Pakistanse nasionale krieketspan

in Wikipedia, die vrye ensiklopedie
Jump to navigation Jump to search
Pakistan
PCBlogo.PNG
Kenteken van die Pakistanse Krieketraad
BynaamShaheens (Valke), Green Shirts, Men in Green, Cornered Tigers
KonferensiePakistanse Krieketraad
Personeel
ToetskapteinAzhar Ali
EDI-kapteinvakant
T20I-kapteinBabar Azam
AfrigterMisbah-ul-Haq
Geskiedenis
Toetsstatus verkry1952
Internasionale Krieketraad
IKR-statusVolle lid (1952)
IKR-streekAKR (Asië)
IKR-ranglys Tans[1] Beste rang tot dusver
Toetsrang7de1ste
EDI6de1ste
T20I1ste1ste
Toetse
Eerste toetst Vlag van Indië Indië op Feroz Shah Kotla Ground, Delhi; 16–18 Oktober 1952
Laaste toetst Vlag van Bangladesj Bangladesj op Rawalpindi-krieketstadion, Rawalpindi; 7–10 Februarie 2020
Toetse Gespeel Gewen/Verloor
Totaal[2]428138/130
(160 gelykop, 0 onbeslis)
Vanjaar[3]11/0
(0 gelykop, 0 geen uitslag)
Internasionale eendagwedstryde
Eerste EDIt Vlag van Nieu-Seeland Nieu-Seeland op Lancasterpark, Christchurch; 11 Februarie 1973
Laaste EDIt Vlag van Sri Lanka Sri Lanka op Nasionale stadion, Karatsji; 2 Oktober 2019
EDIs Gespeel Gewen/Verloor
Totaal[4]927486/413
(8 gelykop, 20 geen uitslag)
Vanjaar[5]00/0
(0 gelykop, 0 geen uitslag)
verskynings tydens wêreldbeker-toernooie12 (eerste in 1975)
Beste uitslagKampioen (in 1992)
Twintig20s
Eerste T20It Vlag van Engeland Engeland op Bristol-krieketveld, Bristol; 28 Augustus 2006
Laaste T20It Vlag van Bangladesj Bangladesj op Gaddafistadion, Lahore; 25 Januarie 2020
T20Is Gespeel Gewen/Verloor
Totaal[6]15192/55
(3 onbeslis, 2 geen uitslag)
Vanjaar[7]32/0
(0 onbeslis, 1 geen uitslag)
Verskynings by T20-wêreldbeker-toernooie6 (eerste in 2007)
Beste uitslagKampioen (in 2009)
Toetsklere
EDI-klere
T20I-klere

Die Pakistanse nasionale krieketspan (Oerdoe: پاکستان قومی کرکٹ ٹیم), met die byname Shaheens (شاہین; letterlik: "valke"),[8][9] Green Shirts,[10] Men in Green,[11][12][13] is die nasionale krieketspan van Pakistan. Krieket in Pakistan word geadministreer en beheer deur die Pakistanse Krieketraad (PCB) en die land is ’n volle lid van die Internasionale Krieketraad (IKR). Die span neem deel aan internasionale toets-, EDI- en T20--wedstryde. Pakistan is tans (17 Februarie 2020) sewende op die IKR-toetsranglys, sesde op die eendagranglys, en eerste op die Twintig20-wêreldranglys.[14][15][16]

Pakistan het al 428 toetswedstryde gespeel, 138 gewen, 130 verloor en 160 geëwenaar.[17] Pakistan het, as die tweede land in Asië, op 28 Julie 1952 toetsstatus verkry – op aanbeveling van Indië – en Pakistan het sy toetsdebuut teen Indië op Feroz Shah Kotla Ground, Delhi, in Oktober 1952 gemaak, wat Indië met ’n beurt en 70 lopies kon wen.[18] In die 1930’s en 40’s, voor die Verdeling van Indië in 1947, het verskeie Pakistanse krieketspelers toetse vir die Indiese krieketspan gespeel.

Pakistan het 927 EDIs gespeel, 486 gewen, 413 verloor, 8 was gelykop en 20 onbeslis.[19] Pakistan kon die Krieketwêreldbeker in 1992 wen, en die Krieketwêreldbeker in 1999 as naaswenner afsluit. Pakistan het, saam met ander lande van Suid-Asië, die krieketwêreldbekertoernooie 1987 en 1996 aangebied, en die 1996-eindstryd is op Gaddafi-stadion in Lahore gehuisves.

Pakistan het 151 Twintig20 gespeel, meer as enige ander span, 92 gewen, 55 verloor en 3 was onbeslis.[19] Pakistan kon die T20-wêreldbeker in 2009 wen, en die eerste T20-wêreldbeker in 2007 as naaswenner afsluit.

Pakistan kon ook die Kampioenetrofee in 2017 vir die eerste keer wen, nadat hulle Indië verslaan het. Pakistan het sodoende die eerste span geword wat al die vername internasionale kriekettoernooie kon wen: Krieketwêreldbeker, T20-wêreldbeker, Kampioenetrofee en die Toetskampioenskap.[20][21]

Terrorisme in Pakistan het daartoe gelei dat verskeie nasionale spanne nie na dié land getoer het nie, en sedert die 2009-aanval op die nasionale krieketspan van Sri Lanka nie meer toetse in Pakistan gespeel is nie.[22] Vanaf 2009 het Pakistan sy tuiswedstryde veral in die Verenigde Arabiese Emirate gespeel.[23] Maar ná die afname van terreuraanvalle in Pakistan gedurende die onlangse jare, en die verbetering van veiligheid in dié land, het verskeie spanne sedert 2015 weer na Pakistan begin toer.[24] Van die spanne sluit in Zimbabwe, Sri Lanka, Wes-Indië, en ’n IKR Wêreld XI. Daarbenewens is wedstryde van die Pakistan Superliga in Pakistan aangebied.[25][26][27][28]

Geskiedenis[wysig | wysig bron]

Beginjare[wysig | wysig bron]

Verslag oor die wedstryd tussen Sindh en Australië in Karatsji op 22 November 1935 in The Sydney Morning Herald

Krieket in Pakistan het ’n geskiedenis wat reeds voor die stigting van dié land in 1947 begin; die spel is deur die Britte in die vroeë 1700’s na die destydse Brits-Indië gebring. Die eerste bekende internasionale krieketwedstryd in Karatsji is op 22 November 1935 tussen Sindh en Australië gespeel. Dié wedstryd is deur 5 000 Karatsji’s bygewoon.[29] Ná die onafhanklikheid van Pakistan in 1947 het krieket in dié land spoedig ontwikkel en Pakistan is tydens ’n vergadering van die Imperiale Krieketkonferensie op Lord’s in Engeland op 28 Julie 1952 op aanbeveling van Indië toetsstatus toegeken;[30] laasgenoemde het, as opvolgerstaat van Brits-Indië, nie só ’n spoedige sukses ondergaan nie. Die eerste kaptein van die Pakistanse nasionale krieketspan was Abdul Hafeez Kardar.

Pakistan se eerste toetswedstryd is op Feroz Shah Kotla Ground, Delhi, in Oktober 1952 as deel van ’n vyf-toetsreeks, wat Indië met 2–1 kon wen, gespeel. Pakistan het sy eerste toer na Engeland in 1954 onderneem en die reeks 1–1 geëwenaar ná ’n oorwinning op The Oval waarin die snelbouler Fazal Mahmood 12 paaltjies geneem het. Pakistan se eerste toetswedstryd tuis was teen Indië in Januarie 1955 op Bangabandhu Nasionale stadion, Dacca, Oos-Pakistan (nou Bangladesj), daarna is vier verdere toetse in Bahawalpur, Lahore, Pesjawar en Karatsji gespeel (al die vyf toetse van die reeks het gelykop geëindig, die eerste keer in die toetsgeskiedenis.)[31]

Die span is as sterk, maar onvoorspelbaar beskou. Tradisioneel beskik Pakistan oor begaafde spelers, maar na bewering toon hulle per geleentheid beperkte dissipline, wat hul prestasie soms inkonsekwent maak. Veral die Indies-Pakistanse krieketwedywering is gewoonlik emosioneel opgelaai en sorg vir boeiende wedstryde, omdat begaafde spanne en spelers van albei kante van die grens poog om hul spel tot nuwe vlakke te neem. Pakistan se wedstryde teen Indië tydens die krieketwêreldbekertoernooie sorg vir volgepakte stadions en hoogs gelaaide atmosfere. Die span word tuis en oorsee goed ondersteun, veral in die Verenigde Koninkryk waar Britse Pakistani’s ’n aanhangersklub, die "Stani Army", gestig het. Lede van dié klub woon wedstryde regdeur die land by en is bekend vir hul lawaaierige ondersteuning. Die Stani ondersteun ook liefdadigheidsinisiatiewe vir minderbevoorregte Pakistani’s, insluitende jaarlikse krieketwedstryde teen Britse Indiërs van die soortgelyke "Bharat Army".

Australasiatiese beker in 1986[wysig | wysig bron]

Die Australasiatiese beker in 1986 is in Sharjah in die Verenigde Arabiese Emirate uitgespeel en Pakistan kon die eindstryd teen hul aartsvyand Indië met die laaste aflewering beklink, en Javed Miandad het ’n nasionale held geword.[32] Indië het eerste gekolf en ’n teiken van 245 lopies opgestel, waarvolgens Pakistan ’n lopietempo van 4.92 lopies per boulbeurt nodig gehad het. Miandad het as nommer drie gekolf en Pakistan het paaltjies op ’n gereelde manier verloor. Ná die afloop van die wedstryd het hy gesê, dat sy hooffokus daarop was om die wedstryd met waardigheid te verloor. Nadat hulle nog 31 lopies in die laaste drie boulbeurte benodig het, het Miandad ’n reeks grenshoue geslaan, terwyl sy span met ’n laerorde gekolf het, totdat hulle vier lopies met die laaste aflewering van die wedstryd benodig het. Miandad het ’n volle gooi aan die beenkant van Chetan Sharma ontvang, wat hy vir ’n grenshou oor die middelste paaltjiegrens geslaan het.[32][33]

Krieketwêreldbeker 1992[wysig | wysig bron]

Die Melbourne-krieketveld tydens die eindstryd tussen Pakistan en Engeland op 25 Maart 1992
Die Pakistanse openingskolwer Yasir Hameed speel teen Australië op Lord’s in Engeland

Tydens die halfeindstryd van die Krieketwêreldbeker 1992 het Nieu-Seeland die loot gewen en verkies om eerste te kolf en met ’n telling van 262 lopies gesluit. Pakistan het konserwatief gekolf, maar nogtans paaltjies op ’n gereelde manier verloor. Met die optrede van beide Imran Khan en Saleem Malik kort opmekaar, het Pakistan nog 115 lopies teen ’n lopietempo van 7.67 lopies per boulbeurt benodig, en die veteraan Javed Miandad was die enigste bekende kolwer wat by die kolfblad oorgebly het. ’n Jong Inzamam-ul-Haq, wat pas 22 geword het en destyds nie ’n welbekende speler was nie, het die internasionale verhoog met ’n beslissende 60 lopies uit 37 aflewerings betree. Nadat Inzamam van die veld moes stap, het Pakistan nog 36 lopies uit 30 aflewerings benodig, en die paaltjiewagter Moin Khan het ’n uitstekende grenshou oor die langer kant geslaan, gevolg deur die wengrenshou oor die middelste paaltjie. Dié wedstryd het die verskyning van Inzamam op die internasionale verhoog gesien.[34][35][36]

Tydens die Krieketwêreldbeker 1992 in Australië en Nieu-Seeland het Pakistan sy eerste wêreldbekertitel ingepalm. Dit word vir Pakistan se herstel ná die aftrede van sleutelspelers soos Waqar Younis en Saeed Anwar en die kapteinskap van die beseerde Imran Khan onthou. Pakistan het drie van hul vyf wedstryde in die groepfase verloor en hulle is deur Engeland met 74 lopies amper uitgeboul, totdat die wedstryd weens reën afgelas is.[37] Imran Khan het vir sy span opdrag gegee om soos "vasgekeerde tiere" te speel, en Pakistan kon vervolgens vyf agtereenvolgende wedstryde wen, insluitende die halfeindstryd teen die gasheer Nieu-Seeland en die eindstryd teen Engeland.[38]

Krieketwêreldbeker 2007[wysig | wysig bron]

Toetswedstryd tussen Indië en Pakistan op die M. Chinnaswamy-stadion in Bangalore in 2007
Pakistan se afrigter Bob Woolmer is tydens die Krieketwêreldbeker 2007 dood
Liefdadigheidskrieketwedstryd tussen Indië en Pakistan in die VAE, 2007

Die Krieketwêreldbeker 2007 het een van die grootste verrassings in die krieketgeskiedenis gesien, toe Pakistan deur Ierland verslaan is; die Iere het in hul eerste toernooi gespeel. Pakistan, wat die wedstryd weens hul nederlaag in die openingswedstryd teen Wes-Indië moes wen, is deur Ierland op die kolfblad gesit. Hulle het paaltjies op ’n gereelde manier verloor en net vier kolwers kon dubbelsyfers aanteken. Aan die einde is hulle deur die Iere met 132 lopes uitgeboul. Die Iere het die wedstryd beklink, nadat Niall O'Brien 72 lopies aangeteken het. Vervolgens is Pakistan tydens die tweede agtereenvolgende krieketwêreldbekertoernooi in die groepfase uitgeskakel.[39][40][41] ’n Tragedie het die Pakistanse span getref nadat hul afrigter Bob Woolmer een dag later, op 18 Maart 2007, in ’n hospitaal in Kingston, Jamaika, oorlede is.[42][43] Die Jamaikaanse polisie se woordvoerder Karl Angell het op 23 Maart 2007 beweer dat "Mnr. Woolmer dood is as gevolg van versmoor weens handmatige verwurging" en dat "Mnr. Woolmer se dood deur die Jamaikaanse polisie as ’n moordsaak behandel sal word."[44] Die adjunkafrigter Mushtaq Ahmed het as voorlopige hoofafrigter vir die span se laaste groepwedstryd tydens die toernooi opgetree.[45] As gevolg van sy span se uitskakeling en die dood van Woolmer het Inzamam-ul-Haq sy bedanking as kaptein en sy uittrede van EDI-krieket aangekondig, en verklaar dat hy verder toetskrieket sal speel, maar nie as ’n kaptein nie.[46] Shoaib Malik is as sy opvolger benoem.[47] Na sy heraansluiting by die span is Salman Butt as adjunkkaptein tot in Desember 2007 aangewys.[48]

Op 23 Maart 2007 is die Pakistanse spelers en amptenare deur die Jamaikaanse polisie ondervra, en hulle het, as deel van die roetine-ondersoeke ná die moord op Woolmer, DNS-monsters saam met hul vingerafdrukke voorgelê.[49] Drie dae, nadat hulle Wes-Indië op pad na Pakistan, via Londen, verlaat het, is die Pakistanse span as verdagtes uitgesluit. Die adjunkkommissaris van die Jamaikaanse polisie, Mark Shields, die speurder in beheer van die ondersoek, het verduidelik: "Dit is redelik om te sê dat hulle nou as getuies behandel word" en "Ek het geen bewyse wat daarop dui dat dit iemand van die span was nie."[50] Op 1 April 2007 is ’n gedenkdiens in die Kerk van die Heilige Hart in Lahore vir Bob Woolmer gehou. Onder die deelnemers was Pakistanse spelers en hoogwaardigheidsbekleërs, insluitende Inzamam-ul-Haq, wat gesê het "Ná Woolmer se gesin is die Pakistanse span die meeste deur sy dood geraak."[51] Ná afloop van die Krieketwêreldbeker 2007 het ernstige twyfel oor die ondersoek ontstaan, met toenemende bespieëling dat Woolmer aan natuurlike oorsake dood is. Dit word nou algemeen as ’n feit aanvaar, en die saak is gesluit.[52]

Op 20 April 2007 het ’n amptenaar van die Pakistanse Krieketraad aangekondig dat die voormalige toetskrieketspeler Talat Ali as voorlopige afrigter benoem is, bykomend tot sy rol as ’n spanbestuurder, tot ’n nuwe afrigter aangestel is.[53] Op 16 Julie 2007 is Geoff Lawson, voorheen hoofafrigter van Nieu-Suid-Wallis, as Pakistanse afrigter vir die volgende twee jaar aangestel, en het die eerste buitelander in dié pos geword.[54] Tydens die T20-wêreldbeker in 2007 het Pakistan die verwagtinge oortref en die eindstryd behaal, maar hulle het as naaswenner geëindig, nadat hulle die eindstryd teen Indië in ’n naelbyter-afwerking verloor het. Op 25 Oktober 2008 is Intikhab Alam deur die Pakistanse Krieketraad as nasionale afrigter benoem.

T20-wêreldbeker in 2009[wysig | wysig bron]

Twintig20-wedstryd tussen Ierland en Pakistan op The Oval in Londen, 2009
Shahid Afridi kolf teen Sri Lanka tydens die T20-wêreldbeker se eindstryd in 2009 op Lord’s in Engeland
Wedstryd tussen Australië en Pakistan in Doebai in 2009

Tydens die eindstryd op Lord’s, die tuiste van krieket in Londen, het Sri Lanka die loot gewen en verkies om te kolf. Die eerste boulbeurt is deur Mohammad Amir geboul. Nadat hy versuim het om die eerste vier aflewerings – wat almal kort aflewerings was – in punte om te skep, het Dilshan met sy kolf op die verkeerde tyd geslaan, waarvolgens hy aan die korter beenkant uitgevang is. Kort daarna het Jehan Mubarak ’n aflewering deur Abdul Razzaq skerp geslaan wat hoog in die lug opgestyg het en deur Shahzaib Hasan gevang is, waarna Sri Lanka op 2 vir 2 was. Sanath Jayasuriya was in staat om die beurt vir Sri Lanka te stabiliseer en het 17 lopies uit 10 aflewerings aangeteken, maar Jayasuriya het kort daarna geval nadat hy ’n goeie lang aflewering na die stompe gedeflekteer het. Mahela Jayawardene het gevolg nadat hy ’n aflewering in die hande van Misbah-ul-Haq geslaan het, waarna Sri Lanka op 32/4 was. Beide Sangakkara en Chamara Silva het verdere lopies aangeteken, voordat laasgenoemde deur Saeed Ajmal uitgevang is, nadat hy ’n trekskoot uit die aflewering van Umar Gul gespeel het. Shahid Afridi het kort daarna die paaltjie geneem van Isuru Udana met ’n draaibal wat in die regterhand ingestorm en die wegpen geklop het. Dit het Angelo Mathews op die veld gesit, wat saam met Sangakkara die telling van 70/6 na 138/6 geneem het, met 17 lopies wat uit die laaste deur Mohammad Amir geboulde beurt aangeteken is. Sri Lanka sluit af met 138/6 van 20 boulbeurte.

Pakistan het met die openingskolwers Kamran Akmal en Shahzaib Hasan goed begin, wat 48 lopies om die eerste paaltjie aangeteken het, voordat Kamran Akmal deur Kumar Sangakkara met die eerste aflewering deur Sanath Jayasuriya gestonk is. Pakistan het die teiken binne 18.4 beurte behaal, nadat Shahid Afridi, wat die beslissende lopies aangeteken het, as speler van die wedstryd aangewys is, terwyl Tillakaratne Dilshan weens sy 317 lopies met ’n gemiddelde van 63.40 as speler van die reeks benoem is. Pakistan se oorwinnings word dikwels deur Pakistanse gemeenskappe in Engeland begroet, en dit was die eerste wêreldbekertitel sedert Imran Khan se "vasgekeerde tiere" die Krieketwêreldbeker in 1992 gewen het. Afridi het gesê: "Ons weet almal hoe belangrik hierdie wêreldkampioenskap was omdat daar so baie in Pakistan gebeur het" en "Die ouens het hulself vir hierdie wêreldbeker gemotiveer."

Afridi het in die toernooi ’n stille begin met die kolf gehad, maar sterk voortgegaan met beslissende vyftigtalle in beide die halfeindstryd en eindstryd. Hy het ook 11 paaltjies gedurende die toernooi geneem.

Hy het beweer dat die ondersteuningspersoneel, insluitende die hoofafrigter Intikhab Alam en die boulafrigter Aaqib Javed, ’n belangrike rol in die span se oorwinning gespeel het.

"Hulle het almal regtig hard saam met die ouens gewerk en hulle verenig en naby aanmekaar gehou, daarom het ons sukses behaal" het Afridi beweer. Shahid Afridi was die man wat die harte van die Pakistanse mense gewen het.

T20-wêreldbeker in 2010[wysig | wysig bron]

Die T20-wêreldbeker in 2010 is in Wes-Indië aangebied, en Pakistan kon tot die halfeindstryd vorder. Pakistan, Australië en Bangladesj was in Groep A. Pakistan het die eerste wedstryd teen Bangladesj met 21 lopies gewen. Salman Butt het die held van die wedstryd met sy 73 van net 46 aflewerings geword. Die tweede wedstryd het Pakistan teen Australië gespeel; Australië het die loot gewen en verkies om te kolf. Hulle het 191/10 uit 49 aflewerings met 81 lopies van Shane Watson aangeteken. In die wedstryd is die laaste boulbeurt van die Australiese beurt deur Mohammad Amir geboul. Hy het ’n driekuns behaal en twee spelers is uitgehardloop, en vyf verdere paaltjies is in die laaste boulbeurt van die Australiese beurt geneem.

In die Super 8 het Pakistan teen beide Engeland en Nieu-Seeland verloor, en kon net teen Suid-Afrika wen. Hulle het net agter Engeland in Groep E van die Super 8 geëindig en tot die halfeindstryd gevorder. In die halfeindstryd het Pakistan weer teen Australië te staan gekom, en hulle het 191/6, insluitende Umar Akmal se 56 lopies nie uit nie, aangeteken. Australië het goed begin, en Michael Hussey het die beslissende 64 lopies uit net 24 aflewerings aangeteken. Australië het 197/7 in die 19.5 boulbeurte behaal en die wedstryd beklink. Met hierdie wedstryd is die verdedigende kampioen Pakistan uit die toernooi uitgeskakel.

Krieketwêreldbeker 2011[wysig | wysig bron]

Pakistan het uitstekend begin in die Krieketwêreldbeker 2011, wat in Indië, Sri Lanka en Bangladesj aangebied is, nadat hulle Kenia, Sri Lanka (een van die gunstelinge in die toernooi) en Kanada verslaan het. Shahid Afridi het beweer dat sy span in staat is om tot die halfeindstryd te vorder. Ná ’n duidelike nederlaag teen Nieu-Seeland, het Pakistan Zimbabwe met 7 paaltjies verslaan. Ná die oorwinning oor Zimbabwe het Pakistan sy plek in die kwarteindstryd bespreek. Van die hoogtepunte vir die Pakistanse span was hul oorwinning oor Australië, wat deur drie uitstekende snelboulers aangevoer is: Brett Lee, Shaun Tait en Mitchell Johnson. Pakistan het die kanse egter verontagsaam en Australië verslaan, danksy ’n indrukwekkende boulwerkvertoning. Dit het Australië se rekord wenstreep van 27 agtereenvolgende krieketwêreldbekeroorwinning beëindig, wat tydens die Krieketwêreldbeker 1999 (ook teen Pakistan) begin het.[55] In die kwarteindstryd het hulle teen Wes-Indië te staan gekom. Pakistan was genadeloos, en hulle het die Wes-Indiese span duidelik met 10 paaltjies verslaan, danksy ’n verdere indrukwekkende boulwerkvertoning. In die halfeindstryd op 30 Maart het Pakistan teen sy aartsvyand Indië te staan gekom. Indië het 260 lopies aangeteken nadat hulle eerste gekolf het. Weens die gebreek aan ’n goeie kolflys en ’n stadige begin van die lopiejaag het Pakistan 29 lopies minder behaal en Indië kon die eindstryd maak (Indië het die eindstryd gewen nadat hulle Sri Lanka geklop het).

T20-wêreldbeker in 2012[wysig | wysig bron]

EDI-wedstryd tussen Indië en Pakistan in 2012
Indië teen Pakistan op Eden Gardens in 2013

Die T20-wêreldbeker in 2012 is in Sri Lanka aangebied, en Pakistan is in Groep D saam met Nieu-Seeland en Bangladesj geplaas. Hulle kon maklik teen albei spanne wen, en Groep D as wenner afsluit. In die Super 8 het Pakistan eers teen Suid-Afrika te staan gekom, en kon dié wedstryd met net 2 paaltjies wen. Die volgende wedstryd was teen Indië, wat altyd baie aandag onder die krieketondersteuners geniet. Pakistan is vir net 128 lopies uitgeboul, en Indië kon die teiken met net 2 paaltjies behaal. Pakistan het sy laaste Super 8-wedstryd teen Australië met 32 lopies gewen, nadat Saeed Ajmal goed presteer en 3 paaltjies vir 17 lopies geneem het. Pakistan het weens ’n beter lopietempo as Indië s’n vir die kwarteindstryd gekwalifiseer.

Pakistan het in die halfeindstryd teen die gasheer Sri Lanka te staan gekom. Sri Lanka het 139/4 aangeteken en Mahela Jayawardena het die kolf gevat. Pakistan het die teiken amper behaal, maar paaltjies op ’n deurslaggewende interval het hulle agtertoe geneem. Die kaptein Mohammad Hafeez het 42 lopies aangeteken en al die ander kolwers het nie goed gevaar nie. Die wedstryd het ten gunste van Sri Lanka begin draai met ’n uitstekende prestasie deur Rangana Herath, wat die paaltjies van Mohammad Hafeez, Shahid Afridi en Shoaib Malik laat kantel het. Pakistan het die wedstryd met 16 lopies verloor.

T20-wêreldbeker in 2014[wysig | wysig bron]

Die T20-wêreldbeker in 2014 is in Bangladesj aangebied. Die Pakistanse span was weens die Asiatiese beker in 2014 nog voor die T20-wêreldbeker in Bangladesj. Pakistan het in Groep 2 teen sterk teenstanders meegeding. Die toernooi het vir die Pakistani’s teleurstellend verloop, nadat hulle twee wedstryd gewen en twee verloor het, waarna hulle die groep as derde afsluit en nie tot die kwarteindstryd kon vorder nie.

Die eerste groepwedstryd is teen die aartsvyand Indië gespeel, wat Indië met 7 paaltjies kon wen. Die volgende wedstryd was teen Australië, waarin Pakistan 191/5 met die uitstekende kolfwerk deur Umar Akmal aangeteken het. Australië se Glenn Maxwell kon 33 aflewerings net in 74 lopies omskep en hulle kon net 175 lopies aanteken. Pakistan het die wedstryd met 16 lopies gewen. Die wedstryd teen Bangladesj was ’n maklike oorwinning met 50 lopies. Die openingskolwer Ahmed Shehzad het die eerste Pakistani geword om ’n T20I-honderdtal aan te teken. Hy sluit af met ’n onoorwonne 111 uit 62 aflewerings. Die deurslaggewende wedstryd was teen Wes-Indië, waarvan die seëvierende span tot die halfeindstryd kon vorder. Wes-Indië het die loot gewen en verkies om eerste te kolf. Hulle het 166/6 in hul 20 boulbeurte aangeteken, Wes-Indië het 82 lopies binne die laaste 5 boulbeurte behaal en ’n vreesaanjaende slaan vir die Pakistanse kolwers besorg. Pakistan se lopiejaag was onsuksesvol nadat hulle met net 82 lopies uitgeboul is. Pakistan is met hierdie uitslag uit die toernooi uitgeskakel.

Krieketwêreldbeker 2015[wysig | wysig bron]

Wedstryd tussen Indië en Pakistan tydens die Krieketwêreldbeker 2015 in Adelaide

Pakistan het tydens die Krieketwêreldbeker 2015 swak begin. Hul eerste wedstryd was teen die aartsvyand Indië. Indië het eerste gekolf en 300/7 aangeteken, waarvan Virat Kohli met ’n honderdtal. Ná ’n swak begin in die lopiejaag het die Pakistanse kaptein Misbah-ul-Haq ’n bruikbare bydrag met 76 lopies gemaak, maar Pakistan het dié wedstryd met 76 lopies verloor. Die tweede wedstryd teen Wes-Indië was ’n ramp. Wes-Indië het 310/6 op die bord geplaas. In antwoord daarop het Pakistan 4 paaltjies vir net 1 lopie verloor, dit das die eerste keer in ’n EDI-wedstryd. Die span is vir 160 lopies uitgeboul en het die wedstryd met 150 lopies verloor.

Pakistan het sy volgende vier wedstryde teen Zimbabwe, die Verenigde Arabiese Emirate, Suid-Afrika en Ierland gewen. Sarfaraz Ahmed het Pakistan se enigste honderdtal teen Ierland aangeteken en is in albei wedstryde teen Suid-Afrika en Ierland as speler van die wedstryd aangewys. Pakistan kon sy eerste oorwinning oor Suid-Afrika in ’n krieketwêreldbekertoernooi aanteken. Pakistan het derde in Groep B geëindig en vir die kwarteindstryd gekwalifiseer.

In die kwarteindstryd het Pakistan teen Australië te staan gekom. Pakistan het 213 lopies aangeteken. Australië het stadig begin maar hulle het die paaltjies op ’n gereelde manier in die middel-boulbeurte geneem. Die wedstryd het groot aantrekkingskrag gekry weens die as gevolg van die wedywering op die veld tussen die Australiese veelsydige Shane Watson en die Pakistanse snelbouler Wahab Riaz. Wahab se aflewerings is geloof, alhoewel hy nie baie paaltjies geneem het nie. Pakistan het gedurende die eerste kragspel vangskote laat val en baie lopies afgestaan. Die vennootskap tussen Steve Smith en Glenn Maxwell het die oorwinning aan Australië besorg. Vervolgens is Pakistan uit die toernooi uitgeskakel. Die wedstryd was die laaste EDI vir beide die Pakistanse kaptein Misbah-ul-Haq en die ervare veelsydige Shahid Afridi.

Ná die Krieketwêreldbeker 2015[wysig | wysig bron]

Ná die Krieketwêreldbeker het beide Misbah-ul-Haq en Shahid Afridi hul EDI-loopbane beëindig. Vervolgens is die kapteinskap aan die nuweling Azhar Ali toegewys. Onder sy kapteinskap het Pakistan sy eerste EDI-reeks teen Bangladesj gespeel. Dié toer was ’n teleurstelling en Pakistan het al drie EDI-wedstryde en die T20-wedstryd verloor. ’n Slim boulwerk, ’n uitstekende kolfwerk en ’n goeie veldwerk het die gashere verby die besoekers laat stap. Dit was Bangladesj se eerste oorwinning sedert die Krieketwêreldbeker 1999 en hul eerste reeksoorwinning oor Pakistan. Pakistan kon die toer egter met ’n positiewe nota afsluit, nadat hulle met 1–0 in die twee-toetsreeks seëvier het.[56]

Pakistan het ná ses jaar weer ’n tuisreeks teen Zimbabwe in Mei 2015 gespeel. Dit was die eerste toer van ’n toetsnasie sedert die terreuraanval op die nasionale krieketspan van Sri Lanka in 2009. Pakistan het die T20I-reeks met 2–0 en die EDI-reeks met 2–0 gewen nadat die derde wedstryd weens reën gelykop eindig. Gedurende die toer na Sri Lanka in 2015 het Pakistan die toetsreeks met 2–1 gewen, die EDI-reeks met 3–2 en die T20I-reeks met 2–0. Dié suksesvolle toer het Pakistan vir die Kampioenetrofee in 2017 laat kwalifiseer, en Wes-Indië van hierdie toernooi ontneem. Die reeksoorwinning het Pakistan ook in die ranglyste van alle drie formate laat styg.

In September het Pakistan vir twee T20Is en drie EDIs na Zimbabwe getoer. Pakistan het die T20I-reeks 2–0 en die EDI-reeks 2–1 gewen. Vervolgens het Pakistan sy 2015-seisoen op die vierde plek in toetse, die agtste plek in EDIs en die tweede plek in T20Is afgesluit.

T20-wêreldbeker in 2016[wysig | wysig bron]

Die sesde toernooi van die T20-wêreldbeker is in Indië gehuisves. Pakistan is in Groep 2 saam met Indië, Australië, Nieu-Seeland en Bangladesj geplaas. Pakistan het sy toernooi met ’n oorwinning oor Bangladesj van 55 lopies afgeskop. Maar die volgende wedstryde was teleurstellend en Pakistan is deur al die ander drie teenstanders – Indië, Nieu-Seeland en Australië – geklop en vervolgens vroeg uit die toernooi uitgeskakel. Dit was die tweede keer wat Pakistan nie tot die halfeindstryd kon vorder nie (die eerste keer was tydens die T20-wêreldbeker in 2014). Op 18 Augustus 2016 het Pakistan Ierland met 255 lopies in Dublin verslaan en sodoende hul hoogste EDI-oorwinning aangeteken.[57][58] Hulle het ook die toets op Lord’s teen Engeland in Julie 2016 gewen; dit was die openingstoets van dié reeks.

In Augustus 2016 het Pakistan die eerste plek in toetskrieket vir die eerste keer sedert 1988 behaal, nadat Sri Lanka Australië platgeloop het. Pakistan het Indië as nommer 1 vervang nadat die laaste toets tussen Indië en Wes-Indië weens reën afgelas is en onbeslis geëindig het.[59] Pakistan het die eerste Asiatiese en tweede algehele span geword (die eerste was Australië teen Nieu-Seeland in 2015) om ’n dagnagtoets te wen, wat teen Wes-Indië in Doebai gespeel is.

In ’n latere T20-reeks in September 2016 het Pakistan die reeks teen die T20-wêreldbekerwenner Wes-Indië met 3–0 gewen. Hulle het onderskeidelik met 9 paaltjies, 16 lopies en 8 paaltjies gewen.[60]

2017[wysig | wysig bron]

Beide Misbah-ul-Haq en Younis Khan, wat die staatmakers van die Pakistanse kolflys gevorm het, het ná die afsluiting van die Pakistanse toer na Wes-Indië in 2017 hul uittrede van toetskrieket (die enigste formaat wat hulle destyds nog gespeel het) aangekondig. Pakistan onder kaptein Sarfaraz Ahmed het die T20I-reeks met 3–1 en die EDI-reeks met 2–1 gewen. In sy laaste toetsreeks het Misbah geskiedenis gemaak, nadat hy die eerste Pakistanse kaptein geword het om ’n wegreeks teen Wes-Indië in Wes-Indië te wen. Sarfaraz Ahmed het by Misbah as kaptein oorgeneem. In sy eerste reeks teen Sri Lanka, wat na die VAE getoer het, het Pakistan albei toetswedstryde verloor. Dit was die eerste keer in tien jaar wat Pakistan ’n tuisreeks verloor het, hul eerste verlore tuisreeks was teen Australië; dit was die eerste keer in die VAE, sedert dit Pakistan se aangenome tuiste geword het.

Kampioenetrofee in 2017[wysig | wysig bron]

Australië teen Pakistan op die Brisbane-krieketveld in 2017

Die toernooi het nie goed vir Pakistan begin nie, nadat hulle teen hul aartsvyand Indië met 124 lopies verloor het. Maar met die vordering van die groepfase het Pakistan se boulaanval merkwaardig verbeter, en hulle kon die wedstryd teen Suid-Afrika met 19 lopies en die belangrike wedstryd teen Sri Lanka met 3 paaltjies wen. Dit is voortgesit met die halfeindstryd teen die gasheer en gunsteling Engeland, waartydens Hasan Ali 3 paaltjies geneem het om Pakistan na hul eerste Kampioenetrofee-eindstryd te neem, ’n gretig verwagte herontmoeting met Indië.

In die eindstryd op ’n volgepakte The Oval het Indië die loot gewen en verkies om eerste te kolf. Pakistan se kolflys het Indië se beslissing laat bevraagteken, nadat die openingskolwer Fakhar Zaman sy eerste honderdtal (114 uit 106 aflewerings), en belangrike bydrae deur beide Azhar Ali (59) en Mohammad Hafeez (57*) het Pakistan na ’n telling van 338 geneem. Indië het sy toporde vinnig verloor, nadat Mohammad Amir die belangrike paaltjies van Rohit Sharma, Shikhar Dhawan en Virat Kohli geneem het. Indië het weerstand met Hardik Pandya ontbied, wat ’n flink 76 aangeteken het. Hasan Ali, Pakistan se opkomende ster in hierdie toernooi, het die laaste paaltjie met syfers van 3–19 geneem, wat Indië op 180 lopies beperk en aan Pakistan die eerste Kampioenetrofee besorg het. Die oorwinning was die hoogste in ’n IKR-toernooi-eindstryd tot dusver.

Hasan Ali is as speler van die toernooi aangewys. Pakistan se kaptein Sarfaraz Ahmed het (ná die openingswedstryd teen Indië) gesê: "Ek het vir die seuns gesê, die toernooi eindig nie hier nie. Goeie krieket, positiewe krieket en ons sal wen." Na hul oorwinning het Pakistan van die agste na die sesde plek in die EDI-ranglys gevorder. Die IKR se span van die toernooi het Sarfaraz Ahmed as kaptein, Fakhar Zaman, Junaid Khan en Hasan Ali van Pakistan ingesluit.

Krieketwêreldbeker 2019[wysig | wysig bron]

Tydens die Krieketwêreldbeker 2019 in Engeland het Pakistan goed gevaar en kon die gasheer Engeland, Suid-Afrika en Nieu-Seeland in die groepfase verslaan. Nadat hulle in die tabel gelykop met Nieu-Seeland was, is Pakistan net weens sy slegter lopietempo teenoor eersgenoemde uitgeskakel.[61] In die wedstryd teen Wes-Indië het Pakistan sy tweede laagste telling in ’n krieketwêreldbekerwedstryd sedert 1992 aangeteken en ook sy grootste nederlaag in ’n krieketwêreldbekerwedstryd gely.[37] Veral die wedstryd teen hul aartsvyand Indië op 16 Junie 2019 te Old Trafford in Manchester het sowat een miljard televisiekykers gelok[62] en juis in dié wedstryd het Indië die hoogste telling van ’n span teen Pakistan in ’n krieketwêreldbekerwedstryd aangeteken.[63]

Kleure[wysig | wysig bron]

Tydens toetswedstryde dra die Pakistanse krieketspan wit krieketklere, met ’n opsionele oortrektrui of sweetpak-baadjie met ’n groen en goud V-halslyn gedurende koue weer. Die span se amptelike borg sedert die 1990’s is Pepsi en Junaid Jamshed en hul kentekens word op die regterbors vertoon, die sustermerk Lay's op die moue en die Pakistanse krieketster op die linkerkant gedurende toetskrieket. Die veldwerkers dra ’n groen pet of ’n wit (of groen in EDI- en T20-wedstryde) sonhoed, met die Pakistanse krieketster in die sentrum. Die helms is ook groen geverf. Boom Boom Cricket het in April 2010 ’n kontrak met die Pakistanse Krieketraad onderteken en die truiborg van die Pakistanse span geword; dié ooreenkoms het ná die Asiatiese beker in 2012 tot ’n einde gekom.[64]

Pakistan word tans, in 2020, deur AJ Sports geborg[65], en het by CA Sports oorgeneem, wat tussen 2015 en 2019 die borg was.[66]

Pakistan se EDI- en T20-truie wissel van jaar tot jaar aangesien die span truie in verskeie skakerings van groen gebruik. In die verlede het Pakistan se truie naas groen ook skakerings van blou, geel en goud gebruik. Tydens amptelike IKR-toernooie staan PAKISTAN pleks van die borg se kenteken op die voorkant, en die borg se kenteken word na die mou verskuif. Tydens nieamptelike toernooie en wedstryde verskyn egter Pepsi se kenteken op die voorkant van die trui. Soos gewoonlik verskyn die Pakistanse Krieketraad se kenteken op die linkerbors.

Vorige uitrusters was CA Sports (2015–2019), Hunt[67], Slazenger[68] en AJ Sports.

Pakistan se spankenteken is ’n ster, gewoonlik in die kleure goud of groen, met die woord "Pakistan" (پاکِستان) in die middel in Oerdoe, Pakistan se nasionale taal.

Tuisstadions[wysig | wysig bron]

Nes ander vername krieketnasies soos Australië, Bangladesj, Engeland, Ierland, Indië, Nieu-Seeland, Sri Lanka, Suid-Afrika, Wes-Indië en Zimbabwe beskik Pakistan oor geen amptelike tuisstadion vir sy nasionale span nie. Die Pakistanse nasionale krieketspan span vir hul krieketwedstryde eerder ’n verskeidenheid stadions dwarsdeur Pakistan in.

Pakistan het sy eerste toetswedstryd in Oktober 1952 in Delhi as deel van ’n vyf-toetsreeks wat Indië met 2–1 gewen het, gespeel.

Daar is talle wêreldbekende krieketstadions in Pakistan. Hierdie blaaie is bekend vir stadige draaibane, waar die meeste van die nie-Indiese subkontinentale spanne sukkel. Die Gadaffistadion in Lahore is die bekendste krieketstadion in Pakistan. Die meeste van die Pakistanse krieketgronde word vir al drie formate van die spel ingespan. As gevolg van die 2009-aanval op die Sri Lanka nasionale krieketspan in Lahore het Pakistanse stadions tot in 2014 nie meer in aanmerking vir internasionale wedstryde gekom nie, totdat Zimbabwe na Pakistan getoer het. Tot onlangs toe het die meeste vername krieketnasies geweier om na Pakistan te toer.

Krieketwêreldbekerstadions[wysig | wysig bron]

Die Gaddafistadion in Lahore het tot dusver die enigste eindstryd van ’n krieketwêreldbekertoernooi in Pakistan aangebied

Indië het in 1987 saam met Pakistan die eerste krieketwêreldbekertoernooi buite Engeland aangebied.[69] Indië het 17 wedstryde op 14 verskeie plekke gehuisves, terwyl Pakistan 10 wedstryde op 7 plekke aangebied het. Albei gashere het hul wedstryde tydens dié toernooi tuis gespeel.

Die Krieketwêreldbeker 1996 is deur Indië, Pakistan en Sri Lanka saam aangebied. Indië het 17 wedstryde op 17 verskeie plekke gehuisves, terwyl Pakistan 16 wedstryde op 6 plekke en Sri Lanka 4 wedstryde op 3 plekke aangebied het. Al drie gashere het hul wedstryde tydens die groepfase tuis gespeel (behalwe vir die ontmoeting tussen Indië en Sri Lanka wat in Indië aangebied is). Die eindstryd is in Lahore se Gaddafistadion aangebied.

Die Krieketwêreldbeker 2011 is deur Indië, Sri Lanka en Bangladesj saam aangebied. Oorspronklik is ook wedstryde in Pakistan beplan, maar as gevolg van die terreuraanval op die Sri Lanka nasionale krieketspan op 3 Maart 2009 te Lahore is Pakistan van sy gasheerregte ontneem.[70][71] Pakistan het vervolgens met regstappe gedreig en daarop aangedring dat bykomend tot ’n finansiële vergoeding die in Pakistan beplande wedstryde na ’n neutrale plek (byvoorbeeld die Verenigde Arabiese Emirate[72]) verskuif word.[73][74] ’n Ander opsie was die omruiling van gasheerregte met Australië en Nieu-Seeland wat die volgende Krieketwêreldbeker 2015 sal huisves; dié voorstel is egter deur die mede-gashere verwerp.[75] Uiteindelik het Pakistan en die IKR oor ’n finansiële vergoeding ooreengekom.[76] Die hoofkwartier van die organiserende komitee, oorspronklik in Lahore gesetel, is na Mumbai verskuif.[77] Pakistan sou 14 wedstryde, insluitende ’n halfeindstryd, huisves.[70] Van dié wedstryde is ag (insluitende ’n halfeindstryd) aan Indië, vier aan Sri Lanka en twee aan Bangladesj toegeken.[78]

Rekords[wysig | wysig bron]

Wêreldbekerrekord[wysig | wysig bron]

Jaar Uitslag
1975 Groepfase
1979 Halfeindrondte
1983 Halfeindrondte
1987 Halfeindrondte
1992 Kampioen
1996 Kwarteindrondte
1999 Naaswenner
2003 Groepfase
2007 Groepfase
2011 Halfeindrondte
2015 Kwarteindrondte
2019 Groepfase
2023 N.v.t.

Twintig20-rekord[wysig | wysig bron]

Jaar Uitslag
2007 Naaswenner
2009 Kampioen
2010 Halfeindrondte
2012 Halfeindrondte
2014 Super 10
2016 Super 10
2020 Gekwalifiseer

Kampioenetrofee-rekord[wysig | wysig bron]

Jaar Uitslag
1998 Kwarteindrondte
2000 Halfeindrondte
2002 Groepfase
2004 Halfeindrondte
2006 Groepfase
2009 Halfeindrondte
2013 Groepfase
2017 Kampioen

Huidige groep van 32[wysig | wysig bron]

Naam Oud Kolfstyl Boulstyl Tuisspan Vorme Hempnr.
Toets- en EDI-kaptein en middelordekolwer
Misbah-ul-Haq 46 Regshandig R-bybreek SNGPL Toets, EDI 22
Aanvangskolwers
Ahmed Shehzad 28 Regshandig R-bybreek HBL Toets, EDI, T20I 19
Nasir Jamshed 31 Linkshandig R-bybreek HBL EDI, T20I 77
Khurram Manzoor 33 Regshandig R-bybreek PIA Toets, EDI 91
Shan Masood 30 Regshandig R-mediumsnel HBL Toets 49
Sharjeel Khan 30 Linkshandig R-bybreek ZTBL EDI, T20I 98
Middelordekolwers
Azhar Ali 35 Regshandig R-bybreek KRL Toets, EDI 79
Mohammad Hafeez1 39 Regshandig R-wegbreek SNGPL EDI, T20I 8
Asad Shafiq 33 Regshandig R-bybreek Karachi Dolphins Toets, EDI 81
Sohaib Maqsood 32 Regshandig R-wegbreek WPDA EDI, T20I 92
Fawad Alam 34 Linkshandig L-mediumsnel ZTBL Toets, EDI 25
Haris Sohail 31 Linkshandig L-mediumsnel ZTBL EDI, T20I 89
Paaltjiewagters
Kamran Akmal 38 Regshandig NBP EDI, T20I 23
Umar Akmal 30 Regshandig SNGPL EDI, T20I 3
Adnan Akmal 35 Regshandig ZTBL Toets, EDI 97
Sarfraz Ahmed 33 Regshandig PIA Toets, EDI 54
Veelsydig
Shahid Afridi 40 Regshandig R-mediumbybreek HBL Toets, EDI, T20I 10
Umar Amin 30 Linkshandig R-mediumsnel NBP Toets, EDI, T20I 84
Bilawal Bhatti 28 Regshandig R-mediumsnel SNGPL EDI, T20I 80
Snelboulers
Junaid Khan 30 Regshandig L-Mediumsnel WAPDA Toets, EDI T20I 83
Umar Gul 36 Regshandig R-Mediumsnel HBL Toets, EDI T20I 55
Mohammad Irfan 37 Regshandig L-snel KRL Toets, EDI T20I 76
Mohammad Sami 39 Regshandig R-snel Toets, EDI T20I
Wahab Riaz 34 Regshandig L-snel NBP Toets, EDI T20I 47
Rahat Ali 31 Regshandig L-mediumsnel KRL Toets, EDI 94
Anwar Ali 32 Regshandig R-mediumsnel PIA EDI, T20I 48
Mohammad Talha 31 Regshandig R-mediumsnel NBP Toets, EDI 99
Ehsan Adil 27 Regshandig R-mediumsnel HBL Toets, EDI 66
Draaibalboulers
Abdur Rehman 40 Linkshandig L-ortodokse draai HBL Toets, EDI, T20I 36
Zulfiqar Babar 41 Regshandig L-ortodokse draai WAPDA Toets, EDI, T20I 78
Raza Hasan 27 Linkshandig L-ortodokse draai NBP T20I 100
Yasir Shah 34 Regshandig R-bybreek Pakistan Customs Toets, EDI, T20I
Korrek op 15 Julie 2014

Verwysings[wysig | wysig bron]

  1. (en) "ICC Rankings". Internasionale Krieketraad.
  2. (en) "Test matches – Team records". ESPNcricinfo.
  3. (en) "Test matches – 2020 Team records". ESPNcricinfo.
  4. (en) "ODI matches – Team records". ESPNcricinfo.
  5. (en) "ODI matches – 2020 Team records". ESPNcricinfo.
  6. (en) "T20I matches – Team records". ESPNcricinfo.
  7. (en) "T20I matches – 2020 Team records". ESPNcricinfo.
  8. Nadeem, Roha (29 Junie 2017). "Mohammad Amir: Pakistan's raging phoenix" (in Engels). Geargiveer vanaf die oorspronklike op 16 Julie 2019. Besoek op 8 September 2018.
  9. (en) A. Rashid Shaikh (2000). The Story of the Pakistan Air Force, 1988–1998: A Battle Against Odds. Shaheen Foundation. ISBN 978-969-8553-00-5.
  10. "Green shirts reach home, Afridi to stay behind in Dubai". www.pakistantoday.com.pk (in Engels). Geargiveer vanaf die oorspronklike op 16 Julie 2019. Besoek op 8 September 2018.
  11. "Cricket Players Nick Names". crickitter.blogspot.com (in Engels). Geargiveer vanaf die oorspronklike op 16 Julie 2019. Besoek op 8 September 2018.
  12. "When Pakistan's 'Cornered Tigers' Ruled the World" (in Engels). BBC. 25 Maart 2017. Geargiveer vanaf die oorspronklike op 21 Julie 2019. Besoek op 17 Februarie 2020.
  13. "Cornered tigers roar once again" (in Engels). ESPNcricinfo. 21 Junie 2009. Geargiveer vanaf die oorspronklike op 23 April 2020. Besoek op 17 Februarie 2020.
  14. "Men's Test Team Rankings" (in Engels). Internasionale Krieketraad. 10 Februarie 2020. Geargiveer vanaf die oorspronklike op 16 Mei 2020. Besoek op 16 Februarie 2020.
  15. "Men's ODI Team Rankings" (in Engels). Internasionale Krieketraad. 15 Februarie 2020. Geargiveer vanaf die oorspronklike op 19 Mei 2020. Besoek op 16 Februarie 2020.
  16. "Men's T20I Team Rankings" (in Engels). Internasionale Krieketraad. 15 Februarie 2020. Geargiveer vanaf die oorspronklike op 11 Mei 2020. Besoek op 16 Februarie 2020.
  17. (en) "Records | Test matches | Team records | Results summary | ESPNcricinfo.com". ESPNcricinfo. Besoek op 17 Februarie 2020.
  18. "Pakistan in India 1952–53 (1st Test)" (in Engels). CricketArchive. Geargiveer vanaf die oorspronklike op 5 Julie 2019. Besoek op 20 Mei 2011.
  19. 19,0 19,1 "All-Time Results Table – One-Day Internationals" (in Engels). ESPNcricinfo. 24 Februarie 2013. Geargiveer vanaf die oorspronklike op 8 Mei 2020. Besoek op 17 Februarie 2020.
  20. "David Richardson presents ICC Test Championship mace to Misbah-ul-Haq" (in Engels). Internasionale Krieketraad. 21 September 2016. Geargiveer vanaf die oorspronklike op 11 Desember 2019. Besoek op 17 Februarie 2020.
  21. "CT17 final stats: Pakistan become fourth team to win all three ICC crowns" (in Engels). Cricbuzz. 19 Junie 2017. Geargiveer vanaf die oorspronklike op 27 Maart 2019. Besoek op 17 Februarie 2020.
  22. Dawn.com, Hufsa Chaudhry (3 Maart 2017). "8 years ago today: Attack on the Sri Lankan cricket team" (in Engels). Geargiveer vanaf die oorspronklike op 11 Februarie 2020. Besoek op 17 Februarie 2020.
  23. Selvey, Mike (11 Januarie 2012). "Pakistan cricket can never have home advantage in soulless Emirates – Mike Selvey". The Guardian (in Engels). Geargiveer vanaf die oorspronklike op 1 Mei 2020. Besoek op 17 Februarie 2020.
  24. "Global index shows terrorism on decline in Pakistan" (in Engels). 15 November 2017. Geargiveer vanaf die oorspronklike op 27 Maart 2019. Besoek op 17 Februarie 2020.
  25. "Pakistan Super League: PSL reopening a cricket-crazy country to the world" (in Engels). BBC. 15 Maart 2019. Geargiveer vanaf die oorspronklike op 16 April 2019. Besoek op 17 Februarie 2020.
  26. Boone, Jon (19 Mei 2015). "Pakistan welcomes Zimbabwean cricketers amid tight security". The Guardian (in Engels). Geargiveer vanaf die oorspronklike op 20 Augustus 2019. Besoek op 17 Februarie 2020.
  27. "West Indies tour of Pakistan schedule announced" (in Engels). 5 Maart 2018. Geargiveer vanaf die oorspronklike op 19 Junie 2018. Besoek op 17 Februarie 2020.
  28. "World XI depart for home after historic Pakistan tour" (in Engels). 16 September 2017. Geargiveer vanaf die oorspronklike op 2 Mei 2019. Besoek op 17 Februarie 2020.
  29. (en) "Match against Sindh" Geargiveer 23 Februarie 2011 op Wayback Machine. The Sydney Morning Herald, 23 November 1935
  30. (en) Guinness Cricket Encyclopaedia
  31. (en) Stump the Bearded Wonder No 126 Geargiveer 12 Oktober 2007 op Wayback Machine: BBC. Besoek op 28 Februarie 2007.
  32. 32,0 32,1 (en) Going, going...gone Geargiveer 20 Julie 2012 op Wayback Machine. ESPNcricinfo. Besoek op 14 Mei 2007.
  33. (en) Austral-Asia Cup, 1985/86, Final, India v Pakistan Geargiveer 6 Desember 2005 op Wayback Machine. ESPNcricinfo. besoek op 14 Mei 2007.
  34. (en) Inzi announces his arrival and India's hat-trick hero Geargiveer 17 September 2007 op Wayback Machine. ESPNcricinfo. Besoek op 14 Mei 2007.
  35. (en) Five of the best Geargiveer 7 Julie 2012 op Wayback Machine. ESPNcricinfo. Besoek op 14 Mei 2007.
  36. (en) Benson & Hedges World Cup, 1991/92, 1st Semi Final, New Zealand v Pakistan Geargiveer 11 Maart 2007 op Wayback Machine. ESPNcricinfo. Besoek op 14 Mei 2007.
  37. 37,0 37,1 Bharath Seervi (31 Mei 2019). "Pakistan crash to their biggest World Cup defeat". ESPNcricinfo (in Engels). Geargiveer vanaf die oorspronklike op 29 Junie 2019. Besoek op 20 Julie 2019.
  38. (en) Imran's Tigers turn the corner Geargiveer 7 Julie 2012 op Wayback Machine. ESPNcricinfo. Besoek op 14 Mei 2007.
  39. (en) Pakistan sent home by bold Ireland Geargiveer 20 Maart 2007 op Wayback Machine. ESPNcricinfo. Besoek op 14 Mei 2007.
  40. (en) Shamrocks turn Pakistan green Geargiveer 20 Maart 2007 op Wayback Machine. ESPNcricinfo. Besoek op 14 Mei 2007.
  41. (en) ICC World Cup – 9th Match, Group D, Ireland v Pakistan Geargiveer 7 Desember 2008 op Wayback Machine. ESPNcricinfo. Besoek op 14 Mei 2007.
  42. "Woolmer's post-mortem inconclusive" (in Engels). ESPNcricinfo. 20 Maart 2007. Geargiveer vanaf die oorspronklike op 9 Oktober 2019. Besoek op 19 Julie 2019.
  43. "Woolmer's death 'suspicious' – police" (in Engels). ESPNcricinfo. 21 Maart 2007. Geargiveer vanaf die oorspronklike op 9 Oktober 2019. Besoek op 19 Julie 2019.
  44. (en) Police hunt Woolmer's murderer Geargiveer 7 Julie 2012 op Wayback Machine: ESPNcricinfo. Besoek op 24 Maart 2007.
  45. (en) Woolmer post-mortem inconclusive Geargiveer 22 Maart 2007 op Wayback Machine: BBC. Besoek op 24 Maart 2007.
  46. (en) Shattered Inzamam retires from one-day scene Geargiveer 25 Maart 2007 op Wayback Machine: ESPNcricinfo. Besoek op 24 Maart 2007.
  47. (en) Shoaib Malik appointed Pakistan captain Geargiveer 18 September 2007 op Wayback Machine: ESPNcricinfo. Besoek op 19 April 2007.
  48. (en) Butt named Malik's deputy Geargiveer 13 Oktober 2008 op Wayback Machine. ESPNcricinfo. Besoek op 20 Junie 2007.
  49. (en) DNA testing for Pakistan players Geargiveer 12 Januarie 2008 op Wayback Machine: ESPNcricinfo. Besoek op 7 April 2007.
  50. (en) Pakistan no longer suspects in Woolmer case Geargiveer 13 Januarie 2008 op Wayback Machine: ESPNcricinfo. Besoek op 7 April 2007.
  51. (en) Memorial service for Woolmer held in Lahore Geargiveer 13 Januarie 2008 op Wayback Machine: ESPNcricinfo. Besoek op 7 April 2007.
  52. (en) Doubts grow over pathologist's findings Geargiveer 10 Oktober 2007 op Wayback Machine. ESPNcricinfo. Besoek op 21 Mei 2007.
  53. (en) Talat to act as interim coach Geargiveer 20 September 2007 op Wayback Machine: ESPNcricinfo. Besoek op 20 April 2007.
  54. (en) Lawson named Pakistan coach Geargiveer 16 Maart 2008 op Wayback Machine. ESPNcricinfo. Besoek op 16 Julie 2007.
  55. "Pakistan hands Australia first Cricket World Cup loss since 1999". The Star (in Engels). 19 Maart 2011. Geargiveer vanaf die oorspronklike op 21 Junie 2019. Besoek op 19 Julie 2019.
  56. "Sarkar ton powers Bangladesh to 3–0". Cricinfo (in Engels). 22 April 2015. Geargiveer vanaf die oorspronklike op 22 Junie 2019. Besoek op 17 Mei 2015.
  57. "Pakistan maul Ireland by 255 runs" (in Engels). 18 Augustus 2016. Geargiveer vanaf die oorspronklike op 4 Julie 2017. Besoek op 20 Augustus 2016.
  58. "Pakistan's victories" (in Engels). Geargiveer vanaf die oorspronklike op 18 Julie 2018. Besoek op 20 Augustus 2016.
  59. "Pakistan rise to No. 1 in Test rankings". ESPNcricinfo (in Engels). 22 Augustus 2016. Geargiveer vanaf die oorspronklike op 8 Augustus 2017. Besoek op 23 Augustus 2016.
  60. "Pakistan stroll to 3–0 after Imad three-for" (in Engels). 26 September 2016. Geargiveer vanaf die oorspronklike op 30 Augustus 2017. Besoek op 30 September 2016.
  61. "Cricket World Cup: Black Caps secure semi-final place as Pakistan fail to score enough runs". Stuff (in Engels). 5 Julie 2019. Geargiveer vanaf die oorspronklike op 6 Julie 2019. Besoek op 24 November 2019.
  62. (en) Armstrong, Jeremy (16 Junie 2019). "One billion watch cricket's biggest rivals India and Pakistan at Old Trafford". Daily Mirror. Besoek op 24 November 2019.
  63. "STATS: Virat Kohli, Rohit Sharma sizzle on the biggest stage". Cricbuzz (in Engels). 16 Junie 2019. Geargiveer vanaf die oorspronklike op 17 Junie 2019. Besoek op 24 November 2019.
  64. (en) Boom Boom Cricket Geargiveer 8 Julie 2011 op Wayback Machine, Boom Boom Cricket, 12 April 2010
  65. (en) "PCB signs contract with kit sponsor | ePaper | DAWN.COM". epaper.dawn.com. Geargiveer vanaf die oorspronklike op 7 Julie 2019. Besoek op 7 Julie 2019.
  66. "Mr. Subhan Ahmed COO, PCB and Mr. Zahid Javed representative CA Sports unveiled Pakistan Cricket..." www.pcb.com.pk (in Engels). Geargiveer vanaf die oorspronklike op 17 Februarie 2020. Besoek op 11 Mei 2018.
  67. (en) Khanzada, Umer Bin Ajmal | Ibtisam Zahid (26 Oktober 2015). "From timber to sixer: How a Pakistani bat manufacturer shaped cricket". DAWN.COM. Geargiveer vanaf die oorspronklike op 7 Julie 2019. Besoek op 7 Julie 2019.
  68. "Slazenger and Cricket History – Slazenger Heritage, vintage jumpers". slazengerheritage (in Engels). 24 September 2018. Geargiveer vanaf die oorspronklike op 7 Julie 2019. Besoek op 7 Julie 2019.
  69. "The World Cup leaves England". ESPNcricinfo (in Engels). 30 Oktober 2018. Geargiveer vanaf die oorspronklike op 27 April 2020. Besoek op 17 Februarie 2020.
  70. 70,0 70,1 "Pakistan counts cost of Cup shift" (in Engels). BBC. 18 April 2009. Geargiveer vanaf die oorspronklike op 4 Maart 2020. Besoek op 17 Februarie 2020.
  71. "World Cup matches moved out of Pakistan" (in Engels). ESPNcricinfo. 17 April 2009. Geargiveer vanaf die oorspronklike op 9 Oktober 2019. Besoek op 17 Februarie 2020.
  72. "UAE could stage World Cup games" (in Engels). The National. 3 Junie 2009. Geargiveer vanaf die oorspronklike op 26 Mei 2019. Besoek op 17 Februarie 2020.
  73. "PCB issues legal notice to ICC for World Cup exclusion" (in Engels). ESPNcricinfo. 9 Mei 2009. Geargiveer vanaf die oorspronklike op 9 Oktober 2019. Besoek op 17 Februarie 2020.
  74. "Pakistan rules out neutral venue option" (in Engels). ESPNcricinfo. 30 Julie 2009. Geargiveer vanaf die oorspronklike op 9 Oktober 2019. Besoek op 17 Februarie 2020.
  75. "Pakistan discusses two World Cup options" (in Engels). ESPNcricinfo. 16 Mei 2009. Geargiveer vanaf die oorspronklike op 1 Augustus 2019. Besoek op 17 Februarie 2020.
  76. "PCB to end legal battle with ICC" (in Engels). ESPNcricinfo. 13 Augustus 2009. Geargiveer vanaf die oorspronklike op 9 Oktober 2019. Besoek op 17 Februarie 2020.
  77. "World Cup shifts base from Lahore to Mumbai" (in Engels). ESPNcricinfo. 27 April 2009. Geargiveer vanaf die oorspronklike op 13 Oktober 2019. Besoek op 17 Februarie 2020.
  78. "Pakistan nears solution to World Cup dispute" (in Engels). AFP. 31 Julie 2009. Geargiveer vanaf die oorspronklike op 22 Februarie 2014. Besoek op 31 Julie 2009.

Eksterne skakels[wysig | wysig bron]