3 Julie

3 Julie is die 184ste dag van die jaar in die Gregoriaanse kalender (185ste in skrikkeljare). Daar volg nog 181 dae in die res van die jaar.

Gebeure

• 1437 – Die konsilie van Basel publiseer die “monitum” wat die magte van Pous Eugenius IV probeer beperk.
• 1478 – Giuliano della Rovere (later Pous Julius II) word biskop van Mende.
• 1608 – Samuel de Champlain stig Quebec, Kanada.
• 1747 – Pous Benedictus XIV stel Henry Benedict Mary Clement Stuart van York aan as kardinaal.
• 1826 – Bartolomeo Alberto Cappellari (later Pous Gregorius XVI) word kardinaal-priester van S. Callisto.
• 1863 – Amerikaanse Burgeroorlog: Einde van die Slag van Gettysburg en oorwinning vir die Noordelike Magte.
• 1886 – Carl Benz onderneem 'n proefrit met sy eerste motor in Mannheim.
• 1890 – Idaho word die 43ste deelstaat van die Verenigde State.
• 1919 – Achille Ratti (later Pous Pius XI) word titulêr aartsbiskop van Naupactus en nuntius in Pole.
• 1962 – Algerië word onafhanklik van Frankryk.
• 1976 – Israel red gyselaars van die vliegtuigkapers in Entebbe, Uganda.

Geboortes

• 1854 – Leoš Janáček, Tsjeggiese komponis († 1928)
• 1883 – Franz Kafka, een van die grootste fiksieskrywers van die 20ste eeu († 1924).
• 1897 – L.W. Hiemstra, Suid-Afrikaanse taalkundige († 1978).
• 1970 – Arlene Foster, Noord-Ierse politikus.
• 1976 – Bob Skinstad, Suid-Afrika se vyftigste Springbokkaptein
• 1987 – Sebastian Vettel, Duitse Formule Een-renjaer, viermalige wêreldkampioen.

Sterftes

• 683 – Pous Leo II, die 80ste pous van die Rooms-Katolieke Kerk (* 611).
• 1948 – J.F.W. Grosskopf, 'n Afrikaanse skrywer (* 1885).
• 1971 – Jim Morrison, Amerikaanse sanger, liedjieskrywer, digter en akteur (The Doors en Rick & The Ravens) (* 1943)
• 2015 – Fredi Nest, Afrikaanse sanger (* 1959).

Vakansies, vierings, en waarnemingsdae

• Feesdag van Pous Leo II in die Rooms-Katolieke Kerk.