Rudolf Straeuli
|
|||||
| Volle naam | Rudolph August Wilkens Straeuli | ||||
| Geboortedatum | 20 September 1963 | ||||
| Geboorteplek | Pretoria, Suid-Afrika | ||||
| Lengte | 1,9 m | ||||
| Gewig | 109,8 kg | ||||
| Bynaam | Rudi | ||||
| Rugbyloopbaan | |||||
|---|---|---|---|---|---|
| Posisie(s) | Flank Agsteman |
||||
| Professionele klubs | |||||
| Wanderers RVK | |||||
| korrek op . | |||||
| Provinsiale/Staatspanne | |||||
| 1994-1996 | Transvaal | ||||
| korrek op . | |||||
| Super Rugby | Wedst | (pte) | |||
| 1996 | Transvaal | () | |||
| korrek op . | |||||
| Nasionale span(ne) | Wedst | (pte) | |||
| 1994-1995 |  Suid-Afrika |
10 | (20) | ||
| korrek op . | |||||
| Spanne afgerig | |||||
| Junie 2002 - November 2003 | Suid-Afrika |
||||
| korrek op . | |||||
| Ander Inligting | |||||
| Skool | Hoërskool Menlopark | ||||
| Universiteit | Universiteit van Pretoria | ||||
Rudolph August Wilkens Straeuli (gebore 20 Augustus 1963 in Pretoria, Suid-Afrika) is 'n rugbyspeler wat in die posisies van flank en agsteman vir die Springbokke gespeel het. Hy het later dieselfde Springbokspan afgerig. Hy het ook vir die Leeus gespeel in die Curriebeker-kompetisie.
Loopbaan as rugbyspeler[wysig]
Straeuli het op 9 Julie 1994 sy debuut vir Suid-Afrika gemaak teen die All Blacks waartydens hy 'n drie gedruk het. Hy het in 10 toetse in totaal gespeel, insluitend in die 1995 Rugby Wêreldbeker. Sy rugbyloopbaan (as speler) eindig op 18 November 1995 teen Engeland op die Twickenham-stadion.
Loopbaan as afrigter[wysig]
Straeuli het nie soveel opslae gemaak as rugbyspeler nie, maar was berug as springbokafrigter. Nadat Harry Viljoen, die vorige afrigter, slegs 53% van sy wedskryde kon wen, was Straeuli deur baie beskou as die persoon wat Suid-Afrika se rugby kon regruk, en is op 1 Maart 2002 aangestel as afrigter.
Aan die begin het dinge goed verloop vir Straeuli en hy het sy eerste vier wedstryde gewen met oorwinings oor Walles, 'n 20 punt oorwinning oor Argentinië en 'n oorweldigende 60–18 oorwinning oor Samoa. Maar toe die Springbokke die wêreld se top tien spanne moes aandurf, het dinge ernstig begin skeefloop vir Straueli.
Onder Straeuli het die Springbokke 'n laagtepunt bereik in wêreldbekerrugby met rekordnederlae teen verskeie lande, insluitend:
- 30–10 teen Frankryk op die Stade Vélodrome, Marseille
- 21–6 teen Skotland op Murrayfield, Edinburgh
- 53–3 teen Engeland op Twickenham, London
- 52–16 teen Nieu-Seeland op Loftus Versfeld, Pretoria
Deur al die nederlae was Straeuli se kommentaar aan die publiek dat hy nog aan sy span bou, en dat mense hom nie op sy 2003 Rugby Wêreldbeker prestasie moet oordeel nie. Maar, toe Suid-Afrika vir die eerste keer ooit in 'n wêreldbekertoernooi nie die kwarteindstryd haal nie, is hy verplig om te bedank nadat inligting oor sy berugte Kamp Staaldraad oefenkamp bekend geword het.
Ter opsomming, Straeuli rig tydens 23 toetse af, maar wen slegs 52% van hulle, 'n slegter rekord as sy voorganger. Dit maak hom die springbokafrigter met die slegste wenrekord ooit in Suid-Afrikaanse geskiedenis, en hy wen slegs twee van sy 17 wedstryde teen die top-ses spanne in die wêreld.
Eksterne skakels[wysig]
- Rudolf Straeuli se rekord as afrigter
- Rudolph Straeuli by www.genslin.us/bokke
| Voorafgegaan deur: Harry Viljoen |
Springbokafrigters 2002 - 2003 |
Opgevolg deur: Jake White |
