Hoofreeks

'n Hertzsprung-Russell-diagram. Die hoofreeks is duidelik sigbaar as die breë band wat diagonaal van bo links na regs onder loop.

Die hoofreeks is 'n strook of band in die Hertzsprung-Russell-diagram waarin die sterre voorkom wat hulle energie ontleen aan die fusie van waterstof tot helium in hulle kern. In die hoofreeks is daar 'n duidelike verband tussen die massa van 'n ster, sy effektiewe temperatuur en sy ligsterkte. Swaar hoofreekssterre is warmer en brand helderder, terwyl ligte sterre koeler en dowwer is. Ons son is 'n geel dwerg en 'n hoofreeksster van medium grootte.

Wit dwerge en rooi reuse val buite die hoofreeks.