Zimbabwe Krieket
| Zimbabwe Krieket | |
|---|---|
 Kenteken van Zimbabwe Krieket
| |
| Engelse naam | Zimbabwe Cricket |
| Afkorting | ZC |
| Land |  Zimbabwe
|
| Sportsoort | Krieket |
| Stigting | 1992 |
| Lid van | Internasionale Krieketraad |
| Aangesluit op | 6 Julie 1992 |
| Vastelandse beheerliggaam | Afrikakrieketvereniging |
| Voorsitter | Tavengwa Mukuhlani |
| Hoof- uitvoerende beampte | Wilfred Mukondiwa |
| Setel | Harare Sportklub, Harare, Zimbabwe |
| Amptelike taal | Engels |
| Amptelike webwerf | zimcricket.org |
Zimbabwe Krieket (Engels: Zimbabwe Cricket, afgekort “ZC”), tot in 2004 bekend as die Zimbabwiese Krieketunie (Zimbabwe Cricket Union, “ZCU”), is die bestuursliggaam wat krieket in Zimbabwe beheer. Die raad is by die Internasionale Krieketraad (IKR) geaffilieer[1] en organiseer verskeie nasionale spanne, insluitend Zimbabwe se nasionale seniorkrieketspan vir mans (die Chevrons), vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en vir die reëling van internasionale wedstryde tuis. Daarbenewens is Zimbabwe Krieket verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Zimbabwiese span. Zimbabwe Krieket het al opgetree as medegasheer van belangrike toernooie soos die Krieketwêreldbeker 2003 (saam met Kenia en Suid-Afrika). Saam met Namibië en Suid-Afrika sal Zimbabwe die Krieketwêreldbeker 2027 ook aanbied.[2]
Zimbabwe Krieket is in 1992 as die Zimbabwiese Krieketunie gestig en het op 6 Julie dieselfde jaar ’n volle lid van die Internasionale Krieketraad geword. Hulle mag dus toetskrieket speel, wat na die belangrikste en vernaamste internasionale krieketwedstryde verwys.[3]
Kinders en jongmense word reeds op skool aan krieket bekend gestel en na gelang van hul belangstelling en talent begin hul met hul afrigting. Nes ander krieketnasies beskik Zimbabwe oor ’n o/19-nasionale span wat aan die o/19-krieketwêreldbeker deelneem.[4] Zimbabwe A is die tweede nasionale span van Zimbabwe en van hul wedstryde geniet eersterangse of A-lys-status. Die belangrikste krieketligas in Zimbabwe is die Logan Beker in eersterangse krieket (20 spanne), die Pro50 Kampioenskap in EDI-krieket (vyf spanne) en die Stanbic Bank 20-reeks in T20-krieket (vyf spanne).
Verwysings[wysig | wysig bron]
- ↑ (en) "Cricket Zimbabwe". Internasionale Krieketraad. Besoek op 24 Junie 2021.
- ↑ (en) Nagraj Gollapudi (16 November 2021). "USA co-hosts for 2024 T20 WC, Pakistan gets 2025 Champions Trophy, India and Bangladesh 2031 World Cup". ESPNcricinfo. Besoek op 11 Desember 2022.
- ↑ (en) "Zimbabwe Cricket Union given a facelift". ESPNcricinfo. 22 April 2019. Besoek op 24 Junie 2021.
- ↑ (en) Martin Williamson. "A brief history: The Under-19 World Cup". ESPNcricinfo. Besoek op 24 Junie 2021.
Eksterne skakels[wysig | wysig bron]
| Nasionale Krieketrade van die Internasionale Krieketraad | 
|
||
|---|---|---|---|
|
Afghanistan • Australië • Bangladesj • Engeland • Ierland • Indië • Nieu-Seeland • Pakistan • Sri Lanka • Suid-Afrika • Wes-Indië • Zimbabwe | |||