Titanestryd

in Wikipedia, die vrye ensiklopedie
Spring na: navigasie, soek
Die Titanestryd

Die Titanestryd is ’n verhaal uit die Griekse mitologie wat handel oor die oorlog tussen die Titaniese en Olimpiese gode.

Agtergrond[wysig]

Kronos was die leier van die tweede Griekse goderyk die Titane nadat hy sy pa, Uranos, die lug, ontman het op versoek van sy ma, Gaia, die aarde. Uranos het hom die gramskap van Gaia op die hals gehaal toe hy haar reusagtige jongste kinders, die honderdhandiges en die siklope, in Tartaros wegsteek. Toe Kronos sy pa se bewind oorneem en weer die honderdhandiges en siklope in Tartaros toesluit, het Uranos voorspel dat Kronos se bewind ook deur sy eie kind omvergewerp sou word.

Nadat Kronos die gode Demeter, Hera, Hades, Hestia en Poseidon by sy vrou, Rhea, verwek het, het hy hulle net ná hul geboorte ingesluk om sy pa se voorspelling te voorkom. Toe die sesde kind, Zeus, gebore word, het Rhea vir Kronos ’n klip, in klere toegedraai, gegee en hy het dit ingesluk. Rhea het Zeus toe in Kreta weggesteek, waar hy grootgeword het.

Die oorlog[wysig]

Toe Zeus ’n volwasse man was, het hy Kronos gedwing om die klip en sy broers en susters in omgekeerde volgorde op te bring. In ’n dekade lange oorlog het Zeus en sy broers Kronos se bewind omvergewerp met die hulp van die honderdhandiges en siklope wat Zeus weer vrygelaat het. Die meeste Titane is daarna in Tartaros gevange gehou. Van hulle, soos die tweeling Prometheus en Epimetheus, het nie aan die Titanestryd deelgeneem nie en is nie gestraf nie. Zeus het Atlas, wat aan die Titane se kant was, gestraf deur hom op die aarde (Gaia) te laat staan terwyl hy die hemelruim (Uranos) op sy skouers dra om dié twee oergode uitmekaar te hou.

Gaia was ongelukkig oor Zeus se behandeling van haar kinders en het hom ook die stryd aangesê, maar ook haar pogings het misluk.

Die uitdrukking titanestryd of titaniese stryd word vandag nog in Afrikaans gebruik vir 'n groot stryd of gesukkel.

Verwysings[wysig]

Hierdie artikel is merendeels vertaal vanaf die Nederlandse Wikipedia-artikel [1]
Gode, helde en ander wesens in die Griekse mitologie
Oergode  AitherChaosChronosErebosGaiaHemeraNyxPontosTartarosUranos
Titane  Eerste geslag:  HyperionIapetosKoiosKriosKronosMnemosyneOkeanosPhoibeRheaTethysTheiaThemis Tweede geslag:  AsteriaAtlasEosEpimetheusHeliosLetoMenoitiosPrometheusSelene
Olimpiese gode  AfroditeApolloAtenaAresArtemisDemeterDionysosHephaistosHeraHermesPoseidonZeus • (Hestia)
Ander gode  AdonisAlpheiosAsklepiosErosHadesHebeHeraklesPanPersephone
Halfgode & helde  AchillesAntiopeDaidalosGanymedesIkarosJasonOedipusPeleusPenelopePerseusSisyphosTantalosTheseus
Ander wesens  AmasonesChtoniese godeEriniërsGiganteGorgoneGrasieëHonderdhandigesMinotourusMusesNimfeSatersSentoureSiklopeSkikgodinne