vanuit Wikipedia, die vrye ensiklopedie.
SANZAR (Suid-Afrika, Nieu-Seeland en Australië Rugby) is die liggaam wat die Super 14 en Drienasie-rugbywedstryde organiseer. Dit is 'n gesamentlike onderneming van die Suid-Afrikaanse Rugbyunie, die Nieu-Seelandse Rugbyunie en die Australiese Rugbyunie wat in 1996 tot stand gekom het.
Super 12 (nou Super 14) en die Drienasiesreeks (SANZAR se twee produkte) is kort ná rugby se oorgang na professionalisme in 1995 geskep. Die konsep is deur Queensland Rugbyunie se hoof-uitvoerende beampte Terry Doyle, Nieu-Suid-Wallis se hoof-uitvoerende beampte David Moffett en die Australiese Rugbyunie se hoof-uitvoerende beampte Bruce Hayman ontwikkel. Om die kompetisie te befonds is News Limited genader, en uiteindelik word $555 miljoen oor 10 jaar vir die wêreldwye televisieregte bewillig.
SANZAR vergader jaarliks en is saamgestel uit drie voorsitters vanuit sy lede-unies. Rian Oberholzer was die eerste voorsitter van SANZAR.
[wysig] Sien ook
