26 November

26 November is die 330ste dag van die jaar in die Gregoriaanse kalender (331ste in skrikkeljare). Daar volg nog 35 dae in die res van die jaar.

Gebeure

• 579 – Pous Pelagius II volg Pous Benedictus I op.
• 1503 – Pous Julius II word gekroon deur kardinaal Giovanni Colonna.
• 1648 – Pous Innocentius X publiseer die bul Zelo Domus Dei waarin die Vrede van Wesfale veroordeel word.
• 1727 – Pous Benedictus XIII stel 4 nuwe kardinale aan, waaronder Diego de Astorga y Cépedes, aartsbiskop van Toledo, Spanje.
• 1753 – Pous Benedictus XIV stel 16 nuwe kardinale aan, waaronder Giuseppe Maria Feroni, titulêr aartsbiskop van Damasco.
• 1778 – Op die Hawaise Eilande word kaptein James Cook die eerste Europeër wat Maui ontdek.
• 1922 – Howard Carter en lord Carnarvon word die eerste mense in meer as 3 000 jaar wat die graf van die Egiptiese farao Toetankamen betree.
• 1950 – Slag van Chosindam: Chinese magte gaan Noord-Korea binne en begin 'n massiewe teenaanval teen Suid-Koreaanse en Amerikaanse Gewapende Magte wat 'n einde bring aan alle hoop op 'n spoedige einde aan die Korea-oorlog.
• 1975 – Riaan Cruywagen lees sy eerste Afrikaanse nuusbulletin op SAUK-televisie.
• 1975 – Die Afrikaanse digter Breyten Breytenbach word in die Pretoriase Hooggeregshof gevonnis tot nege jaar gevangenisstraf nadat hy skuld beken het op aanklagte dat hy 'n nuwe organisasie wou begin wat bedoel was om die blanke vleuel van die African National Congress te wees.
• 1992 – Pres. F.W. de Klerk stel voor dat Suid-Afrika sy eerste verkiesing waaraan die swart meerderheid mag deelneem, in die eerste helfte van 1994 hou.
• 2012 – Riaan Cruywagen lees sy laaste Afrikaanse nuusbulletin op SAUK-televisie.
• 2017 – Demi-Leigh Nel-Peters word as Mej. Heelal gekroon.

Geboortes

• 1864 − Herman Gorter, Nederlandse digter. († 1927).
• 1936 – Min Shaw, Suid-Afrikaanse sangeres.
• 1939 – Tina Turner, Amerikaanse sangeres en aktrise.
• 1954 – John Matshikiza, Suid-Afrikaanse akteur († 2008).

Sterftes

• 399 – Pous Siricius, 38ste pous van die Rooms-Katolieke Kerk (* 334).
• 1855 – Adam Mickiewicz, Pools-Litause digter (* 1798)
• 1917 – Leander Starr Jameson, gewilde Suid-Afrikaanse en Rhodesiese staatsman (* 1853).
• 1981 – Max Euwe, wêreldskaakkampioen (* 1901).
• 1991 – Karl Kielblock, Afrikaanse skrywer (* 1907).
• 2001 – Joe Modise, Suid-Afrikaanse ANC-politikus en kabinetsminster (* 1929).
• 2018 – Bernardo Bertolucci, Italiaanse rolprentregisseur en draaiboekskrywer (* 1941).

Vakansies, vierings, en waarnemingsdae

• Feesdag van Pous Siricius in die Rooms-Katolieke Kerk.