Messias

in Wikipedia, die vrye ensiklopedie
(Aangestuur vanaf Christus)
Spring na: navigasie, soek

Messias (Hebreeus: מָשִׁיחַ Modern: Mašíaḥ Tiberies: Māšîªḥ); in moderne Joodse geskifte in Engels soms Moshiach gespel; dit beteken letterlik "gesalfde (een)".

In Joodse messiaanse tradisie en eskatologie, verwys messias na 'n toekomstige koning van Israel uit die Huis van Dawid, wat oor die verenigde stamme van Israel [1] sal regeer en 'n messiaanse era[2] van globale vrede sal inhuldig. In standaard Hebreeus, word daar dikwels verwys na Die Messias as מלך המשיח, Méleḫ ha-Mašíaḥ, wat letterlik "die Gesalfde Koning" beteken.

Christene glo dat die profesieë in die Hebreeuse Bybel na 'n geestelike verlosser verwys, waarvan sommige in die boek van Jesaja gevind kan word: Jesaja 7:14 - "Daarom sal die Here self aan julle 'n teken gee: Kyk, die maagd sal swanger word en ‘n seun baar en hom Immánuel noem." en Jesaja 53:5 - "Maar Hy is ter wille van ons oortredinge deurboor, ter wille van ons ongeregtighede is Hy verbrysel; die straf wat vir ons die vrede aanbring, was op Hom, en deur sy wonde het daar vir ons genesing gekom."

Christene glo dat Jesus die messias (Christus) is. Die Septuagint (Griekse vertaling van die Ou Testament) vertaal al nege-en-dertig voorkomste van die Hebreeuse gesalfde (Mashiach) as Christos (Χριστός).[3] Die Griekse transliterasie van messias (Μεσσίας), kom twee keer in die Nuwe Testament voor in Johannes 1:41 en Johannes 4:25.

In Islam word Isa (Jesus) ook die messias (Mahdi) genoem, maar soos in Judaïsme word hy nie as die letterlike fisiese seun van God of God die seun beskou nie.

Verwysings[wysig]

  1. Megillah 17b-18a, Taanit 8b
  2. Sotah 9a
  3. Etymology Online