Chatsworth, KwaZulu-Natal

in Wikipedia, die vrye ensiklopedie
(Aangestuur vanaf Chatsworth, Durban)
Spring na: navigasie, soek
Chatsworth
Ligging van Chatsworth op 'n kaart (KwaZulu-Natal)
Chatsworth
Chatsworth
 Chatsworth se ligging in KwaZulu-Natal
Koördinate: 29°54′36″S 30°53′6″O / 29.91000°S 30.88500°O / -29.91000; 30.88500Koördinate: 29°54′36″S 30°53′6″O / 29.91000°S 30.88500°O / -29.91000; 30.88500
Land Vlag van Suid-Afrika Suid-Afrika
Provinsie KwaZulu-Natal
Munisipaliteit eThekwini
Oppervlak[1]
 - Voorstad 42,73 km²  (16,5 vk m)
Bevolking (2011)[1]
 - Voorstad 196 580
 - Digtheid 4 601/km² (11 916,5/myl2)
Rasverdeling (2011)[1]
 • Blank 0,1%
 • Indiër/Asiër 60,0%
 • Kleurling 1,2%
 • Swart 38,2%
 • Ander 0,5%
Taal (2011)[1]
 • Engels 62,6%
 • Zoeloe 26,2%
 • Xhosa 5,7%
 • Suid-Sotho 1,3%
 • Ander 4,2%
Poskode (strate) 4092
Poskode (posbusse) 4030
Skakelkode(s) 031

Chatsworth is 'n groot stadsdeel aan die westekant van Durban in die provinsie KwaZulu-Natal, Suid-Afrika. Chatsworth ressorteer onder die eThekwini Metropolitaanse Munisipaliteit.

Die stadsdeel het as setel gedien van die Minority Front, 'n politieke party in Suid-Afrika met hoofsaaklik Indiërsteun. In 2009 se provinsiale en nasionale verkiesing het die MF in die meeste stemdistrikte in Chatsworth die meeste stemme gekry, maar in 2014 se verkiesing het die Demokratiese Alliansie die MF hier onttroon en was dit verreweg die gewildste party, nadat hy in 2009 net in twee stemdistrikte eerste gestaan het.[2] Chatsworth bestaan uit voorstede soos Arena Park, Bayview, Bottlebrush, Croftdene, Crossmoor, Havenside, Kharwastan, Lamontville, Montford, Moorten, Risecliff, Silverglen, Umhlatuzana, Welbedacht, Welbedacht Mine, Westcliff en Woodhurst.

Demografie[wysig | wysig bron]

Die stadsdeel Chatsworth beslaan amper ’n vyfde van die stad eThekwini se metropolitaanse gebied, maar bevat minder as 6 persent van die bevolking. Al was Chatsworth ingevolge die Groepsgebiedewet ’n sogenaamde Indiërwoonbuurt, het hierdie bevolkingsgroep volgens die 2011-sensus net 60 persent (117 999) van die bevolking van 195 580 uitgemaak. Toe het die 75 004 swart inwoners meer as 38 persent van die totaal verteenwoordig, maar die bruin (1,18 persent) en wit (0,15 persent) aandeel aan die bevolking was bitter klein.[1] Volgens die sensus van 2001, toe die stadsdeel 5 km² groter was, was die Indiër-aandeel aan die bevolking van 192 166 net meer as 85 persent en die swart aandeel slegs 14,13 persent. Gevolglik het die getal Zulusprekendes ook toegeneem van minder as 'n tiende in 2001 tot meer as 'n kwart in 2011.[3] Met 62,62 persent van die bevolking bly Engels egter die grootste huistaal.

Geskiedenis[wysig | wysig bron]

Chatsworth is oorspronklik aangelê op die gelyknamige plaas, wat deel was van Witteklip, wat Samuel Bennington in 1848 gekoop en genoem het na Chatsworth naby Chesterfield in Derbyshire, Engeland.[4] In die middel van die 20ste eeu het die destydse Durbanse stadsraad Chatsworth begin ontwikkel as 'n woongebied vir Indiërs wat hierheen verskuif is uit "ongewensde omstandighede" in die stad Durban. Tot einde 1964 het die Nasionale Behuisingskommissie R12 miljoen aan die aankoop van grond en die oprigting van 8 500 huise bestee. Reeds teen 1969 het Chatsworth 100 000 inwoners gehad, almal Indiërs, en destyds is voorsien dat dit eindelik huisvesting aan 200 000 inwoners van hierdie bevolkingsgroep sou kon bied. Die staat het destyds voorsiening gemaak vir volledige geriewe, onder meer n groot, ultramoderne provinsiale hospitaal wat die hele Indiërgemeenskap van Natal moes bedien en wat ook voorsien is van 'n verpleegsterstehuis en opleidingskollege.[5]

Skooldogters in Chatsworth, KwaZulu-Natal, 2006

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 1,4 "Hoofplek Chatsworth". Sensus 2011. 
  2. (af) News24.com se kaart van uitslae in provinsiale en nasionale verkiesings. URL besoek op 9 Maart 2016.
  3. "Hoofplek Chatsworth" Sensus 2001.
  4. (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.
  5. (en) Potgieter, D.J. (red.) 1972. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).