Nieu-Seeland Krieket

in Wikipedia, die vrye ensiklopedie
Nieu-Seeland Krieket
Kenteken van Nieu-Seeland Krieket
Kenteken van Nieu-Seeland Krieket
Engelse naam New Zealand Cricket
Afkorting NZC
Land Vlag van Nieu-Seeland Nieu-Seeland
Sportsoort Krieket
Stigting 27 Desember 1894
Gestig in Christchurch, Nieu-Seeland
Lid van Internasionale Krieketraad
Aangesluit op 31 Mei 1926
Vastelandse beheerliggaam IKR Oos-Asië-Pasifiek
President Debbie Hockley
Voorsitter Martin Snedden
Hoof- uitvoerende beampte David White
Setel Christchurch, Nieu-Seeland
Amptelike taal Engels
Amptelike webwerf nzc.nz

Nieu-Seeland Krieket (Engels: New Zealand Cricket, afgekort “NZC”), voorheen bekend as die Nieu-Seelandse Krieketraad (New Zealand Cricket Council, NZCC), is die bestuursliggaam wat krieket in Nieu-Seeland beheer. Die raad is by die Internasionale Krieketraad (IKR) geaffilieer[1] en organiseer verskeie nasionale spanne, insluitend Nieu-Seeland se nasionale seniorkrieketspan vir mans (die Black Caps), vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en vir die reëling van internasionale wedstryde tuis. Daarbenewens is Nieu-Seeland Krieket verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Nieu-Seelandse span. Nieu-Seeland Krieket het reeds as medegasheer van belangrike toernooie soos die krieketwêreldbekers in 1992 en 2015 (albei saam met Australië) opgetree.

Nieu-Seeland Krieket is op 27 Desember 1894 as die Nieu-Seelandse Krieketraad gestig.[2] Sedert 31 Mei 1926 is Nieu-Seeland ’n volle lid van die Internasionale Krieketraad (IKR) en mag dus toetskrieket speel, wat na die belangrikste en vernaamste internasionale krieketwedstryde verwys.[3]

Kinders en jongmense word reeds op skool aan krieket bekend gestel en na gelang van hul belangstelling en talent begin hul met hul afrigting. Nes ander krieketnasies beskik Nieu-Seeland oor ’n o/19-nasionale span wat aan die o/19-krieketwêreldbeker deelneem.[4] Nieu-Seeland A is die tweede nasionale span van Nieu-Seeland en van hul wedstryde geniet eersterangse of A-lys-status.

Sien ook[wysig | wysig bron]

Verwysings[wysig | wysig bron]

  1. (en) "New Zealand Cricket". Internasionale Krieketraad. Besoek op 24 Junie 2021.
  2. (en) "Cricket Conference: Formation of a New Zealand Council". Press. 28 Desember 1894. p. 3. Besoek op 24 Junie 2021.
  3. (en) "New Zealand". Internasionale Krieketraad. Besoek op 24 Junie 2021.
  4. (en) Martin Williamson. "A brief history: The Under-19 World Cup". ESPNcricinfo. Besoek op 24 Junie 2021.

Eksterne skakels[wysig | wysig bron]


Nasionale Krieketrade van die Internasionale Krieketraad Cricket pictogram.svg

AfghanistanAustraliëBangladesjEngelandIerlandIndiëNieu-SeelandPakistanSri LankaSuid-AfrikaWes-IndiëZimbabwe