Demeter

in Wikipedia, die vrye ensiklopedie
Spring na: navigasie, soek
Demeter
Griekse Olimpiese godin
Demeter, ’n Romeinse kopie van die oorspronklike werk (Vatikaan-museum).
Demeter, ’n Romeinse kopie van die oorspronklike werk (Vatikaan-museum).
Naam Demeter
Godin van Landbou en koring
Blyplek Die berg Olimpus
Simbool Fakkel, koringaar, papawer
Ouers Kronos en Rhea
Broers, susters Poseidon, Hades, Hestia, Hera, Zeus
Kinders Persephone, Zagreus, Despoina, Arion, Plutos, Philomelos
Romeinse eweknie Ceres

Demeter (Grieks: Δημήτηρ) was in die Griekse mitologie die godin van graan en vrugbaarheid, die rein voeder van die jeug en die groen aarde, en die bewaarder van die huwelik en die heilige wette. In die Homeriese lofsang aan Demeter (omstreeks 7de eeu v.C.) word sy die "bringer van seisoene" genoem, ’n aanduiding dat sy aanbid is lank voor sy een van die twaalf Olimpiese gode geword het.

Sy word dikwels uitgebeeld in ’n strydwa en saam met simbole van die oes, onder andere blomme, graan en vrugte. Sy word ook soms saam met haar dogter Persephone uitgebeeld.

Haar eweknie in die Romeinse mitologie is Ceres.

Demeter en Poseidon[wysig]

Die terugkeer van Persephone, deur Frederic Leighton, 1891.

Demeter en Poseidon se name word van vroeg af reeds verbind. In een mite maak Poseidon haar die hof, maar sy probeer vlug. Sy verander haar in ’n merrie en kruip tussen ’n trop perde weg. Poseidon besef egter wat gebeur het, verander hom in ’n hings en verkrag haar.

Hul kinders was ’n dogter, "Die meesteres", wie se naam Despoina nie genoem mag word nie, en ’n perd, Arion, wat soos ’n mens kon praat.

Demeter en Persephone[wysig]

Die sentrale tema van Demeter in mites is haar verhouding met haar dogter Persephone by Zeus. Hades (die god van die onderwêreld) ontvoer Persephone terwyl sy saam met haar ma blomme pluk en neem haar as vrou. Demeter mis haar baie en vervloek die land, wat ’n groot droogte tot gevolg het. Daarna pleit sy by Zeus om haar dogter terug te bring.

Zeus stuur Hermes om dit te doen, maar Hades gee vir Persephone ses granaatsade om te eet en daarom moet sy ses maande van die jaar in die land van die afgestorwenes bly. Die ander ses maande kan sy op Olimpus woon saam met haar familie. Terwyl sy in die onderwêreld is, mag sy niks anders eet nie, anders sal sy dit nie weer kan verlaat nie. Vir die ses maande van haar afwesigheid, terwyl Demeter treur, keer die droogte (herfs en winter) terug.

Kinders[wysig]

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  • Burkert, Walter, Greek Religion, Harvard University Press, 1985.
  • Nilsson, Martin P., Greek Popular Religion, 1940. [2]
  • Ruck, Carl A.P., en Staples, Danny, The World of Classical Myth, 1994.

Eksterne skakels[wysig]

Gode, helde en ander wesens in die Griekse mitologie
Oergode  AitherChaosChronosErebosGaiaHemeraNyxPontosTartarosUranos
Titane  Eerste geslag:  HyperionIapetosKoiosKriosKronosMnemosyneOkeanosPhoibeRheaTethysTheiaThemis Tweede geslag:  AsteriaAtlasEosEpimetheusHeliosLetoMenoitiosPrometheusSelene
Olimpiese gode  AfroditeApolloAtenaAresArtemisDemeterDionysosHephaistosHeraHermesPoseidonZeus • (Hestia)
Ander gode  AdonisAlpheiosAsklepiosErosHadesHebeHeraklesPanPersephone
Halfgode & helde  AchillesAntiopeDaidalosGanymedesIkarosJasonOedipusPeleusPenelopePerseusSisyphosTantalosTheseus
Ander wesens  AmasonesChtoniese godeEriniërsGiganteGorgoneGrasieëHonderdhandigesMinotourusMusesNimfeSatersSentoureSiklopeSkikgodinne