20 Februarie

20 Februarie is die 51ste dag van die jaar in die Gregoriaanse kalender. Daar volg nog 314 dae in die res van die jaar (315 in skrikkeljare).

Gebeure

• 1193 – Pous Celestinus III benoem Cencio Savelli (later Pous Honorius III) as kardinaal-diaken van St. Lucia in Sisilië.
• 1472 – Jakobus III van Skotland annekseer die Orkney- en Shetlandeilande van Denemarke-Noorweë.
• 1751 – Pous Benedictus XIV publiseer “Elapso poxime anno” oor kettery en asiel.
• 1810 – Sluipmoord op Andreas Hofer, ’n Tiroolse patriot en leier van ’n opstand teen Napoleon se troepe.
• 1878 – Pous Leo XIII volg Pous Pius IX op as pous van die Rooms Katolieke Kerk.
• 1913 – Koning O'Malley slaan die eerste paal om die aanvang van die bou van Canberra aan te dui.
• 1959 – Die supersoniese stralerprogram, Avro Arrow, in Kanada word tot niet gemaak deur die regering van John George Diefenbaker
• 1965 – Die ruimtetuig Ranger 8 versend met sukses 7 137 prente van die maan in die laaste 23 minute van sy sending voordat hy in Mare Tranquillitatis neerstort.

Geboortes

• 1971 – Joost van der Westhuizen, Suid-Afrika se agt-en-veertigste Springbokkaptein

Sterftes

• 743 – Eucherius, Waalse monnik en biskop (* c. 687)
• 1431 – Pous Martinus V (* c. 1368)
• 1950 – Duggie Morkel, Suid-Afrika se tiende Springbokkaptein (* 1885).
• 2005 – Dalene Matthee, Afrikaanse skryfster (* 1938)

Vakansies, vierings en waarnemingsdae

• Feesdag van Pous Agato in die Ortodokse Kerk.