Krieket Australië

in Wikipedia, die vrye ensiklopedie
Jump to navigation Jump to search
Krieket Australië
Kenteken van Krieket Australië
Kenteken van Krieket Australië
Engelse naam Cricket Australia
Afkorting CA
Land Vlag van Australië Australië
Sportsoort Krieket
Stigting 1905
Gestig in Sydney, Australië
Lid van Internasionale Krieketraad
Aangesluit in 1909 (Stigtingslid)
Vastelandse beheerliggaam IKR Oos-Asië-Pasifiek
Voorsitter Earl Eddings
Hoof- uitvoerende beampte Nick Hockley (waarnemend)
Setel Jolimont, Melbourne, Australië
Amptelike taal Engels
Amptelike webwerf cricketaustralia.com.au

Krieket Australië (Engels: Cricket Australia, afgekort “CA”), voorheen bekend as die Australian Cricket Board (ACB), is die bestuursliggaam wat krieket in Australië beheer. Die raad is by die Internasionale Krieketraad (IKR) geaffilieer[1] en organiseer verskeie nasionale spanne, insluitend Australië se nasionale seniorkrieketspan vir mans, vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en vir die reëling van internasionale wedstryde tuis. Daarbenewens is Krieket Australië verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Australiese span. Krieket Australië het reeds as medegasheer van belangrike toernooie soos die krieketwêreldbekers in 1992 en 2015 (albei saam met Nieu-Seeland) opgetree.

Krieket Australië is in 1905 as die Australiese Beheerraad vir Internasionale Krieket (Australian Board of Control for International Cricket) gestig[2] en is as ’n Australiese publieke maatskappy gelys.[3] In 1909 het Australië saam met Engeland en Suid-Afrika die Imperiale Krieketkonferensie (IKK), die huidige Internasionale Krieketraad, gestig.[4] Krieket Australië bestaan uit ses plaaslike beheerliggame, wat elkeen ’n deelstaat verteenwoordig.[5] Die belangrikste krieketligas in Australië is die Sheffield Shield in eersterangse krieket (ses spanne), die One-Day Cup in EDI-krieket (ses spanne) en die Big Bash League in T20-krieket (agt spanne).

Kinders en jongmense word reeds op skool aan krieket bekend gestel en na gelang van hul belangstelling en talent begin hul met hul afrigting. Nes ander krieketnasies beskik Australië oor ’n o/19-nasionale span wat aan die o/19-krieketwêreldbeker deelneem.[6] Australia A is die tweede nasionale span van Australië en van hul wedstryde geniet eersterangse of A-lys-status.

Sien ook[wysig | wysig bron]

Verwysings[wysig | wysig bron]

  1. (en) "Cricket Australia". Internasionale Krieketraad. Besoek op 24 Junie 2021.
  2. (en) "Our History". Krieket Australië. 2021. Besoek op 24 Junie 2021.
  3. (en) "Board of Directors". Krieket Australië. Besoek op 24 Junie 2021.
  4. (en) "1909–1963 – Imperial Cricket Conference". Internasionale Krieketraad. Besoek op 24 Junie 2021.
  5. (en) "Member Associations". Krieket Australië. 2021. Besoek op 24 Junie 2021.
  6. (en) Martin Williamson. "A brief history: The Under-19 World Cup". ESPNcricinfo. Besoek op 24 Junie 2021.

Bibliografie[wysig | wysig bron]

  • (en) Pollard, Jack (1988). Australian Cricket: The game and the players. Sydney: Angus & Robertson. ISBN 0-207-15269-1.

Eksterne skakels[wysig | wysig bron]


Nasionale Krieketrade van die Internasionale Krieketraad Cricket pictogram.svg

AfghanistanAustraliëBangladesjEngelandIerlandIndiëNieu-SeelandPakistanSri LankaSuid-AfrikaWes-IndiëZimbabwe