Victor Matfield
|
|||||
 |
|||||
| Volle naam | Victor Matfield | ||||
| Geboortedatum | 11 Mei 1977 | ||||
| Geboorteplek | Pietersburg, Suid-Afrika | ||||
| Lengte | 2,00 m | ||||
| Gewig | 108 kg | ||||
| Rugbyloopbaan | |||||
|---|---|---|---|---|---|
| Posisie(s) | Slot | ||||
| Professionele klubs | Wedst | (pte) | |||
| 2007-2008 |  FRA Toulon |
15 | (5) | ||
| korrek op 30 November 2011. | |||||
| Provinsiale/Staatspanne | |||||
| 1998 1999-2000 2001-2011 |
Blou Bulle Griekwas Blou Bulle |
? ? 19 |
? ? (15) |
||
| korrek op 30 November 2012. | |||||
| Super Rugby | |||||
| 1999-2000 2001-2011 |
Cats Bulls |
8 124 |
(0) (40) |
||
| korrek op 30 November 2012. | |||||
| Nasionale span(ne) | |||||
| 2001-2011 |  Suid-Afrika |
110 | (35) | ||
| korrek op 26 November 2011. | |||||
| Ander Inligting | |||||
| Beroep | Professionele Rugbyspeler | ||||
| Skool | Pietersburg Hoërskool | ||||
| Universiteit | Universiteit van Pretoria | ||||
| Eggenote | Monja | ||||
| Kinders | 2 dogters, Jaime en Giselle | ||||
Victor Matfield (gebore 11 Mei 1977, Pietersburg) is 'n Suid-Afrikaanse rugbyspeler wat vir die Springbokke, die Bulls (Super 14) en die Blou Bulle (Curriebeker) gespeel het tot sy uittrede in 2011. Hy het ook voorheen vir die Griekwas en die Cats gespeel. Hy is Suid-Afrika se 52ste Springbokkaptein en was kaptein in sewentien toetse.
Inhoud |
Victor as jongmens [wysig]
Victor is in Pietersburg gebore; sy ouers is Fai en Hettie Matfield en hy het ook 'n suster, Trudie. Beide sy ouers was onderwysers. Hy het in 'n sporthuis grootgeword en het tennis, rugby, gholf en krieket gespeel. Hy was in Laerskool Pietersburg-Noord, waar hy in graad 7 hoofseun was, en het in 1995 aan die Hoërskool Pietersburg gematrikuleer met drie onderskeidings. Hy word in 1993/4/5 vir die Verre-Noord provinsiale krieketspan gekies en in 1994/5 vir die rugbyspan.
Sy onder-21-dae [wysig]
Na matriek aanvaar hy in 1996 ‘n kontrak van die Blou Bulle en studeer aan die Universiteit van Pretoria. Na sy eerste wedstryd vir Boekenhoutkoshuis se onder-21-span word hy opgeroep om vir Tukkies se onder-21-span uit te draf. In dieselfde jaar word hy vir die Blou Bulle se onder-21-span gekies vir wie hy drie jaar lank speel. In 1997 haal hy die Suid-Afrikaanse onder-21-span en neem deel aan die Suidelike Halfrond onder-21-kampioenskap in Australië. In 1998 speel hy sewe keer vir die Blou Bulle se senior span in die Vodacombeker-reeks. Aan die einde van die seisoen aanvaar hy ‘n kontrak by Griekwas en verhuis na Kimberley.
Griekwas [wysig]
Hy verteenwoordig Griekwas in die Vodacombeker-reeks en Curriebeker-reeks in 1999 en maak ook op 21-jarige ouderdom sy buiging vir die Cats (nou die Lions) in die Super 12-reeks. In 2000 speel Victor steeds vir die Griekwas in die twee reekse en verteenwoordig weer die Cats in die Super 12. Hy word gekies vir die Suid-Afrikaanse onder-23-span wat aan 'n Afrika-reeks deelneem. Hy voer ook die Griekwas aan in 'n voorwedstryd teen die SA Barbarians-span op Ellispark waar die Springbokke en die All Blacks kragte meet. Aan die einde van 2000 aanvaar hy weereens 'n aanbod van die Blou Bulle en keer terug na Pretoria.
Springbokloopbaan [wysig]
Aan die einde van 2000 word Victor gekies vir die Springbok toergroep na Argentinië en Brittanje. Hy speel egter slegs vir die weekspan. Op 30 Junie 2001 speel hy in sy eerste toets teen Italië. Hy het al sy toetse as slot gespeel.
| Jaar | Toetse | As Kaptein | Toetsdrieë | Ander Hoogtepunte |
|---|---|---|---|---|
| 2001 | 8 | 0 | 1 | |
| 2002 | 5 | 0 | 2 | |
| 2003 | 11 | 0 | 1 | |
| 2004 | 10 | 0 | 1 | Drienasiekampioen |
| 2005 | 11 | 0 | 0 | |
| 2006 | 9 | 0 | 0 | |
| 2007 | 13 | 3 | 0 | Wêreldkampioen |
| 2008 | 13 | 7 | 0 | |
| 2009 | 12 | 0 | 1 | Drienasiekampioen |
| 2010 | 13 | 5 | 1 | |
| 2011 | 5 | 2 | 0 | |
| Totaal | 110 | 17 | 7 |
Twee toetse was gelykop en agt-en-dertig keer was hy aan die verloorkant.
Op 26 November 2011 maak hy sy laaste internasionale rugby verskyning toe hy die Britse Barbarians aanvoer teen die Wallabies.
Ander hoogtepunte en pryse [wysig]
Hy was ook deel van die Bulls spanne wat die Super 14 trofee in 2007, 2009 en 2010 verower het.
Hy was ook deel van die Blou Bul-span wat drie Curriebekers verower het gedurende 2002, 2004 en 2009.
Gedurende 2009 was hy deel van die Springbokspan wat die reeks teen die Britse en Ierse Leeus gewen het.
Loopbaan na rugbyspeler [wysig]
Matfield was gedurende 2012 'n analis en kommentator vir Supersport. Vanaf 2013 is hy deel van die Blou Bulle se afrigting span.
Bron [wysig]
- Victor: My Reis. De Jong Borchardt. 2011. ISBN 978-1-77022-145-1
Eksterne Skakels [wysig]
- Victor Matfield by SARugby.co.za
- Victor Matfield by www.genslin.us/bokke
- Victor Matfield op itsrugby.co.uk
| Springbokrugbyspelers (2007 Rugby Wêreldbeker) |
|---|
|
John Smit (Kaptein) - Bakkies Botha - BJ Botha - Gary Botha - Schalk Burger - Jean de Villiers - Bismarck du Plessis - Jannie du Plessis - Fourie du Preez - Os du Randt - Jaque Fourie - Bryan Habana - Butch James - Ricky Januarie - Wayne Julies - Victor Matfield - Percy Montgomery - Johann Muller - Akona Ndungane - Wynand Olivier - Ruan Pienaar - JP Pietersen - André Pretorius - Danie Rossouw - Bobby Skinstad - Juan Smith - Gurthro Steenkamp - François Steyn - Albert van den Berg - CJ van der Linde - Wikus van Heerden - Ashwin Willemse |
| Springbokrugbyspelers (2008) |
|---|
|
John Smit (Kaptein) - Andries Bekker - Bakkies Botha - Heinrich Brussow - Schalk Burger - Jean de Villiers - Bismarck du Plessis - Fourie du Preez - Jaque Fourie - Bryan Habana - Adrian Jacobs - Conrad Jantjes - Ricky Januarie - Ryan Kankowski - Victor Matfield - Tendai Mtawarira - Brian Mujati - Odwa Ndungane - Jongi Nokwe - Ruan Pienaar - JP Pietersen - Chiliboy Ralepelle - Earl Rose - Danie Rossouw - Juan Smith - Pierre Spies - Gurthro Steenkamp - François Steyn |
