Juan Smith
| Juan Smith | |||
|---|---|---|---|
 |
|||
| Volle naam | Juan Hugo Smith | ||
| Geboortedatum | 30 Julie 1980 | ||
| Geboorteplek | Bloemfontein (Suid-Afrika) | ||
| Lengte | 1,96 m | ||
| Gewig | 104 kg | ||
| Rugbyloopbaan | |||
| Posisie(s) | |||
| Flank Agtsteman |
|||
| Provinsiale/Staatspanne | |||
| Vrystaat | |||
| korrek op . | |||
| Super Rugby | Wedstryde | (punte) | |
| 2002-2005 2006-huidig |
Cats Cheetahs |
31 30 |
(55) (20) |
| korrek op . | |||
| Nasionale span(ne) | |||
| 2003-huidig |  Suid-Afrika |
62 | (50) |
| korrek op . | |||
| Ander Inligting | |||
| Beroep | Professionele rugbyspeler | ||
| Skool bygewoon | Hoërskool JBM Hertzog | ||
| Universiteit | Universiteit van die Vrystaat | ||
| Eggenote | Caroline (née Liebenberg) | ||
Juan Smith (gebore 30 Julie 1981 in Bloemfontein, Suid-Afrika) is 'n Springbok rugbyspeler. Sy normale posisie is blindekant flank. Hy speel vir die Cheetahs in die internasionale Super 14 kompetisie en vir die Vrystaat Cheetahs in die Curriebeker. Hy is tans kaptein van die Cheetahs.
Smith het sy internasionale debuut vir Suid-Afrika op 7 Junie 2003 gemaak toe hy 'n reserwe was in die 29-25 oorwinning oor Skotland in Kings Park in Durban, hy is ook gekies vir die Springbokke se tweede wedstryd teen Skotland die volgende week. Hy het daarna as agsteman gespeel tydens die 2003-Drienasiesreeks teen Australië en die All Blacks.
Hy is ingesluit in die Springbokke se 2003 Rugbywêreldbekerspan. Hy het daar in vier wedstryde gespeel en 'n drie gedruk teen Manu Samoa. Alhoewel hy in 2004 net een toets vir Suid-Afrika gespeel het - teen Wallis by die Millennium-stadion in Cardiff in November, het hy die volgende jaar tien toetse vir die Springbokke gespeel.
Hy was 'n reserwe in wedstryde teen Uruguay en Frankryk, voor hy weer in die kernspan as flank gekies is vir die 2005 Drienasies. Die Vrystaat Cheetahs het tot die 2005 Curriebeker eindstryd gevorder waar hulle die Blou Bulle geklop het om die kampioenskap te wen. Hy het daarna in die 20-16 nederlaag teen Frankryk op die Stade de France in Parys gespeel.
Die Cheetahs is tot die Super 14 toegelaat en het in die 2006 seisoen deelgeneem. Smith was kaptein van die span wat verbasend goed gedoen het vir 'n nuwe span en het bo die ander nuwe span, Western Force, sowel as drie van die ander Super 14 spanne geëindig. Hy het in die 2006 middel-van-die-jaar-toetsoorwinning oor Skotland gespeel sowel as in die nederlaag teen Frankryk in Suid-Afrika. Hy is daarna ook vir die Springbokke se 2006 Drie-Nasiesspan gekies.
In 2010 het Smith hom op die laaste nippertjie van die Cheetahs se Super 14-wedstryd teen die Reds onttrek nadat sy pa ernstig siek geword het.[1] Die Cheetahs daarna na Australasië vertrek maar sonder Smith. Hulle het teen die Waratahs verloor waarna Smith Australië toe gevlieg het. Kort voor die Cheetahs se wedstryd teen die Brumbies het Smith verneem dat sy pa oorlede is aan hartversaking nadat hy opgeneem is vir slenkdalkoors.[2] Smith het na Suid-Afrika vertrek om die begrafnis by te woon.
Op 25 Februarie 2011 het Smith sy hak in ’n Super-wedstryd teen die Bulle in Bloemfontein beseer.[3] Hy het sedertdien die Rugbywêreldbeker 2011-toernooi misgeloop.[3]
Op 3 April 2012 het Smith in ’n eksklusiewe onderhoud met die koerant Volksblad gesê, dat hy besluit het om weens sy hakseningbesering vir ’n onbepaalde tydperk ’n ruskans te neem.[3] Smith was uiters teleurgesteld dat sy besering hom so lank van die veld hou en ná vier operasies nie so spoedig herstel het soos wat hy aanvanklik gehoop het nie. “Die regte ding om nou te doen is om my besering genoegsame tyd te gun om 100% te herstel,” het hy gesê.[3]
[wysig] Verwysings
- ^ "Reds buit lakwerk uit". (html) beeld.com. URL besoek op 11 April 2010.
- ^ "Slenkdal eis al 7 mense; 104 gevalle is bevestig". (html) beeld.com. URL besoek op 11 April 2010.
- ^ 3,0 3,1 3,2 3,3 "Pletterslag vir Juan en Bokke". (html) www.volksblad.com. URL besoek op 9 April 2012.
[wysig] Eksterne skakels
- Juan Smith by SARugby.co.za
- Juan Smith by www.genslin.us/bokke
- Juan Smith op rwc2003.irb.com
- Juan Smith op genslin.us
- Free State Cheetahs
| Springbokrugbyspelers (2007 Rugby Wêreldbeker) |
|---|
|
John Smit (Kaptein) - Bakkies Botha - BJ Botha - Gary Botha - Schalk Burger - Jean de Villiers - Bismarck du Plessis - Jannie du Plessis - Fourie du Preez - Os du Randt - Jaque Fourie - Bryan Habana - Butch James - Ricky Januarie - Wayne Julies - Victor Matfield - Percy Montgomery - Johann Muller - Akona Ndungane - Wynand Olivier - Ruan Pienaar - JP Pietersen - André Pretorius - Danie Rossouw - Bobby Skinstad - Juan Smith - Gurthro Steenkamp - François Steyn - Albert van den Berg - CJ van der Linde - Wikus van Heerden - Ashwin Willemse |
