8 Februarie

8 Februarie is die 39ste dag van die jaar in die Gregoriaanse kalender. Daar volg nog 326 dae in die res van die jaar (327 in skrikkeljare).

Gebeure

• 419 – Keiser Honorius belê ’n sinode in Ravenna.
• 1475 – Pous Sixtus IV stel die groot aflaat van Chaumont in.
• 1587 – Koningin Mary I van Skotland word tereggestel by Fotheringhaykasteel onder verdenking daarvan dat sy betrokke was by die Babington Sameswering om haar niggie Koningin Elizabeth I van Engeland te vermoor.
• 1730 – Pous Benedictus XIII stel Alamanno Salviati, apostoliese protonotarius aan as kardinaal.
• 1881 – Die Slag van Ingogo in die Eerste Vryheidsoorlog vind plaas. Boere onder kommandant Nicolaas Smith verslaan luitenant-kolonel Ashburnham.
• 1904 – Die Russies-Japanse Oorlog begin met ’n verrassingstorpedoaanval deur die Japannese op Russiese skepe naby hedendaagse Lüshunkou, Sjina.
• 1971 – Handel begin op NASDAQ, die wêreld se eerste elektroniese effektebeurs.
• 1979 – Kolonel Denis Sassou-Nguesso word verkies as die nuwe President van die Volksrepubliek van Kongo.

Geboortes

• 412 – Proclus, Griekse filosoof en wiskundige († 485).
• 1828 – Jules Verne, Franse skrywer († 1905).
• 1834 – Dmitri Mendelejef, Russiese chemikus († 1907).
• 1942 – Tommy Bedford, Suid-Afrika se drie-en-dertigste Springbokkaptein.

Sterftes

• 1676 – Aleksei van Rusland (* 1629).
• 1725 – Tsaar Pieter die Grote van Rusland (* 1627).
• 1849 – France Prešeren, Sloweense digter (* 1800).
• 1884 – Cetshwayo, koning van die Zoeloes (* c. 1826).
• 1904 – Stephanus Postma, Suid-Afrikaanse teoloog en predikant (* 1865).
• 1921 – Pjotr Kropotkin, Russiese dierkundige, geograaf en filoloog (* 1842).
• 2012 – B.P.J. Erasmus, Suid-Afrikaanse skrywer (* 1931).
• 2013 – Jan Ellis, Suid-Afrikaanse rugbyspeler (* 1942).