John Smit

in Wikipedia, die vrye ensiklopedie
Spring na: navigasie, soek
John Smit Sportportaal
Capt.jpg
Volle naam John William Smit
Geboortedatum 3 April 1978
Geboorteplek Pietersburg, Suid-Afrika
Lengte 1,88 m
Gewig 117 kg
Rugbyloopbaan
Posisie(s) Haker
Stut
Professionele klubs Wedst (pte)
2007-2008
2011-huidig
Clermont
Saracens
19
5
(5)
(5)
korrek op 24 Junie 2012.
Provinsiale/Staatspanne    
1998-2011 Natal
korrek op 24 Junie 2012.
Super Rugby Wedst (pte)
1998-2011 Sharks 125 (40)
korrek op 24 Junie 2012.
Nasionale span(ne)    
2000-2011 Vlag van Suid-Afrika Suid-Afrika 111 (40)
korrek op 24 Junie 2012.
Ander Inligting
Beroep Professionele Rugbyspeler
Skool Pretoria Boys High School
Universiteit Universiteit van Natal
Eggenote Roxy
Kinders Dogter: Emma-Joan, Seun: Tyron

John William Smit (gebore 3 April 1978 in Pietersburg, Suid-Afrika) was die 51ste kaptein van die Suid-Afrikaanse nasionale rugbyspan, die Springbokke. Hy speel haker en stut.

Vroeë jare[wysig]

John is die derde van drie seuns, sy broers is Brian en David, en sy pa is Basil en ma is Valeria Ann Wetheral - nooi Graham. Sy ma was 'n onderwyseres. Sy pa is 'n meganiese ingenieur en het by verskeie myne in Transvaal gewerk met die gevolg dat sy familie in verskeie dorpe gewoon het, onder andere: Mooinooi, Naboomspruit, Penge, Potgietersrus en Rustenburg.

Smit het Pretoria Boys High School bygewoon waar hy hoofseun was in 1996 en vir die eerste span gespeel het van 1994 tot 1996. Hy was gekies vir Noord-Transvaal se Cravenweek span in 1995 en 1996. In 1996 was hy gekies vir die Suid-Afrikaanse Skolespan. Na die Cravenweek teken hy 'n kontrak met die Natal Sharks om vir hulle te speel vanaf 1997.[1]

Provinsiale dae[wysig]

In 1997 speel hy vir die Natal O/19, Natal O/21 (toer na Wallis), SA O/19 (toer na Argentinië), SA O/21-span en Natal Wildebeeste. Hy maak ook sy provinsiale buiging vir die seniorspan: twee Curriebeker wedstryde en teen die Britse Leeus.

Internasionale Rugbyloopbaan[wysig]

Smit het sy eerste Springbokwedstryd in 2000 op 22-jarige ouderdom gespeel toe Suid-Afrika Kanada met 51-18 op die Basil Kenyon-stadion in Oos-Londen geklop het. Hy was gereeld op die reserwebank tot 2004 toe hy deur die nuwe afrigter Jake White as kaptein aangestel is.

Teen 2005 was Smit een van die suksesvolste kapteins wat Suid-Afrika nog ooit gehad het met 16 uit 22 Springbokoorwinnings, 'n wenpersentasie van 72%.[verwysing benodig] Dit maak hom net so suksesvol soos die groot Suid-Afrikaanse kapteins Gary Teichmann en Francois Pienaar.

Met die aanloop tot die 2007 Rugby Wêreldbeker is hy verbonde aan die Franse klub Clermont.[2] Hy het uiteindelik 'n tweejaarkontrak met Clermont geteken wat na die Wêreldbeker in werking getree het.[3]

John het uit internasionale rugby getree na afloop van die Rugbywêreldbeker 2011. Hy het 'n rekord 111 toetse gespeel waarin hy die Springbokke 83 keer aangevoer het. Hy hou tans beide die Suid-Afrikaanse rekords vir die meeste toetse gespeel en as kaptein gespeel.

Notas en verwysings[wysig]

  1. Captain in the Cauldron. Mike Greenway. 2009. ISBN 978-0-620-44751-5
  2. Cain, Nick, "Player exodus threatens world order", The Sunday Times, 2007-04-29. URL besoek op 2007-04-30.
  3. Matfield not lost to SA rugby”. News24.com: 2007-08-03. URL besoek op 2007-08-20.

Eksterne skakels[wysig]