Fikile Mbalula

in Wikipedia, die vrye ensiklopedie
Jump to navigation Jump to search
Fikile Mbalula

Minister van Vervoer
Ampsbekleër
Termynaanvang
30 Mei 2019
President Cyril Ramaphosa
Voorafgegaan deur Blade Nzimande

Minister van Polisie
Ampstermyn
31 Maart 2017 – 26 Februarie 2018
President Jacob Zuma
Voorafgegaan deur Nkosinathi Nhleko
Opgevolg deur Bheki Cele

Minister van Sport en Ontspanning
Ampstermyn
1 November 2010 – 31 Maart 2017
President Jacob Zuma
Voorafgegaan deur Makhenkesi Stofile
Opgevolg deur Thembelani Nxesi

Persoonlike besonderhede
Gebore 8 April 1971 (1971-04-08) (50 jaar oud)
Adelaide, Oos-Kaap, Suid-Afrika
Politieke party African National Congress

Fikile Mbalula (gebore op 4 Augustus 1971) is 'n Suid-Afrikaanse politikus en sedert 30 Mei 2019 minister van vervoer.[1] Hy is 'n lid van die African National Congress (ANC) se Nasionale Uitvoerende Komitee (NUK). Mbalula het vantevore as die Adjunkminister van die Suid-Afrikaanse Polisiediens gedien en is 'n voormalige president en sekretaris-generaal van die ANC-jeugliga.[2]

Loopbaan[wysig | wysig bron]

Mbalula is in Augustus 2004 tot president van die ANC-jeugliga verkies, nadat hy voorheen die pos van sekretaris-generaal beklee het.[3]

Hy word beskou as die persoon wat president Thabo Mbeki in die posisie help plaas het, en wat uiteindelik verantwoordelik was vir Mbeki se afsetting as leier van die ANC.[4] Sy ondersteuning is ook al beskryf as die sleutel tot Zuma se presidentskap.[5]

Mbalula is in Desember 2007 tot die ANC-NUK verkies by die party se Polokwane-konferensie. Volgens stemme behaal hy die 15de plek.[6] Daarna het hy uitgetree as die president van die ANC-jeugliga. Hy was 36 jaar oud en kon weens sy ouderdom nie meer 'n lid van die jeugliga wees nie.[7]

Hy het die kandidatuur van Julius Malema as sy opvolger as president van die Jeugliga ondersteun, wat beskou is as 'n skuif om die Jeugliga se steun vir Zuma te verseker.[8] Tydens die algemene verkiesing van 2009 was Mbalula die bestuurder van die ANC se verkiesingsveldtog, wat as hoogs suksesvol beskou is.[9]

Mbalula is in Mei 2009 deur Zuma as die adjunkminister van polisie aangestel en was van November 2010 tot Maart 2017 die minister van sport en ontspanning nadat president Zuma sy kabinet geskommel het.[10] Hy is aangestel na steunwerwing van die ANC-jeugliga[11][12] en, volgens mediaspekulasie, moontlik ook as 'n beloning vir sy lojaliteit teenoor Zuma.[13]

Tussen 31 Maart 2017 en 26 Februarie 2018 dien hy as die Suid-Afrikaanse Minister van Polisie in die kabinet van Jacob Zuma. Sedert Mei 2019 is hy die Minister van Vervoer onder president Ramaphosa.

Verwysings[wysig | wysig bron]

  1. "argiefkopie". Geargiveer vanaf die oorspronklike op 26 April 2020. Besoek op 18 Augustus 2019.
  2. Who;s Who SA Geargiveer 30 Junie 2012 op Wayback Machine, besoek op 6 Julie 2012
  3. ANC Youth League calls on members to put country first[dooie skakel] SABC
  4. Zuma's NWC vs Mbeki's cabinet Independent Online
  5. Zuma backers urge new direction News.com.au
  6. Meet Jacob Zuma's A-team IOL
  7. ANCYL president to retire at 36 Geargiveer 8 April 2008 op Wayback Machine News24
  8. Malema elected as new ANCYL leader Mail & Guardian
  9. Slick party machinery wins the day Business Day
  10. New Cabinet – full appointments Geargiveer 13 Mei 2009 op Wayback Machine News24
  11. ANCYL wants its cadres in top posts[dooie skakel] Sowetan
  12. Speculation about Zuma's cabinet Geargiveer 13 Mei 2009 op Wayback Machine News24
  13. Zuma's Cabinet: Who's in? Geargiveer 10 Mei 2009 op Wayback Machine News24

Eksterne skakels[wysig | wysig bron]

Politieke poste
Voorafgegaan deur
Nkosinathi Nhleko
Minister van Polisie
Maart 2017–Feb 2018
Opgevolg deur
Bheki Cele
Voorafgegaan deur
Makhenkesi Stofile
Minister van Sport en Ontspanning
Nov 2010–Maart 2017
Opgevolg deur
Thembelani Nxesi
Voorafgegaan deur
Malusi Gigaba
President van die ANC-jeugliga
2009–2011
Opgevolg deur
Julius Malema