10 Februarie

10 Februarie is die 41de dag van die jaar in die Gregoriaanse kalender. Daar volg nog 324 dae in die res van die jaar (325 in skrikkeljare).

Gebeure

• 385 – Datum van die oudste pouslike dekreet wat behoue gebly het; geskryf deur Pous Siricius.
• 1258 – Hulagu Khan en die Mongole plunder Baghdad, en beëindig daarmee die heerskappy van die Abbasid-kalifaat.
• 1478 – Pous Sixtus IV stel ′n sesde familielid Domenico della Rovere aan as kardinaal.
• 1763 – Brittanje en Spanje verdeel Nieu-Frankryk by die Verdrag van Parys, en dien ′n groot slag toe aan die Franse koloniale ryk.
• 1798 – Die Franse generaal Berthier neem Pous Pius VI gevange.
• 1821 – Annibale Sermattei della Genga (later Pous Leo XII) word aartspriester van die basiliek S. Maria Maggiore.
• 1840 – Prins Albert van Sakse-Coburg-Gotha trou met Koningin Victoria van die Verenigde Koninkryk.
• 1901 – Genl. Christiaan de Wet val die Kaapkolonie by Zanddrif naby Philippolis binne tydens die Tweede Vryheidsoorlog.
• 1962 – "Rudolf Abel,″ ′n Sowjet-spioen wat deur die FBI gearresteer is, word geruil vir Gary Powers, die vlieënier van 'n Amerikaanse lugmagverkenningsvliegtuig wat in die U-2-voorval afgeskiet is.
• 1996 – Deep Blue, die skaakspelende rekenaar verslaan die Internasionale Grootmeester en Wêreldskaakkampioen Garry Kasparov vir die eerste keer in 'n skaakpot.

Geboortes

• 1881 – Kenneth McArthur, Suid-Afrikaanse marathonatleet († 1960).
• 1965 – Dana Winner, Belgiese sangeres.
• 1969 – Jan Kees de Jager, Nederlandse politikus.

Sterftes

• 1829 – Pous Leo XII.
• 1923 – Wilhelm Röntgen, Duitse fisikus (* 1845).
• 1939 – Pous Pius XI.
• 1999 – Anna Cloete, Suid-Afrikaanse aktrise (* c. 1917).