Kemptonpark

Kemptonpark
Kemptonpark
Koördinate: 26°6′0″S 28°14′0″O
Land	Suid-Afrika
Provinsie	Gauteng
Metropolitaanse Munisipaliteit	Ekurhuleni
Stigting	1903
Bevolking
- Stad	117 000
Tydsone	SAST (UTC+2)

Airways Park, die hoofkantoor van die Suid-Afrikaanse Lugdiens

Kemptonpark is 'n stad aan die Oos-Rand van Gauteng.

Geskiedenis

Dit is in 1903 gestig toe Karl Wolff 'n gedeelte van die plaas Zuurfontein verdeel het in standplase en dit vernoem het na Kempten, sy geboortestad in Beiere, Duitsland. Dit is noordoos van Johannesburg en suid van Pretoria geleë. Dit het in 1992 stadstatus verkry.

Infrastruktuur

O.R. Tambo Internasionale Lughawe

Die lughawe Jan Smuts is in 1952 geopen op grond aan die suidekant van die dorp. Die lughawe se naam is in die laat 1990's verander na Johannesburg Internasionale Lughawe en toe in 2006 weer na O.R. Tambo Internasionale Lughawe.

Gautrein

Daar is 'n terminaal van Gautrein by die lughawe.

Paaie

Die R21 en R24 snelweë verbind die stad met die N1, N3, N12, N14 en N17 nasionale paaie.

Skole

Die stad spog met vyf groot hoërskole, naamlik Hoërskool Jeugland, Hoërskool Kemptonpark, Hoërskool Birchleigh, Norkem Park High en Sir Pierre van Ryneveld.

Bestuur

Kempton Park is sedert 2000 deel van die Ekurhuleni Metropolitaanse Munisipaliteit. Die woonbuurte wat val onder Kemptonpark sluit in: Birchleigh, Birchleigh-Noord, Kemptonpark-Wes, Edleen, Van Riebeeckpark, Glen Marais, Allen Grove, Nimrodpark, Rhodesfield, Bonaero Park, Terenure, Esther Park, Norkem Park, Aston Manor, Croydon en Spartan. Laasgenoemde is 'n uitgebreide industriële gebied. Tembisa is 'n groot tradisioneel swart woonbuurt wat ook deel vorm van die stad.

Gebore

• Ryan Cox (1979-2007), fietsryer.

Sien ook

• Lys van dorpe in Suid-Afrika