Noord-Carolina

Deelstaat van Noord-Carolina
Vlag van Noord-Carolina Seël
Bynaam(e): Tar Heel State, Old North State
Amptelike taal(e)	Engels
Gesproke taal(e)	Engels en Spaans
Hoofstad	Raleigh
Grootste stad	Charlotte
Area	28ste in die V.S.
- Totaal	139 509 km2
- Wydte	340 km
- Lengte	900 km
- Water	13 222 km2
- % water	9,5 %
- Breedtegraad	33° 50′ N tot 36° 35′ N
- Lengtegraad	75° 28′ W tot 84° 19′ W
Bevolking	10de in die V.S.
- Totaal	9 585 483
- Digtheid	68,71/km2 17de in die V.S.
Hoogte
- Hoogste punt	Mount Mitchell 2 038 m
- Gemiddeld	215 m
- Laagste punt	Atlantiese Oseaan seevlak
Toetrede tot die Unie	21 November 1789 (12de)
Goewerneur	Pat McCrory (R)
Luitenant-Goewerneur	Dan Forest (R)
Wetgewer	Noord-Carolina Algemene Vergadering
- Hoërhuis	Senaat
- Laerhuis	Huis van Verteenwoordigers
V.S. Senatore	Richard Burr (R) Kay Hagan (D)
Afkortings	NC US-NC
Webblad	www.nc.gov

Noord-Carolina (Engels: State of North Carolina) is 'n deelstaat in die suidooste van die Verenigde State van Amerika. Dit was een van die oorspronklike dertien deelstate. Die hoofstad is Raleigh en die grootste stad is Charlotte.

Noord-Carolina het 'n bevolking van sowat 9,6 miljoen en 'n oppervlakte van 139 509 vierkante kilometer. Noord-Carolina word in die noorde deur Virginië, in die suide deur Suid-Carolina en Georgia en in die weste deur Tennessee begrens. In die ooste lê die Atlantiese Oseaan. Die eerste Engelse nedersetting het in die sestiende eeu op Roanoke Island ontstaan. Noord-Carolina is die deelstaat met die grootste indigene bevolking oos van die Mississippirivier.

Noord-Carolina se byname is Tar Heel State en Old North State. Die staat het oorspronklik bekend gestaan vir sy houtprodukte soos terpentyn en teer, maar die groot bosse het in die 19de eeu verdwyn om plek te maak vir tabak en katoen.

Die Blue Ridge Gebergte

Charlotte gedurende die nag