouretes
Romeinse eweknie Saturnus

Kronos (Grieks: Κρόνος) was in die Griekse mitologie die leier en die jongste van die eerste generasie Titane, goddelike afstammelinge van Gaia, die aarde, en Uranos, die lug. Hy het sy pa omvergewerp as leier en het tydens die sogenaamde Goue Era regeer tot hy weer deur sy seuns Zeus, Hades en Poseidon omvergewerp en in Tartarus gevange gehou is. Sy eweknie in die Romeinse mitologie is Saturnus.

Vanweë sy verbintenis met die voortreflike Goue Era is Kronos aanbid as ’n god van die landbou en die oes. Hy word gewoonlik uitgebeeld met ’n sekel wat hy gebruik om gewasse te oes; dit is ook die wapen waarmee hy Uranos ontman en omvergewerp het.

Vroeë mites[wysig]

Die ontmanning van Uranos deur Saturnus (Kronos), Giorgio Vasari.

In antieke mites is Kronos afgunstig op die mag van Uranos, sy pa en die heerser van die heelal. Uranos haal hom die vyandskap van Kronos se ma, Gaia, op die hals toe hy haar reusagtige jongste kinders, die honderdhandiges met hul honderd arms en die siklope, in Tartaros wegsteek. Gaia maak ’n groot sekel en probeer Kronos en sy broers oorreed om Uranos te ontman. Net Kronos is bereid om dit te doen. Toe Gaia Uranos daarna in ’n lokval lei, val Kronos hom met die sekel aan, sny sy genitalieë af en gooi dit in die see. Van Uranos se bloed, of in sommige weergawes sy semen, wat op die aarde geval het, is die gigante, Eriniërs en Meliae verwek. Uit sy genitalieë wat in die see gegooi is, het Afrodite ontstaan.[1]

Nadat hy Uranos omvergewerp het, het Kronos die honderdhandiges, gigante en siklope weer gevange geneem en die draak Campe aangestel om hulle te bewaak. Hy en sy suster Rhea het toe die troon bestyg as koning en koningin. Hierdie periode van Kronos se bewind word die Goue Era genoem, want die mense van daardie tyd het geen behoefte aan wette en reëls gehad nie; alles wat almal gedoen het, was reg en daar was geen immoraliteit nie.

Kronos se kinders[wysig]

Gaia en Uranos het voorspel dat Kronos deur sy eie kind omvergewerp sou word, nes hy sy pa omvergewerp het. Nadat hy die gode Demeter, Hera, Hades, Hestia en Poseidon by Rhea verwek het, het hy hulle net ná hul geboorte ingesluk om die voorspelling te voorkom. Toe die sesde kind, Zeus, gebore word, het Rhea vir Kronos ’n klip, in klere toegedraai, gegee en hy het dit ingesluk. Rhea het Zeus toe in Kreta weggesteek, waar hy grootgeword het.

Toe Zeus ’n volwasse man was, het hy Kronos gedwing om die klip en sy broers en susters in omgekeerde volgorde op te bring. Daarna het hy die honderdhandiges, gigante en siklope vrygelaat en met hulle hulp het Zeus en sy broers Kronos se bewind omvergewerp in ’n dekade lange oorlog, die Titanestryd. Baie van die Titane is daarna in Tartaros gevange gehou.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. Gibson, M. (1977)Gods, Men & Monsters Eerste uitgawe Italië: Eurobook Limited

Eksterne skakels[wysig]

Gode, helde en ander wesens in die Griekse mitologie
Oergode  AitherChaosChronosErebosGaiaHemeraNyxPontosTartarosUranos
Titane  Eerste geslag:  HyperionIapetosKoiosKriosKronosMnemosyneOkeanosPhoibeRheaTethysTheiaThemis Tweede geslag:  AsteriaAtlasEosEpimetheusHeliosLetoMenoitiosPrometheusSelene
Olimpiese gode  AfroditeApolloAtenaAresArtemisDemeterDionysosHephaistosHeraHermesPoseidonZeus • (Hestia)
Ander gode  AdonisAlpheiosAsklepiosErosHadesHebeHeraklesPanPersephone
Halfgode & helde  AchillesAntiopeDaidalosGanymedesIkarosJasonOedipusPeleusPenelopePerseusSisyphosTantalosTheseus
Ander wesens  AmasonesChtoniese godeEriniërsGiganteGorgoneGrasieëHonderdhandigesMinotourusMusesNimfeSatersSentoureSiklopeSkikgodinne