Marnus Labuschagne

in Wikipedia, die vrye ensiklopedie
Jump to navigation Jump to search
Marnus Labuschagne
Day 4 of the 3rd Test of the 2019 Ashes at Headingley (48631113862) (Marnus Labuschagne cropped).jpg
Labuschagne tydens 2019 se Reeks om die As
Gebore22 Junie 1994 (1994-06-22) (26 jaar oud)
Klerksdorp, Suid-Afrika
BeroepKrieketspeler

Marnus Labuschagne (gebore 22 Junie 1994) is 'n Suid-Afrikaans-gebore internasionale krieketspeler wat vir die Australiese krieketspan speel.[1] Op plaaslike vlak speel hy vir Queensland. Hy speel ook tans eersterangse krieket in die Engelse graafskapsreeks vir Glamorgan en in die Big Bash League vir Brisbane Heat.

In Augustus 2019 word Labuschagne die eerste krieketspeler wat as plaasvervanger opgebring word vanweë 'n harsingskuddingbesering, toe hy vir Steve Smith vervang.[2] Labuschagne was in 2019 die voorste toetskolwer wat aantal lopies betref. Tydens die jaar behaal hy die vierde plek in die Internasionale Krieketraad (IKR) se ranglys vir toetskolwers, 'n verbetering van 106 plekke op sy vorige posisie.[3] In Januarie 2020 is Labuschagne deur die IKR vereer as die Opkomende Krieketspeler van die Jaar,[4] in Februarie as Australië se toetsspeler van die jaar,[5][6] en in April as een van die vyf Krieketspelers van die Jaar deur Wisden Cricketers' Almanack.[7][8]

Vroeë lewe[wysig | wysig bron]

Labuschagne is gebore in Klerksdorp in 'n Afrikanerhuishouding. Sy gesin emigreer in 2004 na Australië toe hy 10 jaar oud is, nadat sy vader 'n pos verkry het in die mynindustrie. Labuschagne woon Brisbane State High School by. Hy het grootgeword in 'n Afrikaanse huishouding, en slegs vlot geraak in Engels nadat sy gesin na Australië verhuis het.[9][10]

Plaaslike (eersterangse) krieketloopbaan[wysig | wysig bron]

Labuschagne is 'n regshandige kolwer en het vir Queensland gespeel op onder-12-, onder-15-, onder-17-, en onder-19 vlak, en die span gelei tydens die 2012–13 Nasionale Kampioenskap.[11][12] In die Brisbanse Grade Cricket speel hy vir Easts-Redlands District Cricket Club.[13] Hy het in 2013 klubkrieket vir Plymouth gespeel in die Devon Premier League, en in 2014 vir Sandwich Town Cricket Club in die Kent Premier League, waar hy vir beide spanne presteer het.[14][15]

Nadat Labuschagne net een keer vir Queensland Academy gespeel het, maak hy sy eersterangse krieketdebuut in die eerste ronde van die 2014–15 Sheffield Shield-seisoen teen Suid-Australië op die Adelaide Oval. Hy het die kolfbeurt geopen saam met Joe Burns, en 83 lopies in Queensland se eerste beurt aangeteken, met 'n vennootskap van 99 lopies om die vierde paaltjie saam met Nick Stevens. [16] Later in die 2014-2015 seisoen is Labuschagne as plaasvervanger vir die Australiese nasionale krieketspan ingespan tydens die tweede toets teen Indie op die Gabba, waartydens hy 'n lae vangkans op kortbeen benut het.

Labuschagne het in Oktober 2015 sy A-lys debuut vir Queensland gemaak in die 2015-2016 Matador BBQs Eendagbeker en sy eerste eersterangse honderdtal in die daaropvolgende maand geslaan met 112 lopies in sy agtste Sheffield Shield-wedstryd. Hy het 273 lopies aangeteken teen 'n kolfgemiddeld van 45 tydens die 2016–2017 seisoen van die Matador BBQs Eendagbeker, en is aangewys as speler van die toernooi.

In September 2017, tydens 'n JLT Eendagbeker-wedstryd tussen Queensland en die elftal van Krieket Australië, word hy die eerste veldwerker om gestraf te word op grond van die pas bekendgestelde krieketwet wat ontwerp is om te verhoed dat veldwerkers kolwers mislei. Labuschagne het geduik om 'n bal aan te keer, en alhoewel hy nie die bal kon keer nie, het hy gemaak asof hy die bal na die paaltjiewagter gooi. Sy span is met vyf lopies gestraf. [17][18]

Nadat hy Queensland se voorste lopiemaker was tydens die 2017–2018 Sheffield Shield-seisoen, het Cricket Australia hom aangewys in hul Sheffield Shield- span van die seisoen.[19]

Engelse graafskapsreeks[wysig | wysig bron]

Labuschagne het in April 2019 aangesluit by Glamorgan County Cricket Club vir die 2019 seisoen van Engelse krieket.[20] Hy het 1,114 lopies aangeteken in sy eerste County Championship-seisoen, insluitende drie honderdtalle in sy eerste vier eersterangse wedstryde - waarvan een sy beste aangetekende kolftotaal van 182 was teen Sussex, in 'n rekord vennootskap van 291 lopies om die tweede paaltjie vir Glamorgan.[21] Hy het die tweede meeste lopies aangeteken in die Tweede Divisie van die graafskapsreeks, ten spyte daarvan dat hy slegs in tien wedstryde gespeel het. Hy het opgeëindig met 'n kolfgemiddeld van 61.89 lopies per kolfbeurt, en daardeur sodoende Glamorgan se beste lopiegemiddeld behaal. [22][23] Hy het ook 19 paaltjies geneem met 'n boulgemiddeld van 38.11.[24] In November 2019 het hy sy kontrak hernu met Glamorgan. Hy sal vir die volgende twee seisoene vir die span speel, na sy verbluffende spel in die 2019 Reeks om die As. [25]

In Junie 2020 is Labuschagne se kontrak vir 'n verdere seisoen verleng as gevolg van die ontwrigting van die 2020 seisoen wat teweeggebring is deur die korona griepvirus.[26]

Internasionale loopbaan[wysig | wysig bron]

In September 2018 word hy as deel van Australië se groep van toetsspelers aangewys vir hul reeks teen Pakistan. [27][28]Hy maak sy toetsdebuut vir Australië teen Pakistan op 7 Oktober 2018. [1][29]

Hy is in Desember 2018 in Australiese se eendaggroep aangewys voor die span se toer na Indië die volgende jaar, voordat hy op verrassende wyse by die Australië se toetsgroep gevoeg is vir die vierde toetswedstryd teen die Indiërs aan die begin van die jaar. Hy is gekies om op nommer drie te kolf, 'n besluit wat destyds "hewig gekritiseer" is.[3][30][31] Hy het 38 lopies in sy enigste beurt aangeteken en is behou in die span vir die twee toetse teen Sri Lanka aan die einde van die somer. [32]

Labuschagne tydens 'n wedstryd vir Australië in die Reeks om die As in 2019

Nadat hy 'n goeie vroeë seisoen gehad het vir Glamorgan in die Engelse graafskapsreeks, [33] is hy aangewys as deel van Australië se span vir die Reeks om die As in Engeland. [34][35] Op 18 Augustus 2019 vervang Labuschagne Steve Smith op dag vyf van die tweede toets, nadat Smith die vorige dag harsingskudding opdoen[36] - en word sodoende die eerste speler om 'n ander speler te vervang vanweë 'n harsingskuddingbesering in 'n toetswedstryd, na 'n wysiging aan die regulasies van die IKR. [37] Hy teken 59 lopies aan, die hoogste in Australië se tweede beurt, en is gekies vir die derde toets in Smith se afwesigheid, met die hoogste lopietelling in albei Australiese beurte, waartydens hy gekolf het in 'n styl wat beskryf is as "buitengewoon deftige, dapper en intelligente kolfwerk ". [38] Nadat Engeland in hul eerste beurt vir 67 uitgeboul is, het Labuschagne die vyfde kolwer in toetsgeskiedenis geword wat twee lopietellings in 'n wedstryd behaal het wat hoër was as die totaal wat die opponerende span in enige van hul beurte behaal het. [39]

Labuschagne het sy plek in die Australiese span behou vir die besoek aan Pakistan die volgende somer, waar hy 185 lopies by die Gabba aangeteken het, sy eerste toetshonderdtal. [40]Hy behaal nog 'n honderdtal in die tweede toets [41] en 'n derde toetshonderdtal teen Nieu-Seeland. Nadat hy drie agtereenvolgende honderdtalle aangeteken het, het hy 50-talle in sy volgende twee kolfbeurte gemaak, voordat hy 2020 stormgeloop het met sy eerste dubbele honderdtal in die derde toets teen Nieu-Seeland by die SCG, met 215 lopies. [42] Hy was 2019 se hoogste lopiemaker in toetswedstryde, nadat hy 975 van sy 1,104 toetslopies in die jaar gemaak het na sy verskyning as plaasvervanger in Augustus. [3][43][44] Hy het gedurende die jaar met 106 plekke opgeskuif tot 4de plek op die ranglys van die IKR.[3][43]

In Desember 2019 is Labuschagne in Australië se eendaggroep aangewys vir hul 2020 toer na Indië. [45] Hy het op 14 Januarie sy buiging in eendagkrieket gemaak; Australië het die wedstryd met tien paaltjies gewen, terwyl Labuschagne nie in die wedstryd gekolf of geboul het nie. [46] Hy het die oorblywende twee eendagwedstryde van die reeks gespeel en in die derde wedstryd sy eerste vyftigtal behaal. [47]

Nadat hy behou is in die span vir hul toer na Suid-Afrika het hy sy eerste honderdtal in eendagwedstryde in Maart behaal, met 103 lopies in Potchefstroom, naby sy tuisdorp.[48] In April 2020 het Cricket Australia 'n sentrale kontrak aan Labuschagne toegeken voor die aanvang van die 2020–21 seisoen.[49][50] Op 16 Julie 2020 is Labuschagne aangewys as deel van 'n preliminêre groep wat sou begin voorberei vir 'n moontlike toer na Engeland.[51][52] Op 14 Augustus 2020 het Cricket Australia bevestig dat die wedstryde sou plaasvind, met Labuschagne wat ingesluit is in die toergroep.[53][54] [55]

Persoonlike lewe[wysig | wysig bron]

Labuschagne is in 'n Christelike huishouding grootgemaak en het hom op 17-jarige leeftyd toegewy aan die geloof. Oor sy geloof sê Labuschagne: "Sport is 'n wispelturige spel en beserings speel 'n groot rol. In die groter skema van dinge, is dit wat jy werd is, .... nie daar buite nie; dit is interne saak en 'n saak van jou geloof in Christus ... krieket sal altyd wisselvallig wees, en as jy Jesus Christus as 'n konstante teenwoordigheid in jou lewe het, maak dit die lewe baie makliker."[56]

Labuschagne is in 2017 getroud met sy vrou, Rebekah.[57]

Verwysings[wysig | wysig bron]

  1. 1,0 1,1 Ramsey, Michael (8 Oktober 2018). "Bolter Labuschagne impresses for Australia on Test debut". The Sydney Morning Herald. Besoek op 4 Januarie 2020.
  2. "Smith withdrawn from second Test, Labuschagne comes in as concussion replacement, replacing Steve Smith". International Cricket Council. 18 Augustus 2019. Besoek op 18 Augustus 2019.
  3. 3,0 3,1 3,2 3,3 Australian Associated Press (30 Desember 2019) Marnus Labuschagne climbs 106 places in ICC Test batting rankings, The Guardian. Besoek op 5 Januarie 2020.
  4. "Stokes wins Sir Garfield Sobers Trophy". International Cricket Council. 15 Januarie 2020. Besoek op 15 Januarie 2020.
  5. Caffrey, Oliver (11 Februarie 2020). "Marnus Labuschagne wins Test player award". The Canberra Times. Besoek op 9 April 2020.
  6. Griffiths, Gareth (16 Februarie 2020). "Marnus Labuschagne: Australia cricket award caps 'special' year". BBC Sport. Besoek op 9 April 2020.
  7. Forsaith, Rob (9 April 2020). "Wisden title an honour: Marnus Labuschagne". The Canberra Times. Besoek op 9 April 2020.
  8. Hashim, Taha (8 April 2020). "The summer that made Marnus Labuschagne a Wisden Cricketer of the Year". Wisden Cricketers' Almanack. Besoek op 9 April 2020.
  9. Craddock, Robert (27 Oktober 2014) Former South African Marnus Labuschagne well-schooled for Sheffield Shield debut, The Daily Telegraph. Besoek op 1 November 2014.
  10. https://maroelamedia.co.za/sportnuus/krieket/video-aussies-se-labuschagne-verstaan-nog-so-n-titseltjie-afrikaans/ Besoek op 14/09/2020
  11. Teams Marnus Labuschagne played for, CricketArchive. Besoek 4 Januarie 2020. Betaalmuur-moet intekenaar wees.
  12. Redland cricket stars in state team, Redland City Bulletin, 13 Desember 2012. Besoek op 1 November 2014.
  13. Blues, Bulls call on debutants, Cricket Australia, 27 Oktober 2014. Besoek op 1 November 2014.
  14. Plymouth old boy set for Australian Test debut against Pakistan, Devon Cricket Board. Besoek op 4 Januarie 2020.
  15. Harvey, Richard (19 Mei 2014) Shepherd Neame Kent Cricket League Premier Division wrap, Kent Online. Besoek op 4 Januarie 2020.
  16. Stevens ton revives Bulls after Sayers hat-trick, CricInfo, 31 Oktober 2014. Besoek op 4 Januarie 2020.
  17. "Labuschagne penalised under new 'fake fielding' rule". CricInfo. 21 Augustus 2017. Besoek op 29 September 2017.
  18. Burnett, Adam (21 Augustus 2017). "Renshaw endorses new 'fake fielding' rule". Cricket Australia. Besoek op 29 September 2017.
  19. Burnett, Adam; Cameron, Louis (18 Maart 2018). "Our Sheffield Shield team of the year". Cricket Australia. Besoek op 18 Maart 2018.
  20. "Marnus Labuschagne: Glamorgan sign Australia batsman". BBC Sport. 2 April 2019. Besoek op 2 April 2019.
  21. "Marnus Labuschagne knock keeps Glamorgan unbeaten as match with Sussex is drawn". CricInfo. 30 Mei 2019. Besoek op 3 Januarie 2020.
  22. "Glamorgan averages 2019". BBC Sport. Besoek op 3 Januarie 2020.
  23. "Division Two averages 2019". BBC Sport. Besoek op 3 Januarie 2020.
  24. "Marnus Labuschagne Player Profile". Glamorgan County Cricket Club. Besoek op 3 Januarie 2020.
  25. "Marnus Labuschagne: Glamorgan sign Australia batsman to two-year deal". BBC Sport. 12 November 2019. Besoek op 3 Januarie 2020.
  26. Webb N (2020) Marnus Labuschagne: Australia batsman signs for extra year with Glamorgan, BBC Sport, 19 Junie 2020. Besoek op 20 Junie 2020.
  27. Smith, Martin (11 September 2018). "Maxwell out as Bulls, Finch bolt into Test squad". Cricket Australia. Besoek op 11 September 2018.
  28. "Australia Test squad for UAE: The newcomers". International Cricket Council. 11 September 2018. Besoek op 11 September 2018.
  29. "1st Test, Australia tour of United Arab Emirates at Dubai, 7-11 Okt. 2018". CricInfo. Besoek op 7 Oktober 2018.
  30. McGlashan A (3 Januarie 2019) Labuschagne, Australia's unlikely No. 3, learns from Pujara, CricInfo. Besoek op 9 Januarie 2020.
  31. Marnus Labuschagne Called Up As Australia Overhaul ODI Squad For India Tour, NDTV, 17 Desember 2019. Besoek op 9 Januarie 2020.
  32. Marnus Labuschagne pens Glamorgan deal ahead of Ashes push, CricInfo, 2 April 2020. Besoek op 9 Januarie 2020.
  33. Malcolm, Alex (7 May 2019) Labuschagne sparkles while Burns returns home, CricInfo. Besoek op 9 Januarie 2020.
  34. Ferris, Sam (27 Julie 2019). "Australia name 17-man Ashes squad" (in Engels). Cricket Australia. Besoek op 29 Julie 2019.
  35. Brettig, Daniel (26 Julie 2019). "Bancroft, Wade and Mitchell Marsh earn Ashes call-ups" (in Engels). CricInfo. Besoek op 29 Julie 2019.
  36. "Steven Smith withdrawn from Lord's Test due to concussion". ESPN Cricinfo. 18 August 2019. Besoek op 18 Augustus 2019.
  37. "Smith out, Marnus in under new concussion rules". Cricket Australia. 18 Augustus 2018. Besoek op 18 Augustus 2019.
  38. Brettig, Daniel (24 August 2019) Marnus Labuschagne sets the example for Australia - and England, CricInfo. Besoek op 8 Januarie 2020.
  39. "Australia Labuschagne joins elite Test batting club". News24. 24 Augustus 2019. Besoek op 24 Augustus 2019.
  40. "Cricket Australia vs Pakistan, first Test at the Gabba: Marnus Labuschagne scores first century, video" (in Engels). Fox Sports. 23 November 2019. Besoek op 23 November 2019.
  41. "Cricket Australia vs Pakistan, second Test at Adelaide Oval: Marnus Labuschagne continues his rise with century" (in Engels). Fox Sports. 29 November 2019. Besoek op 1 Desember 2019.
  42. Australia v New Zealand: Marnus Labuschagne makes 215 for hosts, BBC Sport, 4 Januarie 2020. Besoek op 4 Januarie 2020.
  43. 43,0 43,1 Australian Associated Press (31 Desember 2019) Labuschagne up 106 Test rankings spots in 2019, Sydney Morning Herald. Besoek op 9 Januarie 2020.
  44. Top 10 batsmen with most Test runs in 2019, The Cricket Times, 31 Desember 2019. Besoek op 9 Januarie 2020.
  45. "Labuschagne in line for ODI debut, Maxwell omitted for India tour". International Cricket Council. 17 Desember 2019. Besoek op 17 Desember 2019.
  46. "Records tumble as Australia crush India by 10 wickets". Cricket Australia. 15 Januarie 2020. Besoek op 15 Januarie 2020.
  47. Monga, Sidharth (18 Januarie 2020). "Rohit Sharma's century trumps Steven Smith's as India take series". CricInfo. Besoek op 21 Februarie 2020.
  48. Ramsay, Michael (8 Maart 2020). "Labuschagne century in vain as Proteas sweep Australia in ODI series". The Sydney Morning Herald. Besoek op 8 Maart 2020.
  49. "CA reveals national contract lists for 2020-21". Cricket Australia. Besoek op 30 April 2020.
  50. "Usman Khawaja and Marcus Stoinis lose Cricket Australia contracts". ESPN Cricinfo. Besoek op 30 April 2020.
  51. "Usman Khawaja and Marcus Stoinis in expanded Australia training squad for possible England tour". ESPN Cricinfo. Besoek op 16 Julie 2020.
  52. "Aussies name huge 26-player group with eye on UK tour". Cricket Australia. Besoek op 16 Julie 2020.
  53. "Riley Meredith, Josh Philippe and Daniel Sams included as Australia tour to England confirmed". ESPN Cricinfo. Besoek op 14 Augustus 2020.
  54. "Uncapped trio make Australia's UK touring party". Cricket Australia. Besoek op 14 Augustus 2020.
  55. https://maroelamedia.co.za/sportnuus/krieket/saners-maak-amok-in-engeland/ Besoek op 14/09/2020
  56. James, Sebastian (20 Desember 2017). "Big Bash rising star with Bible verses in his shoes". Eternity News (in Engels). Besoek op 17 Julie 2019.
  57. "How Labuschagne became mighty Marnus". Cricinfo (in Engels). Besoek op 2020-04-12.