Oman Krieket
| Oman Krieket | |
|---|---|
 Kenteken van Oman Krieket
| |
| Engelse naam | Oman Cricket |
| Afkorting | OC |
| Arabiese naam | عمان للكريكيت |
| Land |  Oman
|
| Sportsoort | Krieket |
| Stigting | 1979 |
| Lid van | Internasionale Krieketraad |
| Aangesluit in | 2000 |
| Vastelandse beheerliggaam | Asiatiese Krieketraad |
| Voorsitter | Pankaj Khimji |
| Setel | Maskat, Oman |
| Amptelike tale | Engels en Arabies |
| Amptelike webwerf | omancricket.org |
Oman Krieket (Engels: Oman Cricket, afgekort “OC”; Arabies: عمان للكريكيت) is die bestuursliggaam wat krieket in Oman beheer. Die beheerliggaam is in 1979 gestig en in Maskat gesetel. Sedert 2013 verteenwoordig dit Oman by die Internasionale Krieketraad (IKR) as ’n assosiaatlid en sedert 2000 ook by die Asiatiese Krieketraad (Asian Cricket Council, ACC).
Geskiedenis[wysig | wysig bron]
Oman Krieket is in 1979 gestig. In 2000 het dit ’n geaffilieerde lid van die Internasionale Krieketraad (IKR) geword en in 2014 ’n assosiaatlid.[1] Daarbenewens het OC in 2000 ’n lid van die Asiatiese Krieketraad (Asian Cricket Council, ACC) geword.[2]
Taak[wysig | wysig bron]
Oman Krieket organiseer verskeie nasionale spanne, insluitend Oman se nasionale seniorkrieketspan vir mans, vroue en jeug. Hulle is ook verantwoordelik vir die bestuur en organisasie van EDI- en T20I-reekse teen ander spanne, en vir die reëling van internasionale wedstryde tuis. Daarbenewens is Oman Krieket verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Omaanse span.
Daarbenewens bestuur die beheerliggaam kinder- en jeugkrieket in Oman. Net soos ander krieketlande beskik Oman oor ’n o/19-nasionale span wat aan die o/19-krieketwêreldbeker deelneem.[3]
Die huisvesting van internasionale toernooie is ook een van hul take. Oman Krieket het saam met die Verenigde Arabiese Emirate die T20I-wêreldbeker 2021 aangebied. Dit was die eerste vername kriekettoernooi wat geheel en al deur assosiaatlede van die IKR gehuisves is.[4]
Kenteken[wysig | wysig bron]
Oman Krieket se kenteken toon ’n na regs vlieënde rooi krieketbal met vlamme in groen en rooi met die belettering Oman Cricket in Engels onder en Arabies bo.
Verwysings[wysig | wysig bron]
- ↑ (en) "Oman Cricket". Internasionale Krieketraad. Besoek op 15 Februarie 2024.
- ↑ (en) "Inaugural Meeting of The Asian Cricket Conference on 19th and 20th September 1983, New Delhi, India". Asiatiese Krieketraad. Besoek op 15 Februarie 2024.
- ↑ (en) Martin Williamson (11 Januarie 2006). "The Under-19 World Cup". ESPNcricinfo. Besoek op 15 Februarie 2024.
- ↑ (en) Paul Radley (29 Junie 2021). "T20 World Cup will move to UAE and Oman, confirms ICC". The National. Besoek op 15 Februarie 2024.
Eksterne skakels[wysig | wysig bron]
- (ar) (en) Amptelike webwerf van Oman Krieket
Nasionale Krieketrade van die Internasionale Krieketraad | ||
|---|---|---|
| Afrika | Botswana • Eswatini • Gambië • Ghana • Kameroen • Kenia • Lesotho • Malawi • Mali • Marokko • Mosambiek • Namibië • Nigerië • Rwanda • Seychelle • Sierra Leone • Sint Helena • Suid-Afrika • Tanzanië • Uganda • Zambië • Zimbabwe |  |
| Amerikas | Argentinië • Bahamas • Belize • Bermuda • Brasilië • Chili • Costa Rica • Falkland-eilande • Kaaimanseilande • Kanada • Meksiko • Panama • Peru • Suriname • Turks- en Caicoseilande • Wes-Indië • Verenigde State | |
| Asië | Afghanistan • Bahrein • Bangladesj • Bhoetan • Hongkong • Indië • Iran • Kambodja • Katar • Koeweit • Maleisië • Maledive • Mianmar • Mongolië • Nepal • Oesbekistan • Oman • Pakistan • Saoedi-Arabië • Singapoer • Sri Lanka • Tadjikistan • Thailand • Verenigde Arabiese Emirate • Volksrepubliek China | |
| Europa | België • Bulgarye • Denemarke • Duitsland • Eiland Man • Engeland • Estland • Finland • Frankryk • Gibraltar • Griekeland • Guernsey • Hongarye • Ierland • Israel • Italië • Jersey • Kroasië • Luxemburg • Malta • Nederland • Noorweë • Oostenryk • Portugal • Roemenië • Serwië • Siprus • Skotland • Slowenië • Spanje • Swede • Switserland • Tsjeggië • Turkye | |
| Oos-Asië-Pasifiek | Australië • Cookeilande • Fidji • Filippyne • Indonesië • Japan • Nieu-Seeland • Papoea-Nieu-Guinee • Samoa • Suid-Korea • Vanuatu | |
Vetdruk dui op volle lede en skuinsdruk op assosiaatlede met huidige of voormalige EDI-status asook kriekettoernooi-ervaring | ||