OR Tambo Internasionale Lughawe
Die OR Tambo Internasionale Lughawe (IATA: JNB, ICAO: FAJS) is 'n groot lughawe naby Johannesburg, Gauteng, Suid-Afrika en is die belangrikste lughawe vir binnelandse en buitelandse vlugte in Suid-Afrika.
Inhoud |
Posisie in die Wêreld [wysig]
Die lughawe is die grootste op die vasteland van Afrika, en het in 2007 tot 19 440 000 reisigers hanteer. In 1996 het Johannesburg se lughawe dié van die Egiptiese hoofstad Kaïro as die besigste op die Afrika-vasteland verbygesteek en is nou een van die eenhonderd besigste lughawens ter wêreld. Daar word verwag dat dit in die jaar 2010 meer as 21 miljoen passasiers sal hanteer.
Suid-Afrikaanse Lugdiens [wysig]
Die lughawe is die hooflughawe van die nasionale lugvaartmaatskappy SAL (Suid-Afrikaanse Lugdiens) en 'n aantal kleiner nasionale maatskappye. Die lughawe is in 1952 as "Jan Smuts-lughawe" naby Kemptonpark aan die Oos-Rand gestig en was in die 1970's 'n toetslughawe vir die Frans-Britse supersoniese Concorde-vliegtuig. Tussen 1994 en 2006 staan dit as die Internasionale Lughawe van Johannesburg bekend. Dit word 27 Oktober 2006 na die anti-apartheid aktivis en en stigterslid van die ANC Jeugliga Oliver Tambo herdoop.
ACSA [wysig]
Die lughawe word beheer deur ACSA (Airports Company South Africa). ACSA het verskeie opgraderings projekte van stapel gestuur om vir die groeiende getal passasiers voorsiening te kan maak; ondere andere 'n nuwe binnelandse terminaal, opgradering vir die Airbus 380 vliegtuig en baie meer parkering.
Gautrein [wysig]
Die lughawe is ook 'n eindpunt vir Gautrein, alreeds vanaf 2010.
