Ellen Johnson Sirleaf

in Wikipedia, die vrye ensiklopedie
Ellen Johnson Sirleaf
Ellen Johnson Sirleaf
Ellen Johnson Sirleaf in 2015

24ste President van Liberië
Ampstermyn
16 Januarie 2006 – 22 Januarie 2018
Vise Joseph Boakai
Voorafgegaan deur Gyude Bryant
Opgevolg deur George Weah

Persoonlike besonderhede
Gebore 29 Oktober 1938 (1938-10-29) (85 jaar oud)
Monrovia, Liberië
Politieke party Eenheidsparty (tot 2018)
Onafhanklik (sedert 2018)
Eggenoot/-note James Sirleaf (geskei)
Kind(ers) 4
Alma mater Madison Business College
Universiteit van Colorado, Boulder
Harvard-universiteit
Religie Metodis
Handtekening
Toekennings Nobelprys vir Vrede (2011)

Ellen Johnson Sirleaf (gebore 29 Oktober 1938) het as 24ste president van Liberië gedien, nadat sy ingehuldig is op 16 Januarie 2006. Haar oorwinning is amptelik bekendgemaak deur die Liberiese verkiesingskommissie op 23 November 2005, na die 2005-verkiesing. Sy is die eerste verkose vroulike president van 'n Afrikaland. Joseph Boakai het as haar adjunkpresident gedien.

Die Amerikaanse ambassadeur Donald E. Booth en Liberië se president Ellen Johnson Sirleaf op haar inhuldigingseremonie
Die Nobelprys vir Vrede-wenners van 2011 in Oslo: Jemen se Tawakkol Karman, die Liberiese Leymah Gbowee en Liberië se president Ellen Johnson Sirleaf (v.l.n.r.).

'n Gegradueerde van Harvard, Sirleaf het betrokke geraak in regering nadat sy die Assistent Minister van Finansies geword het in President William Tolbert se regering in 1979, nadat sy beskuldig is van diefstal van oor die 3 miljoen Amerikaanse dollars. Tydens haar veldtog vir die Senaat in 1985, het sy haar uitgespreek teen die militêre regime, en is gevonnis tot tien jaar gevangeniskap. Sy is egter vrygelaat na 'n kort periode, en het die land verlaat in ballingskap na Nairobi, Kenia en het teruggekeer in 1997 in die kapasiteit van 'n ekonoom, in diens van die Wêreldbank, en Citibank in Afrika.

Aanvanklik 'n ondersteuner van Charles Taylor se rebellie teen Sersant Samuel Doe, maar sy het later voortgegaan om hom te opponeer, en het as kandidaat gestaan in die 1997 presidensiële verkiesing. Sy kon slegs 10% van die stemme inwin, teen oor Taylor se 75%. Taylor het haar aangekla van hoogverraad. Sy het 'n veldtog geloods vir die verwydering van Taylor uit sy amp, en het 'n aktiewe en ondersteunende rol gespeel in die oorgangsregering, soos die land voorberei het vir die 2005 verkiesing. Met Taylor se uittrede het sy die leierskap van die Eenheidsparty oorgeneem.

In die eerste rondte van die 2005 verkiesing, het sy tweede gekom met 175 520 stemme, wat haar deurgesit het na die opvolgverkiesing wat plaasgevind het op 8 November. Sy het te staan gekom teen voormalige sokkerspeler George Weah. Op 11 November het die Nasionale Verkiesingskommissie van Liberië Sirleaf verklaar as President-Elect van Liberië. Op 23 November het hulle die besluit bevestig en het verklaar dat Sirleaf die verkiesing gewen het met amper 20% meer stemme as haar opponent. Onafhanklike-, internasionale-, streeks- en plaaslike- waarnemers het verklaar dat die verkiesing vry, regverdig en deursigtig was.

Me. Sirleaf is die moeder van vier seuns en het ses kleinkinders. In 2011 het Ellen Johnson Sirleaf saam met Leymah Gbowee en Tawakkol Karman die Nobelprys vir Vrede ontvang.[1]

In Desember 2021 het James Sirleaf, een van die seuns van Ellen Sirleaf, in sy woning in Liberië gesterf onder onbekende omstandighede.[2]

Verkiesing[wysig | wysig bron]

Opsomming van die uitslae van die verkiesing op 11 Oktober 2005 en 8 Novemberedit

Stemme 1ste rondte % Stemme 2de rondte %
Ellen Johnson-Sirleaf - Eenheidsparty 192,326 19.8 478,526 59.4
George Weah - Kongres vir Demokratiese Verandering 275,265 28.3 327,046 40.6
Charles Brumskine - Liberale Party 135,093 13.9 - -
Winston Tubman - Nasionale Demokratiese Party van Liberië 89,623 9.2 - -
Varney Sherman - Coalition for the Transformation of Liberia 76,403 7.8 - -
Roland Massaquoi - Nasionale Patriotiese Party 40,361 4.1 - -
Joseph Korto - Liberië Gelyke Regte Party 31,814 3.3 - -
Alhaji G.V. Kromah - All Liberia Coalition Party 27,141 2.8 - -
Togba-Nah Tipoteh - Alliansie vir Vrede en Demokrasie 22,766 2.3 - -
William V.S. Tubman, Jr. - Hervormde Verenigde Liberië Party 15,115 1.6 - -
John Morlu - Verenigde Demokratiese Alliansie 12,068 1.2 - -
Nathaniel Barnes - Liberian Destiny Party 9,325 1.0 - -
Margaret Tor-Thompson - Vryheid Alliansie Party van Liberië 8,418 0.9 - -
Joseph Woah-Tee - Arbeidersparty van Liberië 5,948 0.6 - -
Sekou Conneh - Progressiewe Demokratiese Party 5,499 0.6 - -
David Farhat - Vrye Demokratiese Party 4,497 0.5 - -
George Klay Kieh - Nuwe Ooreenkomsbeweging 4,476 0.5 - -
Armah Jallah - Nasionale Party van Liberië 3,837 0.4 - -
Robert Kpoto - Unie van Liberiese Demokrate 3,825 0.4 - -
George Kiadii - Nasionale Visie Party van Liberië 3,646 0.4 - -
Samuel Raymond Divine 3,188 0.3 - -
Alfred Reeves - Nasionale Reformasie Party 3,156 0.3 - -
Aantal Geldige Stemme 973,790 805,572
Ongeldige/Leë Stemme 38,883 20,144
Totale Stemme 1,012,673 825,716
Aantal kiesers (1,352,730 geregistreerde kiesers) 74.9% 61.0%

Posisies beklee[wysig | wysig bron]

Sirleaf was ook:

  • 'n Stigterslid van die "International Institute for Women in Political Leadership"
  • 'n Lid van die Adviseurende Raad van "Modern Africa Growth and Investment Company"
  • 'n Lid van die Finansieskomitee van "Modern Africa Fund Managers"
  • President van die "Liberian Bank for Development and Investment"
  • President van "Kormah Development and Investment Corporation"
  • Senior Leuningsbeampte vir die Wêreldbank
  • Adjunkpresident van Citibank

Publikasies[wysig | wysig bron]

  • From Disaster to Development (1991)
  • The Outlook for Commercial Bank Lending to Sub-Saharan Africa (1992)

Toekennings[wysig | wysig bron]

Verwysings[wysig | wysig bron]

  1. "The Nobel Peace Prize 2011" (in Engels). Nobelprize.org. Geargiveer vanaf die oorspronklike op 29 Junie 2018. Besoek op 6 Oktober 2017.
  2. "Liberia: What Kills James Sirleaf?" (in Engels). All Africa. Geargiveer vanaf die oorspronklike op 25 Desember 2021. Besoek op 25-12-2021. {{cite web}}: Gaan datum na in: |access-date= (hulp)CS1 maint: bot: original URL status unknown (link)

Eksterne skakels[wysig | wysig bron]

Voorafgegaan deur
Gyude Bryant
President van Liberië
2005–2018
Opgevolg deur
George Weah