Pulsar
’n Pulsar in sterrekunde is ’n digte, vinnig draaiende neutronster wat elektromagnetiese straling uitstuur. Dié straling word op die Aarde waargeneem in die vorm van vinnige pulse. Die naam pulsar kom van "pulserende radiobron" (pulsating radio-source).
Inhoud |
Ontdekking [wysig]
Die eerste bekende pulsar is in Augustus 1967 deur Jocelyn Bell en haar mentor, Antony Hewish, ontdek. Dit het ’n pulsperiode van 1,3 sekondes gehad.[1] Sedertdien is ook vinniger pulserende neutronsterre waargeneem, tot met periodes van millisekondes.
Ontstaan en eienskappe [wysig]
’n Pulsar is die eindstadium van ’n ster met ’n massa van sowat 10 sonmassas en ontstaan uit ’n tipe II, Ia of Ib-supernova. Laasgenoemde gebeur wanneer die hidrostatiese ewewig van ’n ster uit balans raak en die kern onder sy eie swaartekrag inplof. Omdat die ster nou baie kleiner is, maar sy draaimomentum en magnetiese veld behou, word die draaisnelheid baie verhoog en die magnetiese veld versterk.
Onder invloed van die draaiende magnetiese veld word ’n elektriese veld opgewek wat meebring dat die ster by sy twee pole elektromagnetiese straalstrome uitstuur. Wanneer een van die draaiende ster se pole na die Aarde wys, word die stroom waargeneem as ’n elektromagnetiese puls, net soos ’n vuurtoring se lig wat net waargeneem word wanneer die lig direk na die waarnemer wys. Dié pulse het ’n baie stabiele periode van tussen 1,4 millisekondes en 8,5 sekondes.
’n Tipiese pulsar het ’n straal van 10 km en ’n massa van sowat 1,4 sonsmassas.
Verwysings [wysig]
- ↑ (en) Richard Webb - Cosmic lighthouses. New Scientist, 20 Maart 2010, ble. 30-33
Eksterne skakels [wysig]
- "Hoe om ’n pulsar se ouderdom te bepaal, Science News
- Animasie van ’n pulsar, Einstein.com
- Die ontdekking van pulsars, BBC
- Audio: Cain/Gay – Astronomy Cast. Pulsars
Wikimedia Commons het meer media verwant aan: Pulsar
Hierdie artikel is vertaal uit die Nederlandse Wikipedia
| Soorte sterre en sterregroepe | |||||||||
|
|||||||||
