Olimpiese Somerspele 2008

in Wikipedia, die vrye ensiklopedie
Spring na: navigasie, soek
Spele van die XXIXe Olimpiade
Olimpiesespele van 2008

Gehou in Beijing, China
Deelnemende lande 204
Deelnemende atlete 10 942 (6 305 mans, 4 637 vroue)[1]
Items 302 in 28 sporte
Openingseremonie 8 Augustus 2008
Sluitingseremonie 24 Augustus 2008
Amptelik geopen deur President Hu Jintao
Atlete-eed Zhang Yining (tafeltennis)
Beampte-eed Huang Liping (gimnastiek)
Olimpiese vlam Li Ning (gimnastiek)
Vorige Spele 2004: Athene (Griekeland)
Volgende Spele 2012: Londen (VK)

Die Olimpiese Somerspele 2008 (Sjinees: 第二十九届夏季奥林匹克运动会; pinyin: Dì Èrshíjiǔ Jiè Xiàjì Àolínpǐkè Yùndònghuì), amptelik bekend as die Spele van die XXIXste Olimpiade, is tussen 8 en 24 Augustus 2008 in Beijing, China, aangebied. Tydens die geleentheid het 10 942 atlete uit 204 nasies aan 302 items in 28 verskillende sportsoorte deelgeneem.

Dit was naas die Spele van 1964 in Tokio en die Spele van 1988 in Seoel die derde Olimpiese Somerspele wat in Asië beslis is. Tokio sal later nog die Spele van 2020 aanbied en Beijing die Winterspele van 2022.

Die openingseremonie het in die Nasionale Stadion van Beijing plaasgevind. Soos gebruiklik het die lande in alfabetiese volgorde die stadion ingestap met Griekeland die eerste en die gasheer China die laaste, maar aangesien die plaaslike taal Mandaryns is, is dié taal se alfabet gebruik om die volgorde te bepaal. Natalie du Toit, swemmer en gouemedaljewenner tydens die Paralimpiese Somerspele 2004, het die Suid-Afrikaanse vlag ingedra.[2]

Die Paralimpiese Somerspele 2008 is tussen 6 en 17 September in Beijing gehou.

Toewysing[wysig | wysig bron]

Kaart van die Olimpiese Somerspele 2008 se wêreldwye fakkelloop

Beijing is op 13 Julie 2001 in Moskou deur die Internasionale Olimpiese Komitee gekies as die gasheer vir die Olimpiese Somerspele in 2008. Dié stad is bo die ander kandidate op die kortlys, naamlik Istanboel (Turkye), Osaka (Japan), Parys (Frankryk) en Toronto (Kanada) gekies. Stede soos Bangkok, Havana, Kaïro, Kuala Lumpur en Sevilla was ook voorgestel, maar het nie die kortlys gemaak nie.

Die stemming het as volg verloop:

Stemming vir gasheer van die Olimpiese Somerspele 2008[3]
Stad Land Rondte 1 Rondte 2
Beijing Vlag van Volksrepubliek van Sjina Sjina 44 56
Toronto Vlag van Kanada Kanada 20 22
Parys Vlag van Frankryk Frankryk 15 18
Istanboel Vlag van Turkye Turkye 17 9
Osaka Vlag van Japan Japan 6

Omstredenheid[wysig | wysig bron]

Die Olimpiese swembad met die Nasionale Stadion in die agtergrond

Die toekenning van die Spele aan China was in sommige kringe omstrede weens die land se ondemokratiese regering en swak menseregterekord. Amnestie Internasionaal het in April 2007 gemeld dat die situasie met die aanloop na die Spele vir terdoodveroordeeldes en buitelandse joernaliste verbeter het, terwyl die onderdrukking van plaaslike joernaliste en politieke aktiviste besig was om toe te neem. Die aantal mense onder huisarres en inhegtenisnames sonder regsproses het volgens Amnestie Internasionaal ook toegeneem.[4]

Uit 'n ondersoek van Play Fair 2008,[5] 'n organisasie van vakbonde en aksiegroepe, blyk dit dat daar ook probleme was met die vervaardiging van goedere soos pette, tasse en penne wat vir die geleentheid gemaak word. Kinderarbeid word op groot skaal in Sjinese fabrieke aangewend en mense word nie die helfte van die minimumloon betaal nie. Die Organisasiekomitee van die Spele het aangekondig dat hierdie bedrywighede ondersoek sal word.[6]

Van die atlete was besorg dat die lugbesoedeling wat oor die stad hang hulle prestasies nadelig kon beïnvloed. Die Beijing munisipale regering het ingestem om die besoedelingsprobleem aan te spreek en verskeie fabrieke in die omgewing is gesluit.

Seremonies[wysig | wysig bron]

Skouspel tydens die openingseremonie

Die opening- en afsluitingseremonie is in die nuwe Nasionale Stadion van Beijing gehou, waar byna 100 000 toeskouers geakkommodeer kan word. Die stadion vertoon uiterlik soos 'n voëlnes en word in die volksmond dan ook as sodanig aangedui. Die stadion is deur die argitekfirma Herzog & de Meuron ontwerp.

Die aflos met die Olimpiese fakkel is vanaf Athene, deur die Himalaja, na Beijing geneem. Die fakkel is ook deur 'n groep van 80 spesiaal opgeleide bergklimmers na die spits van Berg Everest gedra. Die voormalige Chinese gimnas, Li Ning, het die eer te beurt geval om die Olimpiese vlam aan te steek.

Die Olimpiese vlam is op 24 Augustus 2008 uitgedoof tydens die afsluitingseremonie. Guo Jinlong, die burgemeester van Beijing, het die Olimpiese vlag aan die burgemeester van Londen, Boris Johnson oorhandig, waar die 2012-spele aangebied gaan word.

Sporte[wysig | wysig bron]

28 Olimpiese sporte is tydens die Spele beoefen.

Kalender[wysig | wysig bron]

Die volgende tabel dui die Spele se daaglikse program aan. 'n Blou blokkie beteken dat wedstryde plaasgevind het, maar dat geen medaljes op die spel was nie. 'n Geel blokkie dui aan dat medaljes toegeken is, die getal dui op die aantal medaljeparades wat die dag gehou is.[7]

 OS  Openingseremonie  ●  Wedstryde  1  Wedstryde met medaljes  UG  Uitstallingsgala  SS  Sluitingseremonie
Augustus 2008 6
Wo
7
Do
8
Vr
9
Sa
10
So
11
Ma
12
Di
13
Wo
14
Do
15
Vr
16
Sa
17
So
18
Ma
19
Di
20
Wo
21
Do
22
Vr
23
Sa
24
So
Items
Olympic Rings Icon.svg Seremonies OS SS
Athletics pictogram.svg Atletiek 2 4 6 6 5 3 6 7 7 1 47
Basketball pictogram.svg Basketbal 1 1 2
Baseball pictogram.svg Bofbal 1 1
Boxing pictogram.svg Boks 4 6 11
Archery pictogram.svg Boogskiet 1 1 1 1 4
Triathlon pictogram.svg Driekamp 1 1 2
Cycling (road) pictogram.svg Fietsry 1 1 2 1 3 1 2 3 2 2 18
Synchronized swimming pictogram.svg Gesinchroniseerde swem 1 1 2
Weightlifting pictogram.svg Gewigoptel 1 2 2 2 2 2 1 1 1 1 15
Gymnastics (artistic) pictogram.svg Gimnastiek 1 1 1 1 4 4 4 UG 1 1 18
Handball pictogram.svg Handbal 1 1 2
Field hockey pictogram.svg Hokkie 1 1 2
Judo pictogram.svg Judo 2 2 2 2 2 2 2 14
Canoeing (flatwater) pictogram.svg Kanovaart 2 2 6 6 16
Modern pentathlon pictogram.svg Moderne vyfkamp 1 1 2
Badminton pictogram.svg Pluimbal 1 2 2 5
Rowing pictogram.svg Roei 7 7 14
Equestrian pictogram.svg Ruitersport 2 1 1 1 1 6
Softball pictogram.svg Sagtebal 1 1
Sailing pictogram.svg Seil 3 2 2 2 2 11
Diving pictogram.svg Sierduik 1 1 1 1 1 1 1 1 8
Fencing pictogram.svg Skermsport 1 1 1 1 2 1 1 1 1 10
Shooting pictogram.svg Skyfskiet 2 2 2 2 1 2 1 2 1 15
Football pictogram.svg Sokker 1 1 2
Wrestling pictogram.svg Stoei 2 2 3 2 2 2 2 2 18
Swimming pictogram.svg Swem 4 4 4 4 4 4 4 4 1 1 34
Taekwondo pictogram.svg Taekwondo 2 2 2 2 8
Table tennis pictogram.svg Tafeltennis 1 1 1 1 4
Tennis pictogram.svg Tennis 1 3 4
Volleyball (indoor) pictogram.svg Vlugbal 1 1 1 1 4
Water polo pictogram.svg Waterpolo 1 1 2
Totaal 0 0 0 7 14 13 19 17 15 18 27 37 18 20 11 21 21 32 12 302
Kumulatief 0 0 0 7 21 34 53 70 85 103 130 167 185 205 216 237 258 290 302
Augustus 2008 6
Wo
7
Do
8
Vr
9
Sa
10
So
11
Ma
12
Di
13
Wo
14
Do
15
Vr
16
Sa
17
So
18
Ma
19
Di
20
Wo
21
Do
22
Vr
23
Sa
24
So
Items

Deelnemende nasies[wysig | wysig bron]

Hier volg 'n alfabetiese lys van al die Nasionale Olimpiese Komitees wat deelgeneem het. Waar beskikbaar word die getal atlete per land in hakies aangedui:

Suid-Afrikaanse deelname[wysig | wysig bron]

Suid-Afrika se hokkiespan net voor die wedstryd teen die Verenigde Koninkryk op 15 Augustus 2008

Die Suid-Afrikaanse swemmer Natalie du Toit, die wenner van vyf goue medaljes by die Paralimpiese Somerspele 2004, het gekwalifiseer om aan die Spele deel te neem. Daarby word sy die eerste geamputeerde atleet wat vir die Olimpiese Spele kwalifiseer sedert Olivér Halassy in 1936.[8][9]

Die Paralimpiese atleet Oscar Pistorius is eers deur die Internasionale Atletiekfederasie verbied om aan die Olimpiese Spele deel te neem nadat 'n Duitse universiteit bevind het dat sy bioniese kunsbene hom 'n voordeel bo gewone atlete gee.[10] Die verbod is later opgehef, maar hy kon nie vir deelname kwalifiseer nie.

Suid-Afrika kon slegs 'n enkele silwer medalje tydens die Spele inpalm (Godfrey Khotso Mokoena vir verspring).

Hoogtepunte[wysig | wysig bron]

Michael Phelps spog met een van sy goue medaljes tydens die Somerspele 2008
  • Michael Phelps van die Verenigde State het agt goue medaljes tydens die Spele ingepalm, 'n wêreldrekord wat hom 'n totaal van 14 goue medaljes oor sy loopbaan besorg, meer as enige ander atleet in die geskiedenis van die Spele.
  • Usain Bolt van Jamaika kon tydens die Spele drie goue medaljes verower en drie nuwe wêreldrekorde opstel, vir die 100 m, die 200 m en die 4x100 meter vryslagaflos. Verder het die Britse baanfietsryer Chris Hoy, die Australiese swemmer Stephanie Rice en die Sjinese gimnas Zou Kai drie goue medaljes gewen.
  • Die Suid-Afikaanse atleet Godfrey Khotso Mokoena verower 'n silwer medalje in die verspring.
  • Kirsty Coventry van Zimbabwe wen een goue (200 m rugslag) en drie silwer medaljes (100 m rugslag, 200 m wisselslag en 400 m wisselslag swem).
  • Natalie du Toit behaal 'n 16de plek (uit 25 swemmers) met 'n tyd van 2uur 49.9 sekondes in die 10 km swem marathon. Haar tyd is min of meer 'n minuut en 'n half stadiger as die van die wenner, die 19-jarige Rus, Larisa Ilchenko.

Aantal medaljes[wysig | wysig bron]

Kaart van medaljes volgens lande:
Goud vertoon lande, wat ten minste een goue medalje gewen het.
Silwer vertoon lande, wat ten minste een silwer medalje gewen het.
Brons vertoon lande, wat ten minste een brons medalje gewen het.
Groen vertoon lande, wat geen medaljes gewen het nie.
Swart vertoon lande, wat nie aan die Olimpiese Somerspele 2008 deelgeneem het nie.
'n geel vierkant vertoon die gasheerstad (Beijing).
Blou sterre vertoon lande, wat hul eerste medalje tydens die Somerspele gewen het.

Hier is die top tien lande wat medaljes by die Spele verower het:

 Plek  Land  Deelnemers Goud Goud Silwer Silwer Brons Brons Totaal
1 Vlag van Volksrepubliek van Sjina Sjina (CHN) 639 51 21 28 100
2 Vlag van Verenigde State van Amerika Verenigde State (USA) 596 36 38 36 110
3 Vlag van Rusland Rusland (RUS) 467 22 21 29 72
4 Vlag van Verenigde Koninkryk Verenigde Koninkryk (GBR) 311 19 13 15 47
5 Vlag van Duitsland Duitsland (GER) 463 16 10 15 41
6 Vlag van Australië Australië (AUS) 433 14 15 17 46
7 Vlag van Suid-Korea Suid-Korea (KOR) 267 13 10 8 31
8 Vlag van Japan Japan (JPN) 351 9 6 10 25
9 Vlag van Italië Italië (ITA) 344 8 9 10 27
10 Vlag van Frankryk Frankryk (FRA) 323 7 16 18 41
71 Vlag van Suid-Afrika Suid-Afrika (RSA) 136 0 1 0 1

Sien ook[wysig | wysig bron]

Verwysings[wysig | wysig bron]

Eksterne skakels[wysig | wysig bron]


Olimpiese Spele Logo van die Olimpiese Spele

Olimpiese Somerspele: 1896  • 1900  • 1904  • 1906*  • 1908  • 1912  • 1916  • 1920  • 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1996  • 2000  • 2004  • 2008  • 2012  • 2016  • 2020  • 2024  • 2028

Olimpiese Winterspele: 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1994  • 1998  • 2002  • 2006  • 2010  • 2014  • 2018  • 2022  • 2026
Internasionale Olimpiese KomiteeNasionale Olimpiese Komitee
(*) Die spele van 1906 is deur die IOK georganiseer, maar word nie amptelik deur die IOK erken nie.