Lech Wałęsa

in Wikipedia, die vrye ensiklopedie
Spring na: navigasie, soek
Lech Wałęsa
Lech Wałęsa

Lech Wałęsa in 2009


2de President van Pole
Ampstermyn
22 Desember 1990 – 22 Desember 1995
Eerste Minister Tadeusz Mazowiecki
Jan Krzysztof Bielecki
Jan Olszewski
Waldemar Pawlak
Hanna Suchocka
Waldemar Pawlak
Józef Oleksy
Voorafgegaan deur Wojciech Jaruzelski (Pole), Ryszard Kaczorowski (in ballingskap)
Opgevolg deur Aleksander Kwaśniewski‎‎

Voorsitter van die Solidarność
Ampstermyn
14 Augustus 1980 – 12 Desember 1990
Voorafgegaan deur Amp is nuut geskep
Opgevolg deur Marian Krzaklewski

Persoonlike besonderhede
Gebore 29 September 1943 (1943-09-29) (70 jaar oud)
Popowo, Pole
Politieke party Onafhanklik/Solidarność
Eggenoot/eggenote Danuta Gołoś (1969–hede)
Kind(ers) 8
Religie Rooms-Katolieke Kerk
Handtekening Lech Walesa Signature.svg

Lech Wałęsa [ˈlɛx vaˈwɛ̃sa] (* 29 September 1943 in die dorp Popowo naby Lipno (Koejawië-Pommere, Pole) is 'n Poolse politikus, vakbondleier en Nobelpryswenner vir Vrede.

Wałęsa het 'n beroepsopleiding as elektrisiën gevolg en het in 1980 'n prominente rol tydens die stakings in Gdansk (Pools: Gdańsk) gespeel. Hy was een van die medestigters en tussen 1980 en 1990 ook die voorsitter van die onafhanklike Poolse vakbond Solidarność ("Solidariteit"). Ná die afkondiging van krygswet deur die kommunistiese Poolse bewind in 1981 is Wałęsa as een van die Kommunistiese Party se felste teenstanders onder huisarres geplaas, maar in 1982 weer vrygelaat.

As een van die leidende figure gedurende die periode van politieke omwenteling in Pole het Wałęsa ná sy verkiesing tot die amp van Staatspresident die politieke en ekonomiese transformasie van 'n sosialistiese stelsel tot 'n demokratiese vryemarkstelsel (die sogenaamde Derde Poolse Republiek) georganiseer. In 1998 is Wałęsa as voorsitter van die Christen-Demokratiese Party van Pole verkies, en in 1983 is die Nobelprys vir Vrede aan hom toegeken.