18 November

18 November is die 322ste dag van die jaar in die Gregoriaanse kalender (323ste in skrikkeljare). Daar volg nog 43 dae in die res van die jaar.

Gebeure

• 1095 – Pous Urbanus II predik die Eerste Kruistog op die konsilie van Clermont-Ferrand.
• 1105 – Maginulfo word gekroon as Teenpous Silvester IV.
• 1210 – Pous Innocentius III ekskommunikeer keiser Otto IV.
• 1302 – Pous Bonifatius VIII publiseer die bul Unam Sanctam.
• 1307 – Volgens oorlewering skiet Wilhelm Tell, 'n legendariese boogskutter in Switserland, 'n appel met 'n enkele pyl van sy kruisboog van sy seun se kop af.
• 1900 – Genl. Christiaan de Wet val ’n Britse garnisoen onder maj. G.W. Massy by Dewetsdorp aan.
• 1901 – Tweede Vryheidsoorlog: Die Britse regering publiseer 'n witskrif wat die noodsaak van konsentrasiekampe in Suid-Afrika uiteensit.
• 1905 – Prins Karel van Denemarke word Haakon VII, die eerste koning van Noorweë, nadat die persoonlike unie van Swede-Noorweë ontbind is.
• 1918 – Letland word onafhanklik van Rusland.
• 1926 – Pous Pius XI noem die Meksikaanse regering "barbaars" in sy ensikliek "Inquis Afflictisque".
• 1991 – Kroatiese Onafhanklikheidsoorlog: Ná 'n beleg van 87 dae verower Joego-Slawiese magte die Kroatiese stad Vukovar.
• 2001 – Die Afrikaanstalige Wikipedia word gestig.
• 2015 – Lucara Diamond Corporation kondig die ontdekking van die Karowe AK6-diamant van 1111 karaat aan.

Geboortes

• 1856 – Groothertog Nikolaas Nikolajewitsj van Rusland, die seun van groothertog Nikolaas Nikolajewitsj senior († 1929).
• 1876 – Johanna Brandt, Afrikaanse skrywer en spioen gedurende die Tweede Vryheidsoorlog († 1964).
• 1914 – Bettie Cilliers-Barnard, Suid-Afrikaanse skilder († 2010).
• 1925 – Yvonne Bryceland, Suid-Afrikaanse aktrise in Londen († 1992).
• 1935 – Abie Malan, Suid-Afrika se dertigste Springbokkaptein († 2014).
• 1935 – Andries Cornelius, Afrikaanse radio-omroeper en skrywer († 1993).
• 1953 – Lana Marks, Amerikaanse diplomaat
• 1959 – Christine Barkhuizen le Roux, Afrikaanse digter en skryfster van kortverhale en romans († 2020).
• 1979 – Einar Selvik, Noorweegse musikant

Sterftes

• 1720 – Calico Jack, Engelse seerower wat in die vroeë 18de eeu in die Bahamas en Kuba werksaam was (* 1682).
• 1842 – Jules Dumont d’Urville, Franse ontdekkingsreisiger (* 1790).
• 1886 – Chester A. Arthur, die een-en-twintigste President van die Verenigde State (* 1829).
• 1962 – Niels Bohr, Deense fisikus, Nobelpryswenner (* 1885).
• 2015 – Jonah Lomu, Nieu-Seelandse rugbyspeler (* 1975).
• 2015 – John Gainsford, Springbokrugbyspeler (* 1938).
• 2020 – Christine Barkhuizen le Roux, Afrikaanse digter en skryfster van kortverhale en romans (* 1959).