11 Februarie

11 Februarie is die 42ste dag van die jaar in die Gregoriaanse kalender. Daar volg nog 323 dae in die res van die jaar (324 in skrikkeljare).

Gebeure

• 731 – Pous Gregorius III verkies; eers op 18 Maart in die amp bevestig.
• 1160 – Die sinode van Pavia bevestig die verkiesing van Teenpous Victor IV.
• 1588 – Pous Sixtus V stig die 15 kongregasies (staatsdepartemente) van die Kurie.
• 1873 – Koning Amadeo I van Spanje abdikeer, verklaar by die Cortes Generales dat die Spanjaarde “onregeerbaar” is, en verlaat die land.
• 1919 – Friedrich Ebert word die eerste Reichspräsident van die Weimar Republiek.
• 1929 – Die eerste Lateraanse verdrag, wat die Vatikaanstad as ’n onafhanklike soewereine enklave binne Italië vestig, word onderteken.
• 1963 – Die Beatles begin hulle eerste album, Please Please Me opneem.
• 1979 – Ayatollah Ruhollah Khomeini neem die bewind in Iran oor en word uiteindelik die Opperleier van die Islamietiese republiek.
• 1990 – Nelson Mandela word uit die Victor-Verster gevangenis in die Paarl buite Kaapstad vrygelaat.

Geboortes

• 1535 – Niccolò Sfondrati (later Pous Gregorius XIV) († 1591).
• 1847 – Thomas Edison, Amerikaanse uitvinder († 1931).
• 1896 – Jeremy Schulman, Suid-Afrikaanse violis en dirigent († 1969).

Sterftes

• 641 – Heraclius, keiser van Bisantium (* 575).
• 731 – Pous Gregorius II (* 669).
• 824 – Pous Paschalis I.
• 1984 – Phil Nel, Suid-Afrika se agttiende Springbokkaptein (* 1902).
• 2012 – Whitney Houston, Amerikaanse sangeres (* 1963).

Vakansie-, vierings- en waarnemingsdae

• Feesdag van Pous Paschalis I in die Rooms-Katolieke Kerk.