Efese

in Wikipedia, die vrye ensiklopedie
Spring na: navigasie, soek
Curetesstraat in Efese, wat na die Celsus-biblioteek lei.

Efese (Antieke Grieks: Ἔφεσος; Turks: Efes) was ’n antieke Griekse stad aan die weskus van Anatolië, naby die huidige Selçuk in Turkye. In die Romeinse tyd was dit baie jare lank die tweede grootste stad van die Romeinse Ryk.[1][2] Dit het in die eerste eeu v.C. sowat 250 000 inwoners gehad, wat dit ook die tweede grootste stad ter wêreld gemaak het.[2]

'n Uitbeelding van Nike in Efese (nou in Turkye).

Die stad was onder andere bekend vir sy Tempel van Artemis (omstreeks 550 v.C. voltooi), wat een van die wonders van die antieke wêreld was. Die tempel is in 401 n.C. verwoes.[3] Keiser Konstantyn die Grote het ’n groot deel van die stad laat herbou en nuwe openbare baddens opgerig. Die stad is weer in 614 gedeeltelik deur ’n aardbewing verwoes.

Efese was een van die sewe gemeentes wat in Openbaring genoem word (Openbaring 1:11). Die ruïnes lê vandag 3 km suidwes van die dorp Selçuk in Turkye en is ’n gewilde toeriste-attraksie. Paulus het ook 'n brief aan die gemeente geskryf.

Belangrikste geboue[wysig]

Die graftome van die apostel Johannes by die Sint Johannes-basilika.
Die huis buite die stad waar die Maagd Maria glo gebly het.

Efese het die grootste versameling Romeinse ruïnes in die Oos-Mediterreense gebied. Net sowat 15% is opgegrawe. Van die belangrikste geboue sluit in:

  • Die teater oorheers die toneel vanaf Hawestraat. Met plek vir 44 000 mense was dit een van die grootste buitelugteaters van die antieke wêreld.[4]

Verwysings[wysig]

  1. Quezi: Ephesus
  2. 2,0 2,1 Oklahoma Christian University: Ephesus
  3. John Freely, The Western Shores of Turkey: Discovering the Aegean and Mediterranean Coasts, 2004, bl. 148.
  4. accessed 21 September 2007”. Biblestudy.org. URL besoek op 2009-04-20.

Eksterne skakels[wysig]

Commons-logo.svg
Wikimedia Commons het meer media verwant aan:
Efese (kategorie)


Crystal txt.png
Hierdie artikel is vertaal vanuit die Engelse Wikipedia