Gaan na inhoud

Krieket Kanada

in Wikipedia, die vrye ensiklopedie
Krieket Kanada
Kenteken van Krieket Kanada
Kenteken van Krieket Kanada
Engelse en Franse naam Cricket Canada
Afkorting CC
Land Vlag van Kanada Kanada
Sportsoort Krieket
Stigting 1892
Lid van Internasionale Krieketraad
Aangesluit in 1968
Vastelandse beheerliggaam IKR Amerikas
President Rashpal Bajwa
Hoof- uitvoerende beampte Ingleton Liburd
Setel Toronto, Kanada
Amptelike tale Engels en Frans
Amptelike webwerf cricketcanada.org

Krieket Kanada (Engels en Frans: Cricket Canada, afgekort “CC”), tot in 2007 bekend as die Kanadese Krieketvereniging (Canadian Cricket Association, “CCA”; Frans: Association canadienne de cricket, “ACC”), is die bestuursliggaam wat krieket in Kanada beheer. Die beheerliggaam is in 1892 gestig en in Toronto gesetel. Sedert 1968 verteenwoordig dit Kanada by die Internasionale Krieketraad (IKR) as ’n assosiaatlid en ook by die IKR Amerikas (ICC Americas).

Geskiedenis[wysig | wysig bron]

Krieket Kanada is in 1892 as die Kanadese Krieketvereniging gestig. In 1968 het dit ’n assosiaatlid van die Internasionale Krieketraad (IKR) geword en in 2007 sy huidige naam aangeneem.[1]

Taak[wysig | wysig bron]

Krieket Kanada organiseer verskeie nasionale spanne, insluitend Kanada se nasionale seniorkrieketspan vir mans (die Maple leafers), vroue en jeug. Hulle is ook verantwoordelik vir die bestuur en organisasie van EDI- en T20I-reekse teen ander spanne, en vir die reëling van internasionale wedstryde tuis. Daarbenewens is Krieket Kanada verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Kanadese span.

Daarbenewens bestuur die beheerliggaam kinder- en jeugkrieket in Kanada. Net soos ander krieketlande beskik Kanada oor ’n o/19-nasionale span wat aan die o/19-krieketwêreldbeker deelneem.[2]

Die beheerliggaam reël ook die plaaslike kompetisies. Die belangrikste krieketliga in Kanada is die Global T20 Canada, waaraan ses spanne deelneem.

Kenteken[wysig | wysig bron]

Krieket Kanada se kenteken toon ’n elfpuntige esdoringblaar (Acer saccharum) in die nasionale kleure wit en rooi, ontleen aan die vlag van Kanada, met die belettering Cricket Canada daaronder.

Sien ook[wysig | wysig bron]

Verwysings[wysig | wysig bron]

  1. (en) "Cricket Canada". Internasionale Krieketraad. Besoek op 12 Februarie 2024.
  2. (en) Martin Williamson (11 Januarie 2006). "The Under-19 World Cup". ESPNcricinfo. Besoek op 12 Februarie 2024.

Eksterne skakels[wysig | wysig bron]