Kings Park-stadion

Kings Park-stadion
Lugbeeld van die Kings Park-stadon in 2013
Volle naam	Hollywoodbets Kings Park
Vorige name	ABSA-stadion (2000–2010) Mr Price Kings Park (2011–2012) Growthpoint Kings Park (2013–2018) Jonsson Kings Park (2018–2022)
Ligging	Durban
Koördinate	29°49′29.60″S 31°1′46.88″O
Eienaar	eThekwini Metropolitaanse Munisipaliteit
Kapasiteit	52 000 (rugby en sokker)
Oppervlak	Gras
Konstruksie
Gebou	1891
Geopen	28 Junie 1958
Renovasie	1984, 1993–1995
Huurders
Natalse Haaie, Sharks, Golden Arrows en AmaZulu FC

Kings Park-stadion, ook bekend as Hollywoodbets Kings Park vir borgskapdoeleindes, is 'n stadion wat in Durban, Suid-Afrika geleë is. Die stadion is oorspronklik in 1891 gebou en is in die middel-1990's opgeknap. Die stadion kan 52 000 toeskouers akkomodeer en word gebruik vir beide rugby- en sokkerwedstryde. Die stadion is aangrensend aan die Moses Mabhidastadion, in die Kings Park-sportkompleks, en die Durban-straatbaan wat gebruik was vir die A1 GP Wêreldbeker van motorsport. Dit sluit in 'n aangrensende binnehuisarena, sokkermuseum, sportinstituut en 'n treinstasie.

Lugbeeld van die Kings Park-sportkompleks in 2009, links die Moses Mabhidastadion onder konstruksie en regs die Kings Park-stadion

Die stadion word tans deur die volgende spanne gebruik:

• Die Sharks tydens (Verenigde Rugbykampioenskapwedstryde.
• Die Natalse Haaie tydens Curriebekerwedstryde.
• Die Springbokke op 'n roterende basis met ander stede vir internasionale rugbytoetse.
• Golden Arrows in die Premier Sokkerliga.

Wedstryde

Rugbywêreldbeker 1995

Die hoofartikel vir hierdie afdeling is: Rugbywêreldbeker 1995.

Datum	Span 1	Telling	Span 2	Rondte	Toeskouers
27 Mei 1995	Argentinië	18–24	Engeland	Groep B	30 000
31 Mei 1995	Engeland	27–20	Italië	Groep B	21 000
4 Junie 1995	Engeland	44–22	Samoa	Groep B	20 000
10 Junie 1995	Frankryk	36–12	Ierland	Kwarteindstryd	18 000
17 Junie 1995	Suid-Afrika	19–15	Frankryk	Halfeindstryd	50 000

Afrikanasiesbeker 1996

Die hoofartikel vir hierdie afdeling is: Afrikanasiesbeker 1996.

Datum	Span 1	Telling	Span 2	Rondte	Toeskouers
16 Januarie 1996	Gaboen	1–2	Liberië	Groep C	5 000
19 Januarie 1996	Gaboen	2–0	Zaïre	Groep C	6 000
24 Januarie 1996	Angola	3–3	Kameroen	Groep A	6 000
28 Januarie 1996	Gaboen	1-1 (1-4 n.S.)	Tunisië	Kwarteindstryd	4 000
31 Januarie 1996	Zambië	2–4	Tunisië	Halfeindstryd	5 000

Sien ook

• Lys van stadions in Suid-Afrika

Eksterne skakels

• Wikimedia Commons het meer media in die kategorie Kings Park-stadion.